ڈالر کے انٹربینک ریٹ دوبارہ 280روپے سے تجاوز کرگئے
اشاعت کی تاریخ: 13th, March 2025 GMT
قرضوں کی تسلسل سے ادائیگیوں، بڑھتے ہوئے تجارتی خسارے معیشت میں بڑھتی ہوئی طلب کے باعث جمعرات کو بھی زرمبادلہ کی دونوں مارکیٹوں میں ڈالر کی پرواز جاری رہی جس سے ڈالر کے انٹربینک ریٹ دوبارہ 280روپے سے تجاوز کرگئے۔
آئی ایم ایف کے ساتھ مذاکرات مثبت سمت پر گامزن ہونے سے قرض پروگرام کی اگلی قسط ممکنہ طور پر منظور ہونے کی توقعات، سمندر پار مقیم پاکستانیوں کی ترسیلات زر میں بہتری جیسے عوامل کے باعث انٹربینک مارکیٹ میں کاروباری دورانیے کے دوران ڈالر کی قدر ایک موقع پر 04پیسے کی کمی سے 279روپے 93پیسے کی سطح پر بھی آگئی تھی۔
بڑھتے ہوئے تجارتی خسارے، گذشتہ 4ماہ میں ذرمبادلہ کے ذخائر میں تقریباً 1 ارب ڈالر کی کمی اور مارکیٹ فورسز کی ڈیمانڈ برقرار رہنے سے ڈالر نے یوٹرن لیا جس سے ایک موقع پر ڈالر کی قدر11پیسے کے اضافے سے 280روپے 08 پیسے کی سطح پر بھی آگئی تھی،تاہم کاروبار کے اختتام پر ڈالر کے انٹربینک ریٹ 08پیسے کے اضافے سے 280روپے 05پیسے کی سطح پر بند ہوئے۔
اسی طرح اوپن کرنسی مارکیٹ میں بھی ڈالر کی قدر 03 پیسے کے اضافے سے 280روپے 08پیسے کی سطح پر بند ہوئی۔
.ذریعہ: Express News
پڑھیں:
پائی نیٹ ورک کوائن کی قدر میں ایک دن میں ہی بڑی کمی، ماہرین کی بڑی پیشگوئی
پائی نیٹ ورک کوائن، جو حالیہ دنوں میں کرپٹو مارکیٹ میں شامل ہونے والی نئی کرنسی ہے، پیر کے روز 10.46 فیصد کمی کے ساتھ 1.41 ڈالر پر آ گیا۔ یہ کمی ایسے وقت میں ہوئی ہے جب امریکی صدر ڈونلڈ ٹرمپ کی طرف سے یو ایس کرپٹو ریزو قائم کرنے کی خبر سامنے آئی۔ اس اعلان کے باوجود کرپٹو مارکیٹ میں کوئی مثبت رد عمل دیکھنے کو نہیں ملا۔
کوائن سوئچ مارکیٹ ڈیسک کا کہنا ہے کہ یو ایس کرپٹو ریزرو کے قیام کی خبر پر مارکیٹ کا ردعمل منفی رہا کیونکہ سرمایہ کار یہ امید کر رہے تھے کہ امریکی حکومت کرپٹو میں نئی سرمایہ کاری کرے گی لیکن ایسا نہیں ہوا۔ کوائن مارکیٹ کیپ کے مطابق پائی کا 24 گھنٹوں میں ٹریڈنگ والیوم 101.67 فیصد بڑھ کر 994.92 ملین ڈالر تک پہنچ گیا، جب کہ اس کا کل سپلائی 100 بلین پائی ہے۔
اگر پائی نیٹ ورک کوائن ایک مقبول ڈیجیٹل کرنسی کے طور پر تسلیم کر لیا جاتا ہے اور حقیقی دنیا میں اس کے استعمال کے مواقع بڑھتے ہیں تو 2030 تک اس کی قیمت 500 ڈالر سے تجاوز کر سکتی ہے۔بائنانس کے تجزیے کے مطابق اگر پائی کی قیمت 1.90 ڈالر کی سطح سے اوپر نکلتی ہے اور مارکیٹ میں ٹریڈنگ والیوم مضبوط رہتا ہے، تو یہ 10 ڈالر کی طرف بڑھ سکتا ہے۔ لیکن اگر یہ سطح نہ توڑ سکا تو فروخت کا دباؤ بڑھنے کے امکانات ہیں اور قیمت 1.54 ڈالر تک گر سکتی ہے۔
گاڑی منزل پر پہنچتی تو مسافر سکھ کا سانس لیتے اگلے2 دن تک اپنی تھکان اتارتے، انجن کی سیٹیوں اور پہیوں کی آواز کو ذہن سے نکالنے کی کوشش کرتے رہتے ، 1.74 ڈالر کی سطح پر خریداروں کا مضبوط ہونا ضروری ہے تاکہ مارکیٹ بلش بریک آؤٹ کی تصدیق ہو سکے۔ اس وقت پائی نیٹ ورک کوائن کی قیمت 1.90 ڈالر کی اہم سطح سے 1.06 فیصد کم ہے، جس سے مارکیٹ میں غیر یقینی صورتحال برقرار ہے۔
کوائن ڈی سی ایکس ریسرچ ٹیم کے مطابق گزشتہ ویک اینڈ پر کرپٹو مارکیٹ مندی کا شکار رہی، لیکن اب سرمایہ کار مارکیٹ کو دوبارہ استحکام دینے کی کوشش کر رہے ہیں۔ تاہم مارکیٹ میں ایک اور گراوٹ کا خدشہ بدستور موجود ہے، جس کی وجہ سے سرمایہ کار محتاط رویہ اپنا رہے ہیں۔
بٹ کوائن کی قیمت میں بھی کمی دیکھنے کو ملی کیونکہ ٹرمپ کی سٹریٹیجک بٹ کوائن ریزرو پالیسی کے باوجود کرپٹو مارکیٹ کو کوئی بڑا فائدہ نہیں ہوا۔ تاہم ماہرین کے مطابق طویل مدتی طور پر کرپٹو مارکیٹ کے امکانات مثبت دکھائی دے رہے ہیں۔اگر پائی نیٹ ورک کوائن اہم مزاحمتی سطحوں کو توڑنے میں کامیاب ہو جاتا ہے، تو اس میں مزید اضافہ ممکن ہے، لیکن مارکیٹ کی غیر یقینی صورتحال کے باعث سرمایہ کاروں کو محتاط حکمت عملی اپنانے کی ضرورت ہے۔
ہائیکورٹس خود مختار ہیں، ا نکے معاملات میں مداخلت مناسب نہیں، ۔چیف جسٹس