وزیراعظم قومی مفاد میں فوری طور پر آل پارٹیز کانفرنس بلائیں، طارق حسن
اشاعت کی تاریخ: 13th, March 2025 GMT
ایک بیان میں ق لیگ سندھ کے صدر نے کہا کہ بلوچستان میں جعفر ایکسپریس پر حملے کی شدید مذمت کرتے ہیں، سیکیورٹی فورسز کی بروقت کاروائی پر انہیں خراج تحسین پیش کرتے ہیں، ملک دشمن قوتیں پاکستان کے امن اور خوشحالی کو خراب کرنا چاہتے ہیں۔ اسلام ٹائمز۔ پاکستان مسلم لیگ (ق) سندھ کے صدر محمد طارق حسن نے کہا ہے کہ جعفر ایکسپریس پر حملے، ملک میں دہشت گردی اور دریائے سندھ میں نئے کینالز سمیت دیگر معاملات پر صدر پاکستان آصف علی زرداری یا وزیر اعظم پاکستان میاں محمد شہباز شریف قومی مفاد میں فوری طور پر تمام جماعتوں کی آل پارٹیز کانفرنس بلائیں تاکہ ملکی مفاد میں مشترکہ فیصلے ہوں۔ انہوں نے کہا کہ بلوچستان میں جعفر ایکسپریس پر حملے کی شدید مذمت کرتے ہیں، سیکیورٹی فورسز کی بروقت کاروائی پر انہیں خراج تحسین پیش کرتے ہیں، ملک دشمن قوتیں پاکستان کے امن اور خوشحالی کو خراب کرنا چاہتے ہیں۔ طارق حسن نے کہا کہ پوری قوم افواج پاکستان کے ساتھ کھڑی ہے، دہشتگردوں کے ناپاک عزائم کامیاب نہیں ہوں گے۔ طارق حسن نے مزید کہا کہ صوبہ سندھ میں نئے کینالز نکالنے اور ملک میں دہشت گردی جیسے واقعات پر قابو پانے کے لئے آل پارٹیز کانفرنسں حکومتی سطح پر فوری بلائی جائے تاکہ دہشت گردی کا قلع قمع ہوسکے۔
.ذریعہ: Islam Times
کلیدی لفظ: کرتے ہیں نے کہا کہا کہ
پڑھیں:
آج پاکستان میں جگہ جگہ ریاست کے اندر ریاستیں بن رہی ہیں، فاروق ستار
فاروق ستار— فائل فوٹومتحدہ قومی موومنٹ کے رکن قومی اسمبلی فاروق ستار نے کہا ہے کہ آج پاکستان میں جگہ جگہ ریاست کے اندر ریاستیں بن رہی ہیں۔
قومی اسمبلی کے اجلاس میں اظہار خیال کرتے ہوئے فاروق ستار نے کہا کہ ہم نے متفقہ طور پر قرارداد منظور کی ہے جو پوری قوم کی ترجمانی کرتی ہے، ہم جعفر ایکسپریس واقعے کی بھرپور مذمت کرتے ہیں۔
فاروق ستار نے کہا کہ درخواست ہے کہ اس واقعے کی مذمت تک نہ محدود رہا جائے بلکہ دہشتگردی کو روکنے کے لیے اقدامات کرنا ہوں گے، ہماری سیکیورٹی فورسز نے کامیاب کارروائی کرتے ہوئے یرغمالیوں کو بازیاب کروایا۔
انہوں نے کہا کہ آپریشن کرنے والے بہادر جوانوں کو سلام پیش کرتے ہیں، جانیں دینے والے مرد و خواتین شہداء کی قربانیوں کو قدر کی نگاہ سے دیکھتے ہیں، دہشت گردی کے ایسے واقعات ملکی سلامتی اور ملکی ترقی کے خلاف ہیں۔
متحدہ قومی موومنٹ کے رکن قومی اسمبلی فاروق ستار نے ایوان میں شعر سنایا جس سے ایوان میں قہقہے لگ گئے۔
فاروق ستار نے کہا کہ دہشت گردوں کے پاس ہر طرح کا اسلحہ ہے، آج قومی اتفاق رائے اور قومی ایجنڈے پر متفق ہونے کی ضرورت ہے۔
انہوں نے کہا کہ ہماری قومی سلامتی کو درپیش خطرات سے نمٹنے کے لیے تمام سیاسی جماعتوں کو مل کر حکمت عملی بنانا ہوگی، نیشنل ایکشن پلان میں تھا کہ آرٹیکل 140 اے کی صحیح تشریح کر کے نمائشی جمہوریت کے بجائے حقیقی جمہوریت قائم کی جائے۔
ایم کیو ایم پاکستان کے رہنما نے کہا کہ آج وقت کی پکار ہے کہ قومی اتفاق رائے سے ایک نیشنل ایجنڈا واضح کریں، وزیراعظم ایک آل پارٹیز کانفرنس بلائیں جیسا اے پی ایس واقعے کے بعد ہوا۔
فاروق ستار بولے کہ بلوچستان میں کچھ بھی ہوتا ہے اس کا اثر کراچی پر ہوتا ہے۔
امریکی صدر کے بیان نے کچھ لوگوں کے بیانیہ کو زمین بوس کردیا، گورنر سندھ