’ایک ہی سڑک پر 30 کرکٹ میچز‘، کرک انفو نے کراچی کی ویڈیو شیئر کردی
اشاعت کی تاریخ: 14th, March 2025 GMT
کراچی میں جہاں رمضان کا مہنیہ شروع ہوتے ہی مساجد اور دکانوں کی رونقیں بڑھ جاتی ہیں وہیں کھیل کے میدان بھی آباد ہو جاتے ہیں۔ کراچی میں اکثر دیکھا گیا ہے کہ ہر رات تراویح کی ادائیگی کے بعد کرکٹ کا دور شروع ہوتا ہے۔ رمضان میں نوجوان کھیل کے میدانوں کے علاوہ گلیوں اور سڑکوں پر بھی کرکٹ کھیل کرشوق پورا کرتے ہیں۔
سوشل میڈیا پر کرک انفو نے ایسی ہی ایک ویڈیو شیئر کی ہے جس میں کراچی کی ایک ہی سڑک کے 30 مختلف مقامات پر نوجوان کرکٹ کھیل رہے ہیں جس سے ان کا کرکٹ کے لیے جنون دیکھنے میں آتا ہے۔
ویڈیو سوشل میڈیا پر وائرل ہوئی تو صارفین کی جانب سے اس پر مختلف تبصرے کیے گئے۔ کرک انفو نے لکھا کہ یہ کراچی میں رمضان نائٹ اسٹریٹ کا جنون ہے۔
The Ramadan night street cricket craze in Karachi ???? #YourShots by Taha Bilal pic.
— ESPNcricinfo (@ESPNcricinfo) March 14, 2025
عمران صدیقی لکھتے ہیں کہ سٹریٹ کرکٹ کے بغیر رمضان نا مکمل ہے۔
Ramzan is incomplete without street cricket ???? .
Period!
— ٰImran Siddique (@imransiddique89) March 14, 2025
نوجوانوں کو سڑک کے اوپر کرکٹ کھیلتا دیکھ کر ایک ایکس صارف نے سوال کیا کہ اسٹیڈیم نہیں جاتے یہ لوگ؟
Stadium nhi jatay ye log ????
— sketxh (@SattarEdhi1165) March 14, 2025
پاکستان کے معروف اداکار، گلوکار اور میزبان فخر عالم نے لکھا کہ یہ صرف کراچی کی ایک سٹریٹ ہے۔ ملک بھر میں کچھ زبردست ٹیپ بال ٹورنامنٹس اور وائٹ بال ٹورنامنٹس ہو رہے ہیں۔ وہاں کچھ شاندار ٹیلنٹ موجود ہے جو دریافت ہونے کا انتظار کر رہا ہے۔
And this is just one street of Karachi. There are some serious tape ball tournaments, white ball tournaments happening nationwide. Some outstanding talent out there waiting to be discovered. https://t.co/3k1P6wjmXN
— Fakhr-e-Alam S.I & S.E (@falamb3) March 14, 2025
معظم علی بیگ نے لکھا کہ کراچی میں رمضان المبارک کے مقدس مہینے میں مختلف جگہوں پر نائٹ کرکٹ کا اپنا معیار اور مزہ ہے۔ انہوں نے ویڈیو پر تبصرہ کرتے ہوئے کہا کہ یہ ابھی صرف ایک گلی ہے۔
The holy month of Ramadan in Karachi and night cricket in various places have their own quality & fun.
