ہیما مالنی کی وائرل تصویر نے ریئلٹی شوز کی ’حقیقت‘‘ کا راز فاش کردیا
اشاعت کی تاریخ: 14th, March 2025 GMT
ریئلٹی شوز میں کتنی حقیقت ہوتی ہے؟ یہ سوال ہمیشہ سے مقابلہ کرنے والوں، ججوں اور ناظرین کے درمیان بحث کا موضوع رہا ہے۔
انٹرنیٹ پر حال ہی میں ہیما مالنی کی ایک تصویر وائرل ہورہی ہے جس میں وہ ’انڈین آئیڈل‘ کی ایک قسط کا تفصیلی اسکرپٹ پڑھتی نظر آرہی ہیں۔
ہیما مالنی کی اس وائرل تصویر نے ناظرین کو یہ سوچنے پر مجبور کردیا ہے کہ کیا واقعی یہ شو پہلے سے طے شدہ ہوتا ہے؟
یہ تصویر ’’انڈین آئیڈل‘‘ کے حالیہ ہولی اسپیشل ایپی سوڈ سے لی گئی ہے، جس میں ہیما مالنی سفید ساڑھی میں ملبوس نظر آرہی ہیں۔ تصویر میں وہ کیمرے سے باہر کسی سے بات کرتے ہوئے مسکرا رہی ہیں، اور ان کے ہاتھ میں اسکرپٹ موجود ہے۔
تصویر میں اسکرپٹ کا ایک حصہ پڑھا جاسکتا ہے جس میں لکھا ہے: ’’ہیما جی ماتھرا اسٹائل ہولی کے بارے میں بتائیں گی: پریاگنشو، اسے لاٹھ مار ہولی کہتے ہیں… (اس کے بعد لاٹھ مار ہولی کی تاریخ بیان کی جائے گی)۔‘‘
یہ تصویر ایک کیپشن کے ساتھ شیئر کی گئی ہے، ’’ریئلٹی شوز۔ ہیما مالنی کو گزشتہ ہفتے کے ’انڈین آئیڈل‘ ایپی سوڈ کا تفصیلی اسکرپٹ پکڑے ہوئے دیکھ کر حیرت ہوئی۔ یہ ان لوگوں کےلیے ہے جو اب بھی یہ سمجھتے ہیں کہ یہ شو ’ریئل‘ ہوتے ہیں۔‘‘
ایک صارف نے کہا، ’’یہ تو ہمیشہ سے اسکرپٹڈ ہیں! زیادہ تر ریئلٹی شوز… یہاں تک کہ ’بگ باس‘ بھی کسی حد تک۔‘‘ جب کہ ایک اور صارف نے کہا، ’’تمہیں لگتا ہے کہ ریئلٹی شوز کیسے بنتے ہیں؟ اس میں کوئی نئی بات نہیں۔ انہیں ہر چیز کی پلاننگ کرنی پڑتی ہے۔ وہ اضافی عناصر اور ایک گھنٹے کا شو کیسے بنایا جائے، یہ سب طے ہوتا ہے۔‘‘
ایک اور صارف نے کہا، ’’یہ واقعی شرمناک ہے۔‘‘ جب کہ ایک کمنٹ میں لکھا گیا، ’’میں نے ایک بار ایک ڈانس ریئلٹی شو کے بیک اسٹیج میں کام کیا تھا، اور ہر چیز، یہاں تک کہ بھارتی سنگھ کی مزاحیہ ٹائمنگ اور پنچ لائنز بھی، اور (اس وقت گووندا جج کے طور پر شو میں آئے تھے) تو یہاں تک کہ ان کا یہ کہنا کہ انہیں گانا بہت پسند آیا اور مقابلہ کرنے والے کی خواہش کہ گووندا اس پر ڈانس کریں، سب کچھ اسکرپٹڈ تھا۔‘‘
ذریعہ: Express News
کلیدی لفظ: ریئلٹی شوز ہیما مالنی ریئلٹی شو
پڑھیں:
چیمپئنز ٹرافی میں جیت پر ویرات کوہلی کا اپنے ڈرائیور کو 50 لاکھ روپے کا انعام؟ حقیقت کیا ہے؟
بھارت کے کنگ کرکٹر ویرات کوہلی نے چیمپئنز ٹرافی فائنل میں جیت کی خوشی میں اپنے ڈرائیور کو پچاس لاکھ روپے انعام سے نواز دیا۔
