امریکی ایئرپورٹ پر مسافروں سے بھرے طیارے میں آگ بھڑک اٹھی، ویڈیو وائرل
اشاعت کی تاریخ: 14th, March 2025 GMT
امریکا کے ڈینور انٹرنیشنل ایئرپورٹ پر امریکن ایئرلائنز کی پرواز میں خوفناک واقعہ پیش آیا، جب بوئنگ 737-800 کے انجن میں آگ بھڑک اٹھی، جس کے باعث مسافروں کو ہنگامی طور پر طیارے سے نکالا گیا۔ حادثے میں 12 افراد معمولی زخمی ہوئے، جنہیں اسپتال منتقل کر دیا گیا۔
یہ واقعہ جمعرات کی شام مقامی وقت کے مطابق 5:15 پر پیش آیا، جب کولوراڈو اسپرنگز سے ڈلاس جانے والی AA Flight 1006 کو پرواز کے دوران انجن میں خرابی کے باعث ڈینور ایئرپورٹ کی طرف موڑ دیا گیا۔
لینڈنگ کے بعد جب طیارہ گیٹ کی طرف جا رہا تھا تو اچانک انجن میں آگ لگ گئی، جس سے دھواں پورے رن وے پر پھیل گیا۔
امریکن ایئرلائنز کے مطابق طیارے میں 172 مسافر اور 6 کریو ممبرز سوار تھے، جنہیں ہنگامی سلائیڈز، ونگ ایکزٹ اور جیٹ برج کے ذریعے بحفاظت نکال لیا گیا۔ ایئرپورٹ انتظامیہ کے مطابق تمام مسافر محفوظ رہے جبکہ 12 افراد معمولی زخمی ہوئے۔
فیڈرل ایوی ایشن اتھارٹی (FAA) نے واقعے کی تحقیقات شروع کر دی ہیں۔ امریکن ایئرلائنز نے اپنے بیان میں کہا کہ وہ عملے، ایئرپورٹ ٹیم اور ریسکیو اداروں کے فوری اور مؤثر ردعمل کی معترف ہے۔ مسافروں کو منزل پر پہنچانے کے لیے متبادل طیارے کا انتظام کر دیا گیا ہے۔
.
ذریعہ: Express News
پڑھیں:
جویریہ سعود کی ویڈیو وائرل
کراچی(شوبز ڈیسک)اداکارہ و ٹی وی میزبان جویریہ سعود کی جانب سے اپنے رمضان شو میں پانی سے متعلق کہی گئی بات کی ویڈیو وائرل ہوگئی، جس پر صارفین کے درمیان بحث بھی شروع ہوگئی۔
جویریہ سعود نے چند دن قبل اپنے رمضان شو میں اداکارہ ایمن خان کی جانب سے کھانا تیار کرنے کی بات پر کہا کہ تھا کہ ہر کسی کے کھانے بنانے میں اس لیے فرق ہوتا ہے، کیوں کہ پانی کے اندر جذبات ہوتے ہیں۔
ایمن خان نے کہا تھا کہ ان کے گھر میں کھانا تیار کرنے کے لیے ملازمہ موجود ہے لیکن جب بھی وہ کھانا تیار کرتی ہیں تو ان کے شوہر منیب بٹ فورا پہچان لیتے ہیں کہ کھانا کس نے بنایا ہے۔
ان کی بات کے دوران جویریہ سعود نے کہا کہ کھانا بنانے میں اس لیے فرق ہوجاتا ہے، کیوں کہ جس پانی سے ہم کھانا بناتے ہیں، وہ ہماری باتیں سنتا ہے، پھر ہماری باتوں کے مطابق ہی کھانے میں ذائقہ ہوجاتا ہے۔
جویریہ سعود نے دلیل دی تھی کہ جاپانی سائنس دان کی جانب سے کی جانے والی ایک تحقیق سے معلوم ہوا کہ پانی میں جذبات ہوتے ہیں، وہ انسان کی باتیں بھی سنتا ہے۔
اداکارہ کا کہنا تھا کہ جاپانی سائنس دان نے تجربے کے لیے دو بوتلوں میں پانی ڈال کر ان کے سامنے الگ الگ قسم کی باتیں کیں اور پھر بوتلوں میں موجود پانی کو جانچا۔
انہوں نے بتایا کہ کچھ عرصے بعد جاپانی سائنس دان نے دیکھا کہ جس پانی کی بوتل کے سامنے انہوں نے منفی اور خراب باتیں کی تھیں، اس بوتل کا پانی خراب ہوچکا تھا۔
ٹی وی میزبان کاکہنا تھا کہ جاپانی سائنس دان نے جس پانی کی بوتل کے سامنے اچھی اچھی باتیں کی تھیں، اس کا پانی ویسا ہی تھا۔
انہوں نے بتایا کہ تحقیق سے ثابت ہوا کہ پانی کے اندر جذبات ہوتے ہیں، وہ انسان کی باتیں سنتا ہے اور جس وقت کھانا تیار کرتے وقت جو شخص جیسے جذبات اور الفاظ کہے گا، کھانا بھی اسی طرح ہی بنے گا۔
ان کی بات پر ایمن خان نے کہا کہ شاید اسی لیے ہی کہا جاتا ہے کہ ماں کے تیار کردہ کھانے جیسا ذائقہ کسی کا نہیں ہو سکتا۔
جویریہ سعود کی جانب سے پانی سے متعلق کہی گئی بات کی ویڈیو وائرل ہوگئی اور صارفین نے اس پر دلچسپ تبصرے بھی کیے۔
خیال رہے کہ جاپانی سائنس دان (Masaru Emoto) نے دعویٰ کیا تھا کہ انہوں نے تحقیق میں پایا کہ پانی جذبات رکھتا اور سمجھتا ہے، وہ انسان کی باتوں کو بھی سنتا ہے اور انسان کی باتوں کا رد عمل بھی دیتا ہے۔
سائنس دان کا کہنا تھا کہ پانی کے سامنے جس طرح کی باتیں کی جائیں گی اور پھر اسے پیا جائے گا تو اس کا انسانی جسم پر اثر بھی باتوں کے حساب سے ہوگا۔
مزیدپڑھیں:پی ایس ایل2026 میں 2 نئی ٹیموں کی شمولیت کا فیصلہ
بڑی خبر ! پاک امریکاتعلقات ایک نئے موڑ پر، عمران خان ایک بار پھر مشکل میں