Remember this is just a one street. https://t.co/3GMuttkyQR
— Moazzam Ali Baig (معظم علی بیگ) (@moazzamalibaig3) March 14, 2025
عبداللہ نامی صارف نے لکھا کہ ’کراچی تو پھر کراچی ہے نا‘۔
Karachi to phir Karachi haina https://t.co/w7VALJmOnN
— Abdullah (@Rflx_56_) March 14, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سٹریٹ کرکٹ کراچی کرکٹ کا جنون کرکٹ کریزذریعہ: WE News
کلیدی لفظ: سٹریٹ کرکٹ کراچی کرکٹ کا جنون کرکٹ کریز نے لکھا کہ کراچی میں
پڑھیں:
انٹر سال اول کے نتائج کا کم تناسب؛ این ای ڈی یونیورسٹی نے داخلہ پالیسی تبدیل کردی
کراچی:کراچی میں انٹر سال اول کے نتائج کا تناسب انتہائی کم ہوجانے کے بعد اب این ای ڈی یونیورسٹی آف انجینئرنگ اینڈٹیکنالوجی نے اپنی داخلہ پالیسی میں تبدیلی کردی ہے اور نئے سیشن 2025/26 کے بی ای اور بی ایس کے داخلوں کے سلسلے میں انٹرمیڈیٹ کے نتائج کا وویٹج (weightage ) کم کرتے ہوئے رجحان ٹیسٹ کے وویٹج میں اضافہ کردیا گیا ہے اور میرٹ لسٹ اب اس نئے فارمولے کے تحت تیار ہوگی۔
مذکورہ فیصلہ انٹر سال اول پری انجینئرنگ اور پری میڈیکل کے کراچی کے طلبا کے نتائج کم ہوکر بالترتیب 29 فیصد اور 35 فیصد رہ جانے کے سبب کیا گیا ہے، یہ فیصلہ صوبائی وزیر تعلیم سید سردار شاہ کی کنوینر شپ میں سندھ اسمبلی کے اراکین پر مشتمل کمیٹی کی جانب سے تشکیل شدہ فیکٹ فائنڈنگ کمیٹی کی رپورٹ اور اس میں موجود سفارشات کو سرد خانے کی نذر کیے جانے کے بعد سامنے آیا ہے۔
فیکٹ فائنڈنگ رپورٹ میں انٹر سال اول پری میڈیکل اور پری انجینئرنگ کے طلبا کے فزکس، کیمسٹری اور ریاضی کے مارکس میں 15 سے 20 فیصد تک اضافے کی سفارش کی گئی تھی تاہم اس رپورٹ پر کوئی عملدرآمد سامنے آیا یے نہ ہی اس رپورٹ کو مسترد کیا جارہا ہے۔
واضح رہے کہ این ای ڈی یونیورسٹی میں بی ای کے داخلے انٹر سال اول کی نتائج کی بنیاد پر دیے جاتے ہیں، کراچی انٹر بورڈ کے تحت پری انجینئرنگ میں صرف 29 فیصد طلبہ تمام پرچوں میں پاس ہیں تاہم نتائج کا تناسب کم کونے کےسبب یہ تمام طلبا بھی این ای ڈی یونیورسٹی میں داخلوں کے لیے درخواستیں دینے کے اہل نہیں ہوں گے۔
صرف وہ طلبا ہی داخلوں کے لیے درخواستیں دے سکتے ہیں جن کے انٹر سال اول کے نتائج 57 فیصد یا اس سے زیادہ ہیں تاہم ان طلبا کی تعداد بھی بہت زیادہ نہیں ہے اور رپورٹ پر عمل نہ ہونے کی صورت میں کراچی کے طلبا کی ایک بڑی تعداد این ای ڈی میں داخلہ درخواستیں دینے کی اہل نہیں ہوگی۔
واضح رہے کہ این ای ڈی یونیورسٹی کی داخلہ پالیسی میں ترمیم کا فیصلہ حال ہی میں منعقدہ اکیڈمک کونسل کے اجلاس میں کیا گیا ہے۔
"ایکسپریس " کے رابطہ کرنے پر این ای ڈی یونیورسٹی کے پرووائس چانسلر ڈاکٹر طفیل احمد کا کہنا تھا کہ اب داخلوں کے سلسلے میں میرٹ طے کرنے کے لیے ٹیسٹ کا وویٹج 60 فیصد اور انٹر سال اول کے مارکس کا وویٹج 40 فیصد ہوگا، اس سے قبل یہ وویٹج 50/50 فیصد سے مساوی ہوا کرتا تھا جسے اس سال سے تبدیل کیا جارہا ہے۔
اکیڈمک کونسل کے فیصلے کے مطابق داخلوں کے سلسلے میں اشتہار مارچ کے آخری ہفتے میں جاری ہوگا، 24 مئی کو پہلا رجحان ٹیسٹ جبکہ 12 جولائی کو دوسرا ٹیسٹ ہوگا، نئے سیشن کا آغاز 18 اگست سے کردیا جائے گا، اس سال 35 پروگراموں میں 3016 نشستوں پر داخلے دیے جائیں گے، جبکہ یونیورسٹی نے داخلہ نشستوں میں 100 سیٹس کا اضافہ کیا یے۔
محسن نقوی کو گدھے اور گھوڑے میں پہچان کرنی چاہیے، عظمیٰ بخاری