کمانڈر بحرین نیشنل گارڈ کی جنرل ساحر، ائر چیف سے ملاقاتیں: پاکستان، بحرین کا فوجی تعاون کو مزید وسعت دینے پر اتفاق
اشاعت کی تاریخ: 14th, March 2025 GMT
اسلام آباد؍ راولپنڈی (خبر نگار خصوصی+ نوائے وقت رپورٹ+ آئی این پی) پاکستان اور بحرین کی عسکری قیادت نے موجودہ فوجی تعاون کو مزید وسعت اور گہرائی دینے پر اتفاق کیا ہے۔ پاک فوج کے شعبہ تعلقات عامہ (آئی ایس پی آر) کے مطابق بحرین نیشنل گارڈ کے کمانڈر جنرل شیخ محمد بن عیسیٰ بن سلمان آل خلیفہ نے جوائنٹ سٹاف ہیڈ کوارٹرز راولپنڈی میں چیئرمین جوائنٹ چیفس آف سٹاف کمیٹی جنرل ساحر شمشاد مرزا سے ملاقات کی۔ آئی ایس پی آر کے مطابق ملاقات کے دوران دونوں عسکری رہنماؤں نے بدلتے ہوئے علاقائی ماحول اور سکیورٹی امور پر تبادلہ خیال کیا۔ مزید برآں، انہوں نے دونوں ممالک کے درمیان موجودہ دوطرفہ فوجی تعلقات اور تعاون کے دائرہ کار کو وسیع کرنے پر زور دیا۔ معزز مہمان نے پاکستان کی مسلح افواج کی پیشہ وارانہ مہارت کو سراہا اور دہشت گردی کے خلاف جنگ میں ان کی قربانیوں کا اعتراف کیا۔ قبل ازیں جوائنٹ سٹاف ہیڈ کوارٹر پہنچنے پر، تینوں مسلح افواج کے ایک چاق و چوبند دستے نے معزز مہمان کو 'گارڈ آف آنر' پیش کیا۔ بعد ازاں کمانڈر بحرین نیشنل گارڈ جنرل شیخ محمد بن یحییٰ بن سلمان الخلیفہ نے ائر ہیڈ کوارٹرز کا دورہ کیا اور ائر چیف مارشل ظہیر احمد بابر سدھو سے ملاقات کی۔ ائر چیف نے کہا کہ دونوں ممالک کے درمیان دیرپا مذہبی تاریخی اور بے مثال برادرانہ تعلقات ہیں ملاقات میں فوجی تعاون اور تربیت کے شعبے میں تعلقات مزید مستحکم کرنے کے عزم کا اعادہ کیا جنرل شیخ محمد نے پی اے ایف کی غیر معمولی ترقی خود انحصاری میں پیشرفت کی تعریف کی اور فضائی افواج کے درمیان تعاون کو مزید فروغ دینے کی خواہش کا اظہار کیا۔ انہوں نے بحرین ائر فورس کی آپریشنل تیاری کیلئے پاک فضائیہ کی صلاحیتوں میں گہری دلچسپی کا اظہار کیا ۔
.ذریعہ: Nawaiwaqt
پڑھیں:
بلاول بھٹو سے پارٹی راہنماؤں کی زرداری ہاؤس میں ملاقاتیں
پاکستان پیپلز پارٹی کے چیئرمین سے پارٹی راہنماؤں نے زرداری ہاؤس میں ملاقاتیں کیں۔ پاکستان پیپلز پارٹی کے تئمام راہنماؤں نے اپنے اپنے علاقائی مسائل پر تبادلہ خیال کیا گیا۔ عوام کے مسائل اور ان کے حل سے متعلق اقدامات پر بریفنگ دی گئی۔ اسلام ٹائمز۔ پاکستان پیپلز پارٹی کے چیئرمین بلاول بھٹو زرداری سے پارٹی راہنماؤں نے زرداری ہاؤس میں ملاقاتیں کیں۔ بلاول بھٹو زرداری سے رکن قومی اسمبلی میر غلام علی تالپور نے ملاقات کی، اس موقع پر بدین کے عوام کے مسائل اور ان کے حل سے متعلق اقدامات پر بریفنگ دی گئی۔
چیئرمین پیپلز پارٹی سے پی پی پی راہنما اور سابق وفاقی وزیر امتیاز صفدر وڑائچ نے زرداری ہاؤس میں ملاقات کی، اس موقع پر پنجاب کی سیاسی صورت حال پر بات چیت ہوئی۔
بلاول بھٹو زرداری سے بینظیر انکم سپورٹ پروگرام کی چیئرپرسن روبینہ خالد نے زرداری ہاؤس میں ملاقات کی، اس موقع پر بی آئی ایس پی کے تحت چلنے والے منصوبوں سے متعلق بریفنگ دی گئی۔
پاکستان پیپلزپارٹی کے چیئرمین سے پی پی پی خیبرپختونخوا کے رابطہ سیکرٹری فرزند علی وزیر نے زرداری ہاؤس میں ملاقات کی، اس موقع پر خیبرپختونخوا کی سیاسی صورت حال پر بات چیت ہوئی۔
بلاول بھٹو زرداری سے پی پی پی پنجاب کے جنرل سیکرٹری حسن مرتضیٰ نے زرداری ہاؤس میں ملاقات کی، اس موقع پر پی پی پی پنجاب کی تنظیمی صورتحال پر گفتگو ہوئی، ملاقات کے موقع پر سابق رکن پنجاب اسمبلی عائشہ نواز چودھری بھی ہمراہ تھیں۔
بڑی خبر ! پاک امریکاتعلقات ایک نئے موڑ پر، عمران خان ایک بار پھر مشکل میں