کراچی، جام صادق پل ہر قسم کی ٹریفک کے لیے بند کر دیا گیا مگر کیوں؟ جانیے
اشاعت کی تاریخ: 14th, March 2025 GMT
کراچی:
شہر قائد کے کورنگی صنعتی ایریا کو شہر سے ملانے والا جام صادق پل ہر قسم کی ٹریفک کے لیے بند کر دیا گیا ہے۔
ٹریفک پولیس کے ترجمان کے مطابق کراچی کے مشہور جام صادق پل کو آج سے 17 مارچ تک صبح 7 بجے سے دوپہر 2 بجے تک ٹریفک کے لیے بند کر دیا گیا ہے۔
اس فیصلے کا مقصد پل پر جاری تعمیراتی کام کی تکمیل ہے، جس کی وجہ سے ہر قسم کی ٹریفک کی آمدورفت معطل رہے گی۔
ٹریفک پولیس کے ذرائع نے بتایا کہ اختر کالونی سے کورنگی انڈسٹریل ایریا جانے والی ٹریفک کو کورنگی کاز وے اور ایس ایم منیر روڈ کے ذریعے بروکس چورنگی کی طرف موڑا جائے گا۔
اسی طرح، کورنگی انڈسٹریل ایریا سے محمود آباد جانے والی ٹریفک کو بروکس چورنگی سے سرجن فیض محمد خان روڈ کی طرف بھیجا جائے گا۔
ٹریفک پولیس نے شہریوں سے درخواست کی ہے کہ وہ اس دوران متبادل راستوں کا استعمال کریں تاکہ انہیں کسی قسم کی مشکلات کا سامنا نہ ہو۔
اس کے علاوہ شہریوں کو جامع رہنمائی فراہم کرنے کے لیے ٹریفک پولیس کی جانب سے اضافی اقدامات کیے جائیں گے۔
.ذریعہ: Express News
کلیدی لفظ: ٹریفک پولیس کے لیے قسم کی
پڑھیں:
شاہراہ بلتستان ایک ہفتے میں دوسری مرتبہ بلاک
انتظامیہ کے مطابق عوام کی جان و مال کی حفاظت کو یقینی بنانے کیلئے اگلی اطلاع تک سفر سے گریز کرنے کریں، متعلقہ حکام شاہراہ کو کھولنے کیلئے کام کر رہے ہیں، جیسے ہی سڑک تمام ٹریفک کیلئے کھل جائے گی، عوام کو مطلع کیا جائے گا۔ اسلام ٹائمز۔ شاہراہ بلتستان (جگلوٹ سکردو روڈ) ایک ہفتے میں دوسری مرتبہ پھر بلاک ہو گئی۔ مقامی انتظامیہ کے مطابق جے ایس آر شنگوس کے مقام پر بھاری لینڈ سلائیڈنگ سے بند ہو چکی ہے۔ انتظامیہ کے مطابق عوام کی جان و مال کی حفاظت کو یقینی بنانے کیلئے اگلی اطلاع تک سفر سے گریز کرنے کریں، متعلقہ حکام شاہراہ کو کھولنے کیلئے کام کر رہے ہیں، جیسے ہی سڑک تمام ٹریفک کیلئے کھل جائے گی، عوام کو مطلع کیا جائے گا۔
بڑی خبر ! پاک امریکاتعلقات ایک نئے موڑ پر، عمران خان ایک بار پھر مشکل میں