سندھ میں ہزاروں من سرکاری گندم کو دیمک لگ گئی
اشاعت کی تاریخ: 13th, March 2025 GMT
عمر کوٹ(نیوز ڈیسک)سندھ کے ضلع عمر کوٹ میں سرکاری گوداموں کے باہر رکھی گندم کو دیمک لگ گئی ہزاروں من اناج ضائع ہونے کا خدشہ پیدا ہو گیا ہے۔
نجی ٹی وی کے نمائندےکے مطابق سندھ کے ضلع عمر کوٹ میں سرکاری گوداموں سے باہر پڑی گندم کو دیمک لگ گئی ہے اور انتظامیہ کی جانب سے حفاظتی اقدامات نہ ہونے کے باعث ہزاروں من گندم ضائع ہونے کا خدشہ پیدا ہو گیا ہے۔
رپورٹ کے مطابق سندھ حکومت نے گزشتہ سال عمر کوٹ ضلع میں گندم کی خریداری کے لیے ایک لاکھ 50 ہزار بوری خریداری کا ہدف مقرر کیا گیا جس کا 75 فیصد حاصل بھی کر لیا گیا تھا۔
تاہم سرکاری گوداموں میں گنجائش کم ہونے کے باعث ہزاروں من گندم کھلے آسمان کے نیچے رکھی گئی جسے اب دیمک لگ چکی ہے۔
محکمہ خوراک حکام کی جانب سے اس گندم کو محفوظ بنانے کے لیے کسی قسم کے اقدامات نہیں کیے گئے ہیں، جس کے باعث ہزاروں من گندم ضائع ہونے کا خدشہ پیدا ہو گیا ہے۔
عمر کوٹ میں ڈسٹرکٹ فوڈ کنٹرولر کا عہدہ تین ماہ سے خالی ہے جبکہ گندم کی صورتحال پر ڈپٹی کمشنر نوید احمد لاڑک سے موقف لینے کی کوشش کی گئی مگر انہوں نے معاملے سے لاتعلقی ظاہر کرتے ہوئے بات کرنے انکار کر دیا۔
دوسری جانب اوپن مارکیٹ میں گندم کی قیمت کم ہونے باعث کاشتکاروں نے اپنی ضرورت کے مطابق گندم کاشت کی ہے جس کے باعث مقامی تاجروں کی گندم کی بلیک مارکیٹنگ کی صورت میں آنے والے دنوں میں ایک بار پھر گندم کے بحران کا خدشہ ہے۔
مزیدپڑھیں:نیٹ میٹرنگ کے ذریعے بجلی خریداری کی قیمت مقرر
ذریعہ: Daily Ausaf
کلیدی لفظ: عمر کوٹ کا خدشہ دیمک لگ کے باعث گندم کو گندم کی
پڑھیں:
رائٹ سائزنگ، ہزاروں وفاقی ملازمین کو گولڈن ہینڈ شیک کا منصوبہ
اسلام آباد:آئی ایم ایف کیساتھ مذاکرات میں ایف بی آر کی کمزور کارکردگی بات چیت کا مرکزی نقطہ رہا، حکومت نے رائٹ سائزنگ کیلیے گولڈن شیک ہینڈ سمیت سول سرونٹس ایکٹ 1973 میں ترمیم کا عندیہ دیا ہے۔
اس ترمیم سے سول بیوروکریسی کا ڈھانچہ فوج سے ہم آہنگ کرنے میں مدد مل سکتی ہے جس میں بہترین ہی ملازمت پر رہ سکتا ہے۔
حکومت نے مشن کو آگاہ کیا کہ رائٹ سائزنگ پلان کے تحت گریڈ 17سے 22تک کی 700 جبکہ نچلے درجے کی ہزاروں اسامیاں ختم کی جا رہی ہیں۔
حکام نے بتایا کہ سول سرونٹ ایکٹ 1973کی موجودگی میں عضو معطل سرکاری ملازمین کو فارغ نہیں کیا جاسکتا اور ایسے ملازمین کو سے جان چھڑانے کیلیے رٹائرمنٹ عمر تک پہنچنے کا انتظار کرنا پڑتا ہے۔
حکومت نے آئی ایم ایف کو بتایا کہ مختلف محکموں کو ایک دوسرے میں ضم کیا جا رہا ہے۔ ذرائع نے بتایا کہ آئی ایم ایف نے وفاق کی سطح پر تعلیم اور قومی صحت سمیت وہ وزارتیں برقرار رکھنے کے جواز سے متعلق سوالات اٹھائے جوکہ آئین کے تحت صوبائی محکمے ہیں، تاہم بات چیت کا فوکس محصولات، حکومت کا حجم اور خودمختار ویلتھ فنڈ تھے جسے آئی ایم ایف کی تجاویز کے مطابق ہونا چاہیے۔
ذرائع نے بتایا کہ گزشتہ روز مذاکرات کے دوران آئی ایم ایف نے رواں مالی سال کی باقی مدت میں شارٹ فال پورا کرنے کے ایف بی آر کے دعوے مسترد کر دیئے۔ اس پر وزارت خزانہ نے مشن کو مطمئن کرنے کیلئے کچھ شعبوں کی نشاندہی کی جہاں سے اخراجات کم کرکے ریونیو شارٹ فال کی تلافی ہو سکتی ہے۔
وزیر خزانہ محمد اورنگ زیب نے گزشتہ روز سربراہ آئی ایم ایف مشن سے ملاقات کی جس کا فوکس رواں مالی سال کیلئے نیا ٹیکس ہدف تھا۔
حکام پر امید ہیں کہ محصولات کے تخمینے اور متوقع بچتوں پر معمولی اختلافات آج حل کر لئے جائیں گے۔ذرائع نے بتایا کہ کیبنٹ ڈویژن نے بریفنگ کے دوران بتایا کہ سرکاری مشینری کا سائز کم اوردس چھوٹے محکمے ضم کرنے سے بمشکل 17 ارب روپے کی بچت ہو گی۔
یہ رائٹ سائزنگ کے حوالے سے بلند بانگ حکومتی دعوئوں سے ہم آہنگ نہیں۔ حکومت گزشتہ ہفتے وزیروں، مشیروں و معاونین کی نئی فوج بھرتی کرکے اپنے دعوے پہلے ہی ہوا میں اڑا چکی ہے، جیسے کہ وزارت داخلہ کی ذمہ داری وزیر محسن نقوی، مشیر پرویز خٹک اور وزیر مملکت طلال چوہدری کو دینا ہے۔
وزیر صحت کیساتھ وزیر مملکت کی تعیناتی ہے۔ آئی ایم ایف نے تجویز دی کہ وفاقی حکومت اضافی ملازمین صوبوں کو منتقل کرنے پر غور کرے ۔
چیمپئنز ٹرافی: فائنل میں پاکستانی امپائر نظر انداز