ویرات کوہلی کی جانب سے اپنے ڈرائیور کو پچاس لاکھ روپے انعام سے نوازنے کی خبر مختلف سوشل میڈیا پلیٹ فارم اور یوٹیوب چینلز پر سامنے آئی ہے۔
وائرل دعویٰ:
سوشل میڈیا پوسٹس کے مطابق، ویرات کوہلی نے اپنے ڈرائیور انیس احمد سے وعدہ کیا تھا کہ اگر بھارت چیمپئنز ٹرافی جیت گیا تو وہ انہیں 50 لاکھ روپے انعام دیں گے۔
دعویٰ کیا گیا ہے کہ انیس کو فائنل میچ دیکھنے کےلیے دبئی بلایا گیا تھا، اور فائنل جیتنے کے بعد ویرات نے اپنا وعدہ پورا کرتے ہوئے انہیں 50 لاکھ روپے دیے۔ یہ بھی کہا گیا ہے کہ انیس احمد، ویرات کے ساتھ پچھلے 15 سال سے کام کر رہے ہیں اور ویرات کوہلی کو ان پر سب سے زیادہ اعتماد ہے۔
فیکٹ چیک:
ہماری تحقیقات کے مطابق ابھی تک بھارت کے کسی بھی معتبر ذرائع نے یہ خبر شایع نہیں کی ہے۔ بھارت کے مشہور ذرائع ابلاغ جیسے دی ٹائمز آف انڈیا، این ڈی ٹی وی، انڈیا ٹوڈے، یا ہندوستان ٹائمز نے بھی ایسی کوئی رپورٹ نہیں دی کہ ویرات نے اپنے ڈرائیور کو ایسا کوئی انعام دیا ہو۔ نیز خود ویرات کوہلی یا ان کے نمائندوں کی طرف سے بھی اس خبر کی تصدیق نہیں کی گئی ہے۔
بھارتی میڈیا میں ویرات کوہلی کے انیس احمد نامی ڈرائیور کا بھی کوئی تذکرہ سامنے نہیں آیا نہ ہی خود ڈرائیور کی جانب سے اب تک کوئی ایسا بیان سامنے آیا ہے جس سے اس خبر کی تصدیق ہوسکے۔
صارفین کی تنقید
دلچسپ بات یہ ہے کہ ایسی پوسٹوں پر خود سوشل میڈیا صارفین کی جانب سے بھی تنقید اور طنزیہ کمنٹس کیے جارہے ہیں۔ اور پوسٹ کرنے والے کو بنا تصدیق میسیج کاپی پیسٹ کرنے پر مذاق کا نشانہ بنایا جارہا ہے۔
سوشل میڈیا پر غلط معلومات:
سوشل میڈیا پر پھیلائی گئی غلط معلومات کی طرح اب تک یہ کہانی بھی جعلی ہی لگتی ہے اور اسے انسٹاگرام، فیس بک، ٹک ٹاک اور یوٹیوب جیسے پلیٹ فارمز پر بغیر کسی تصدیق کے پھیلایا جا رہا ہے۔ ویرات کوہلی کی مقبولیت اور کہانی کے جذباتی پہلو کی وجہ سے یہ پوسٹ وائرل ہورہی ہے۔
نتیجہ:
یہ دعویٰ کہ ویرات کوہلی نے اپنے ڈرائیور انیس احمد کو 50 لاکھ روپے دیے، غلط ہے اور اس کی کوئی حقیقت نہیں ہے۔ یہ سوشل میڈیا پر توجہ اور مشغولیت حاصل کرنے کے لیے بنائی گئی ایک جعلی کہانی ہے۔ جب تک خود ویرات کوہلی، ان کے ڈرائیور یا کسی معتبر ذرایع کی جانب سے اس خبر کی تصدیق نہیں ہوجاتی، ہم اسے ’’فیک نیوز‘‘ کی کیٹیگری میں ہی شامل کریں گے۔
پارلیمنٹ اور لاجز کی سکیورٹی کو مزید بہتر بنایا جائے،ڈپٹی چیئرمین سینیٹ سے آئی جی اسلام آبادکی ملاقات