دہشتگردوں کی کاررائیوں کو بلوچیت سے جوڑنا غلط ہے، سرفراز بگٹی
اشاعت کی تاریخ: 13th, March 2025 GMT
وزیراعلیٰ بلوچستان نے کہا ہے کہ دہشتگردوں کی کارروائیوں کو بلوچیت سے جوڑنا سراسر غلط ہے، دہشتگرد صوبے میں کہیں بھی قابض نہیں ہوسکتے۔
جمعرات کے روز کوئٹہ میں وزیراعظم شہباز شریف سے ملاقات کے دوران گفتگو میں وزیراعلیٰ بلوچستان سرفراز بگٹی نے کہا کہ بلوچستان کی روایات میں نہتے مسافروں، خواتین، بچوں اور مزدوروں پر حملہ ناقابل قبول ہے۔
یہ بھی پڑھیں: وزیراعلیٰ بلوچستان میر سرفراز بگٹی کی عسکریت پسندوں کو جرگے کی پیشکش
سرفراز بگٹی نے کہا کہ دہشتگرد جس سمت اس جنگ کو لے جارہے ہیں اس کی نہ صرف پوری بلوچ سیاسی قیادت اور قوم بھرپور مذمت کرتی ہے بلکہ یہ بھی واضح کرتے ہیں کہ دہشتگردوں کے ان اعمال کو بلوچیت سے جوڑنا سراسر غلط ہے.
ان کا کہنا تھا کہ بلوچ ہمیشہ سے اپنی ثقافت، مہمان نوازی اور روایات کے امین رہے ہیں اور ان کی تاریخ میں کبھی ایسے اقدامات کی گنجائش نہیں رہی جو آج کے دہشتگرد کر رہے ہیں۔
یہ بھی پڑھیں: جب دھماکے ہوتے ہیں تو سب کو بلوچستان یاد آجاتا ہے، سرفراز بگٹی
انہوں نے کہا کہ دہشتگرد بندوق کے زور پر بلوچستان میں امن و امان کو سبوتاژ کرنا چاہتے ہیں مگر وہ صوبے میں کسی بھی جگہ تین سے چار گھنٹے سے زائد وقت تک ایک انچ زمین پر قابض نہیں رہ سکتے، سیکیورٹی فورسز اپنی پیشہ ورانہ صلاحیتوں کا مظاہرہ کرتے ہوئے فوری کارروائی کرتی ہیں اور دہشتگرد وں کے مذموم عزائم کو ناکام بنا دیتی ہیں۔
ان کا کہنا تھا کہ انہوں نے کہا کہ دہشتگرد اپنے مذموم مقاصد کے لیے مختصر وقت میں ویڈیوز بنا کر خوف و ہراس پھیلانے کی کوشش کرتے ہیں تاہم حکومت اور سیکیورٹی ادارے ان کے اس وقتی تاثر کو زائل کرنے کے لیے مؤثر اقدامات کررہے ہیں، گڈ گورننس اور میرٹ کی بالادستی کو یقینی بنایا جارہا ہے جو سیکیورٹی فورسز کی کارروائیوں کو مزید مؤثر بنانے میں مدد دے گا ۔
یہ بھی پڑھیں: بلوچستان میں بغاوت کے پیچھے صوبے کی پسماندگی نہیں، سرفراز بگٹی
وزیر اعلیٰ نے کہا کہ بلوچستان میں امن و ترقی کا عمل ساتھ ساتھ چلنا ضروری ہے اور اس تسلسل کو برقرار رکھنا ہی صوبے کی کامیابی کی ضمانت ہے اس موقع پر وفاقی و صوبائی وزرا، اراکین قومی و صوبائی اسمبلی اور سینیٹرز بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بلوچیت دہشتگردی سرفراز بگٹی شہباز شریف وزیراعظم وزیراعلیٰ بلوچستانذریعہ: WE News
کلیدی لفظ: دہشتگردی سرفراز بگٹی شہباز شریف وزیراعلی بلوچستان سرفراز بگٹی کہ دہشتگرد نے کہا کہ یہ بھی
پڑھیں:
ریاست نے شدت پسندوں کو بار بار موقع دیا، خون کا بدلہ لیں گے، سرفراز بگٹی
