غسل کے وقت مرحوم امجد صابری مسکرانے لگ گئے، رمضان چھیپا
اشاعت کی تاریخ: 14th, March 2025 GMT
سماجی رہنما رمضان چھیپا نے دعویٰ کیا ہے کہ آخری غسل کے وقت مرحوم امجد صابری مسکرانے لگ گئے، جس وجہ سے وہ ڈر کر میت سے پیچھے ہوگئے اور انہوں نے مرحومین کی ورثا کو بلا لیا۔
رمضان چھیپا نے حال ہی میں ’جی این این‘ کے پروگرام میں شرکت کی، جہاں انہوں نے اپنی سماجی خدمات سمیت مختلف معاملات پر کھل کر بات کی۔
پروگرام میں میتوں کو غسل دینے کے معاملے پر بات کرتے ہوئے رمضان چھیپا نے بتایا کہ بعض اوقات ان کے پاس ایسی میتیں بھی آتی ہیں، جن کے ورثا ناک بند کرکے کھڑے ہوتے ہیں اور انہیں میت کو غسل دینے کا کہتے ہیں۔
انہوں نے بتایا کہ انہوں نے درجنوں میتوں کو غسل دیا اور غسل دیتے وقت انہوں نے کبھی کسی کے چہرے پر تکلیف اور پریشانی کے آثار دیکھے تو کسی کے چہرے پر خوشی اور تازگی دیکھی۔
ایک سوال کے پر رمضان چھیپا نے بتایا کہ مرحوم امجد صابری نے اپنی زندگی میں ہی اہلیہ کو وصیت کی تھی ان کا غسل اور تدفین رمضان چھیپا سے کروائی جائے اور پھر جب انہیں قتل کیا گیا تو ان سے رجوع کیا گیا۔
انہوں نے بتایا کہ انہوں نے ہی امجد صابری کے غسل اور کفن سمیت ان کی تدفین کے انتظامات کیے جب کہ انہوں نے ہی انہیں لحد میں اتارا۔
سماجی رہنما کا کہنا تھا کہ قبر میں اتارتے وقت انہوں نے امجد صابری کے ورثا کو قبر میں اترنے کا کہا لیکن وہ بضد رہے کہ آپ ہی تدفین کے معاملات سر انجام دیں۔
رمضان چھیپا نے بتایا کہ امجد صابری کو غسل دیتے وقت وہ چونک گئے اور میت کو چھوڑ کر باہر آکر ان کے ورثا کو ماجرا بتایا۔
ان کے مطابق انہوں نے دیکھا کہ اچانک امجد صابری مسکرانے لگ گئے، جس پر وہ چونک گئے تھے اور انہوں نے مرحوم کے ورثا کو بلاکر انہیں دکھایا اور وہ بھی حیران رہ گئے۔
ان کا کہنا تھاکہ امجد صابری کے ورثا نے منظر دیکھ کر قرآن پاک کی تلاوت اور درود پاک کا ورد کرنا شروع کیا اور غسل خانے میں الگ ہی منظر ہوگیا۔
رمضان چھیپا کا کہنا تھا کہ ان کا یقین ہے کہ امجد صابری کو کوئی بشارت اور خوشی ملی ہوگی، جسے دیکھ کر وہ مسکرانے لگ گئے تھے۔
ان کے مطابق غسل خانے میں میتوں کو غسل دیتے وقت انہوں نے بہت ساری میتوں کے چہروں پر تکلیف اور پریشانی کے آثار بھی دیکھے جب کہ امجد صابری جیسی اچھی شخصیات کو مسکراتے بھی دیکھا۔
خیال رہے کہ امجد صابری کو 22 جون 2016 میں رمضان المبارک میں کراچی کے علاقے لیاقت آباد میں فائرنگ کرکے قتل کردیا گیا تھا۔
Post Views: 1.ذریعہ: Daily Mumtaz
کلیدی لفظ: رمضان چھیپا نے مسکرانے لگ گئے کہ امجد صابری نے بتایا کہ انہوں نے کے ورثا ورثا کو کو غسل
پڑھیں:
لاہور، علامہ ریاض نجفی کا علامہ علی رضا نقوی کی وفات پر گہرے دکھ کا اظہار
اپنے تعزیتی بیان میں ممتاز عالم دین نے کہا علامہ علی رضا نقوی مرحوم بلند پایہ مدرس اور علمی شخصیت تھے، ان کی تدریسی خدمات کو تادیر یاد رکھا جائے گا۔ انہوں نے کہا علامہ علی رضا نقوی مرحوم اپنے والد علامہ سید گلاب علی شاہ کی طرف سے قائم اسلامی مراکز اور مدارس کی سرپرستی کر رہے تھے، ان کے بلند درجات کے لیے دعاگو ہیں۔ اسلام ٹائمز۔ وفاق المدارس الشیعہ پاکستان کے صدر علامہ حافظ سید ریاض حسین نجفی نے علامہ گلاب علی شاہ رحمة اللہ علیہ کے فرزند پرنسپل جامعہ مخزن العلوم جعفریہ شیعہ میانی ملتان علامہ علی رضا نقوی کی وفات پر گہرے دکھ کا اظہار کرتے ہوئے سوگوار علمی خاندان سے تعزیت کیا ہے۔ اپنے تعزیتی بیان میں انہوں نے کہا علامہ علی رضا نقوی مرحوم بلند پایہ مدرس اور علمی شخصیت تھے، ان کی تدریسی خدمات کو تادیر یاد رکھا جائے گا۔ انہوں نے کہا علامہ علی رضا نقوی مرحوم اپنے والد علامہ سید گلاب علی شاہ کی طرف سے قائم اسلامی مراکز اور مدارس کی سرپرستی کر رہے تھے، ان کے بلند درجات کے لیے دعاگو ہیں۔
واضح رہے کہ مرحوم علامہ علی رضا نقوی، علامہ سید ساجد علی نقوی کے چچا زاد اور شیعہ علماء کونسل کے مرکزی سینیئر نائب صدر علامہ محمد تقی نقوی کے چھوٹے بھائی تھے۔ آیت اللہ حافظ ریاض حسین نجفی نے مولانا رضی عباس ہمدانی، قاضی شبیر حسین علوی اور مولانا غلام عباس کے انتقال پر بھی سوار خاندانوں سے اظہار تعزیت کیا اور مرحومین کی بلند درجات کیلئے دعا بھی کی اور ان کی علمی خدمات کو خراج عقیدت بھی پیش کیا۔
پارلیمنٹ اور لاجز کی سکیورٹی کو مزید بہتر بنایا جائے،ڈپٹی چیئرمین سینیٹ سے آئی جی اسلام آبادکی ملاقات