جنگ بندی پر روسی صدر کا بیان نامکمل ہے، ڈونلڈ ٹرمپ
اشاعت کی تاریخ: 14th, March 2025 GMT
امریکی صدر ڈونلڈ ٹرمپ نے جنگ بندی سے متعلق امریکی تجویز پر روسی صدر کا بیان ناممکل قرار دیدیا۔
نیٹو سربراہ سے ملاقات کے دوران صدر ٹرمپ نے کہا کہ روسی صدر پیوٹن اور دیگر کے ساتھ سنجیدہ بات چیت جاری ہے، امید ہے روس جنگ بندی کی تجویز پر مثبت ردعمل دے گا۔
واضح رہے کہ روس کے صدر پیوٹن نے پریس کانفرنس میں کہا تھا کہ روس جنگ بندی کیلئے تیار ہے لیکن یوکرین کو مزید شرائط ماننا ہوں گی۔
ان کا کہنا تھا کہ کچھ معاملات پر امریکی صدر سے بات چیت کی بھی ضرورت ہے۔
دوسری جانب یوکرین کے صدر زیلنسکی کا دعویٰ ہے کہ روسی صدر جنگ بندی کی امریکی تجویز کو مسترد کرنے کی تیاری کررہے ہیں۔
صدر زیلنسکی نے کہا کہ پیوٹن امریکی صدر کو بتانے سے ڈرتے ہیں کہ وہ جنگ جاری رکھنا چاہتے ہیں۔
Post Views: 2.ذریعہ: Daily Mumtaz
پڑھیں:
حماس کا امریکی صدر کی غزہ سے فلسطینیوں کی بڑے پیمانے پر نقل مکانی کے منصوبے سے دستبرداری کا خیر مقدم
حماس نے امریکی صدر ڈونلڈ ٹرمپ کی غزہ میں فلسطینیوں کی بڑے پیمانے پر نقل مکانی کے منصوبے سے دستبرداری کا خیر مقدم کیا ہے۔ ٹرمپ نے پہلے غزہ کی جنگ زدہ سرزمین سے فلسطینی آبادی کو نکالنے کا عندیہ دیا تھا، لیکن بعد میں کہا کہ کوئی بھی فلسطینیوں کو غزہ سے نہیں نکال رہا۔
حماس کے ترجمان حازم قاسم نے امریکی صدر ڈونلڈ ٹرمپ کی غزہ سے 20 لاکھ سے زیادہ فلسطینیوں کی مستقل نقل مکانی کے تجویز سے پسپائی کا خیر مقدم کیا ہے۔
الجزیرہ کے مطابق حماس کے عہدیدار کا بیان اس وقت آیا جب ٹرمپ نے بدھ کے روز وائٹ ہاؤس میں آئرلینڈ کے وزیر اعظم مائیکل مارٹن کے ساتھ ملاقات کے دوران ایک سوال کے جواب میں کہا کہ کوئی بھی فلسطینیوں کو غزہ سے نہیں نکال رہا۔
مزید پڑھیں: امید ہے روس جنگ بندی پر آمادہ ہو جائے گا، صدر ڈونلڈ ٹرمپ
قاسم نے اپنے بیان میں کہا کہ اگر امریکی صدر ٹرمپ کے بیانات غزہ کے عوام کو نکالنے کے کسی خیال سے پسپائی کی نمائندگی کرتے ہیں، تو ہم اسے خوش آئند سمجھتے ہیں۔ ہم اس مؤقف کی حمایت کرنے کی اپیل کرتے ہیں تاکہ اسرائیلی قبضے کو جنگ بندی معاہدوں کی تمام شرائط پر عملدرآمد کرنے کا پابند کیا جائے۔
ٹرمپ نے گزشتہ ماہ پورے مشرق وسطیٰ اور دنیا بھر میں ہلچل مچائی تھی جب انہوں نے غزہ پر امریکی قبضے کی تجویز پیش کی تھی اور جنگ زدہ علاقے کی فلسطینی آبادی کو ہمسایہ ممالک میں مستقل طور پر منتقل کرنے کی تجویز دی تھی۔
ٹرمپ کی یہ پسپائی اس کے بعد سامنے آئی جب بدھ کے روز قطر میں عرب وزرائے خارجہ نے امریکی مشرق وسطیٰ کے خصوصی ایلچی اسٹیو وٹکوف کے ساتھ غزہ کی تعمیر نو پر بات چیت کی۔ قطر، اردن، مصر، سعودی عرب، متحدہ عرب امارات اور فلسطینی تحریک آزادی کے سیکریٹری جنرل کے وزرائے خارجہ اجلاس میں شریک ہوئے، جس میں غزہ کی تعمیر نو کے منصوبے پر تبادلہ خیال کیا گیا، جس کی منظوری عرب لیگ کے 4 مارچ 2025 کو قاہرہ میں ہونے والی سمٹ میں دی گئی تھی۔
مزید پڑھیں: غزہ کی تعمیر نو: اہم یورپی ممالک نے ٹرمپ پلان کیخلاف عرب منصوبے کی حمایت کردی
عرب وزرائے خارجہ نے غزہ میں جنگ بندی کی اہمیت پر زور دیتے ہوئے 2 ریاستی حل کی بنیاد پر ایک منصفانہ اور جامع امن کے حصول کے لیے سنجیدہ کوششوں کی ضرورت پر بات کی۔
57 رکنی تنظیم تعاون اسلامی (او آئی سی) نے سعودی عرب میں ہنگامی اجلاس میں عرب لیگ کی جانب سے غزہ کے لیے پیش کردہ منصوبے کو باضابطہ طور پر منظور کیا۔ یہ مصری قیادت میں پیش کیا گیا منصوبہ غزہ کی پٹی کو فلسطینی اتھارٹی کے آئندہ انتظامیہ کے تحت دوبارہ تعمیر کرنے کی تجویز تھا، جو ٹرمپ کے غزہ پر قبضہ کرنے اور علاقے کے رہائشیوں کو نکالنے کی دھمکی کے جواب میں پیش کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الجزیرہ امریکی صدر امریکی صدر ڈونلڈ ٹرمپ حماس ڈونلڈ ٹرمپ فلسطین
بڑی خبر ! پاک امریکاتعلقات ایک نئے موڑ پر، عمران خان ایک بار پھر مشکل میں