بلوچستان اسمبلی کے اجلاس میں وزیراعلیٰ سرفراز بگٹی نے کہا کہ بندوق اٹھانے والے کا ریاست ہر صورت قلع قمع کریگی۔ عام بلوچ کو ریاست گلے لگائے گی۔ دہشتگرد ایک انچ زمین پر بھی قبضہ نہیں کرسکتے ہیں۔ اسلام ٹائمز۔ وزیراعلیٰ بلوچستان سرفراز بگٹی نے کہا ہے کہ دہشتگردوں سے ایک ایک خون کے قطرے کا حساب لیں گے۔ چھوٹی پر جانیوالے نہتے فوجیوں کو نشانہ بنایا گیا۔ لڑنے کا شوق ہے تو چھاؤنیاں ہیں، یہاں آ جائے۔ ان خیالات کا اظہار انہوں نے بلوچستان اسمبلی میں خطاب کرتے ہوئے کیا۔ وزیراعلیٰ سرفراز بگٹی نے کہا کہ اپوزیشن اور اسمبلی سے باہر شخصیات اگر کسی ڈائیلاگ کے ذریعے بلوچستان کے مسئلے کو حل کر سکتے ہیں تو حکومت ان کا ساتھ دینے کیلئے تیار ہے۔ وزیراعلیٰ نے کہا کہ معصوم مسافروں کیلئے آوازیں نہیں اٹھتی، کاش اسمبلی میں شور ہو اور نام لیا جائے کہ بشیر زیب، ڈاکٹر اللہ نذر، برامداغ بگٹی اور حریبیار مری، کون یہ قتل و غارت کر رہا ہے۔ ہم نام لیتے ہوئے کیوں گھبراتے ہیں۔ ریاست نے انکو بار بار موقع دیا ہے۔ ریاست نے ایک بار نہیں، بار بار ماں کا کردار ادا کیا ہے۔
انہوں نے کہا کہ افسوس ہے کہ دودا خان کے بیٹا بشیر زیب کو صاحب کہا جا رہا ہے۔ کیا بی ایل اے کوئی جرگہ کر رہا ہے؟ کہ میں جاؤں انکے ساتھ جرگہ کروں، کوئی اسکول سسٹم چلا رہا ہے؟ کیا ایمبولنس چلا رہی ہے؟ تشدت کے زور پر اپنا نظریہ مسلط کرنے کی کوشش کرنا چاہتی ہے۔ بندوق اٹھانے والے کا ریاست ہر صورت قلع قمع کرے گی۔ عام بلوچ کو ریاست گلے لگائے گی۔ انہوں نے اپوزیشن اراکین سے کہا کہ کسی کے پاس کوئی تجویز ہے یا کوئی مذاکرات کرنا چاہتا ہے تو کل وزیراعظم کوئٹہ آرہے ہیں۔ آئیں، لائیں تجاویز ہم تیار ہیں۔ ٹوئیٹر سردار یا تھانہ سردار نہیں بتائے گا کہ ہم کیا کریں گے، بلکہ یہ اسمبلی اور اس کے ممبران بتائیں گے۔ انہوں نے کہا کہ دہشتگرد ایک انچ زمین پر بھی قبضہ نہیں کرسکتے ہیں۔ دہشتگرد ہمشیہ چھٹی پر جانے والے نہتے فوجیوں کو نشانہ بناتے ہیں۔ چھٹی پر جانے والے فوجی تصور نہیں ہوتے ہیں۔ لڑنے کا شوق ہے تو چھاؤنیاں ہیں، آؤ یہاں ناں یہاں۔
سرفراز بگٹی نے کہا کہ فورسز کے جوانوں نے گولیاں کھا کر یرغمالیوں کو بازیاب کرا لیا ہے۔ جوانوں نے 50 کے قریب دہشتگردوں کو جہنم واصل کر دیا ہے۔ تمام جہنم واصل ہوگئے ہیں۔ سرفراز بگٹی نے کہا کہ خون کے ایک ایک قطرے کا حساب لیا جائے گا۔ عوام اور فورسز کی شہادتوں کی تفصیلات آرہی ہیں۔ سرفراز بگٹی نے کہا کہ اسمبلی کو اپنا کردار ادا کرنا ہوگا۔ کنفوژن پھیلائی جا رہی ہے کہ فارم 47 کی حکومت ہے۔ ہماری اپنے اراکین اسمبلی بھی یہ کہتے ہیں۔ کہاں ہے فارم 47؟ اسمبلی میں اکثر لوگ ایسے ہیں جو بار بار جیتتے آ رہے ہیں۔ ہوئی ہوگی مینجمنٹ، میں نہیں کہتا کہ منجمنٹ نہیں ہوئی۔ مگر زیادہ تر لوگ تو وہ ہیں جو دوسری، تیسری بار آ رہے ہیں۔
چیمپئنز ٹرافی: فائنل میں پاکستانی امپائر نظر انداز