صوبائی وزیرصحت کی زیر صدارت اجلاس ، ہسپتال مینجمنٹ وکانفیلکٹ مینجمنٹ کورسز کا جائزہ لیا
اشاعت کی تاریخ: 13th, March 2025 GMT
لاہور (اُردو پوائنٹ اخبارتازہ ترین - اے پی پی۔ 13 مارچ2025ء) صوبائی وزیر صحت خواجہ سلمان رفیق کی زیر صدارت محکمہ سپیشلائزڈ ہیلتھ کیئر اینڈ میڈیکل ایجوکیشن میں اہم اجلاس منعقدہوا جس میں سیکرٹری صحت پنجاب عظمت محمود نے شرکت کی۔اجلاس کے دوران ہیلتھ پروفیشنلز کیلئے ہسپتال مینجمنٹ، پروکیورمنٹ اینڈانوینٹری کنٹرول، فنانشل اینڈ ریسورس مینجمنٹ، بجٹنگ اینڈ فنانشل پلاننگ، ہیومن ریسورس اینڈ لیڈرشپ، ایتھکس اینڈ لیگل ایسپیکٹس اور کانفیلکٹ مینجمنٹ کے کورسز کا جائزہ لیا گیا۔
ڈین آئی پی ایچ نے اس حوالے سے کورس آئو ٹلائنز سمیت دیگر تجاویز پیش کیں۔صوبائی وزیر صحت نے کہاکہ ہسپتال کے ایم ایس میں ایک لیڈر کی خصوصیات ہونی چاہئیں جو پوری ٹیم کو ساتھ لے کر چلے، سرکاری ہسپتالوں میں سہولیات عوام کی امانت ہیں، اللہ تعالی نے ہمیں ہسپتالوں میں آنے والی دکھی انسانیت کی خدمت کرنے کا نادر موقع فراہم کیا ہے۔(جاری ہے)
خواجہ سلمان رفیق نے انسٹیٹیوٹ آف پبلک ہیلتھ کو ہیلتھ پروفیشنلز کیلئے جدید کورسز ڈیزائین کرنے کی ہدایت کی ۔اجلاس میں سپیشل سیکرٹری آپریشنز طارق محمود رحمانی، ایڈیشنل سیکرٹری ٹیکنیکل ڈاکٹر محمد وسیم، ایڈیشنل سیکرٹری سدرہ سلیم، ڈین انسٹیٹیوٹ پبلک ہیلتھ پروفیسر سائرہ افضل اور ڈپٹی سیکرٹری ایڈمن نے شرکت کی۔
.ذریعہ: UrduPoint
کلیدی لفظ: تلاش کیجئے
پڑھیں:
پی ایف یو جے کی فیڈرل ایگزیکٹو کونسل کا اجلاس‘پیکا ایکٹ کے خلاف ہر محاذپر جدوجہد جاری رکھنے کا اعلان
لاہور(اردوپوائنٹ اخبارتازہ ترین-انٹرنیشنل پریس ایجنسی۔12 مارچ ۔2025 ) پاکستان فیڈرل یونین اف جرنلسٹس (پی ایف یو جے) کی فیڈرل ایگزیکٹو کونسل کا اجلاس صدررانا محمد عظیم کی صدارت میں منعقد ہوا جس میں ملک کے چاروں صوبوں سے منتخب ارکان کی بڑی تعداد نے شرکت کی. تلاوت کلام پاک کے بعد سیکرٹری شکیل احمد نے اجلاس کے ایجنڈا کے مطابق کارروائی کا آغاز کیا اجلاس کے شرکا نے ایجنڈا کے نکات بارے اپنی آراءدیں اورمتفقہ طورپر درج ذیل فیصلے کیے گیے صدرانا محمد عظیم نے پیکا ایکٹ کے بارے میں پیش رفت سے آگاہ کرتے ہوئے فیڈرل ایگزیکٹو کونسل کے اراکین کو بتایا کہ صحافیوں کے ایک گروہ نے حکومت سے ساز باز کر کے فنڈنگ لی ہے کہ وہ اب مستقبل میں پیکا ایکٹ بارے بات نہیں کریں گے.(جاری ہے)
انہوں نے بتایا کہ پی ایف یو جے نے اعلی عدلیہ میں اپیل دا ئر کررکھی ہے ہم ہرمحاذپر اپنی جدو جہد جاری رکھیں گے انہوں نے کہا کہ تمام یوجیزسوشل میڈیا پر پیکا ایکٹ کے خلاف اور تنخواہوں کی عدم ادائیگی کے خلاف فوری مہم شروع کریں جبکہ اسلام آباد، کراچی اور لاہور میں یوجیز اپنے شہروں کے پریس کلبز یا تنخواہ ادا نہ کرنے والے اداروں کے سامنے احتجاج کے پروگرام تشکیل دیں گے. انہوں نے بتایاکہعدم ادائیگی کی وجہ سے صحافیوں کی مشکلات کم کرنے کے لیے پی ایف یو جی کی نائب صدر ناصرہ عتیق لاہور میں سپورٹ پیکیج دے رہی ہیں اسی طرح دیگر شہروں میں بھی یونینز مخیر حضرات سے رابطہ کر کے ایسے انتظامات کریں. ایف ای سی میں خالی سیٹوں پرچار نامزدگیاں کی گئیں جبکہ دیگر سیٹوں پر نامزدگیوں کو مختلف یوجیز کے انتخابات تک موخر کر دیا گیا. نامزد ارکان میں پنجاب سے ثنا نقوی کو اسسٹنٹ سیکرٹری جبکہ ایف ای سی ارکان میں پشاور سے سردار طیب،اسلام آباد سے اسحاق چودھری اور سجاد ترین کو نامزد کیا گیا آئینی کمیٹی،خواتین کمیٹی، یوتھ کمیٹی، سٹریٹجی کمیٹی، سینئرز کمیٹی، ایتھیکل کمیٹی سمیت مختلف کمیٹیوں کے ارکان کی نامزدگی کوایف ای سی کے اگلے اجلاس تک ملتوی کر دیا گیا. ایف ای سی کے اگلے اجلاس کے لئے کسی یوجے نے حامی نہ بھری جس پرفیصلہ ہوا کہ اس بارے گروپ میں مشاورت سے فیصلہ کیا جائے گا اجلاس میں یہ فیصلہ بھی کیا گیا کہ سندھ سمیت دیگر صوبوں میں جن یوجیز کے الیکشن نہیں ہوئے وہ عید الفطرکے بعد پندرہ دن کے اندر الیکشن کرائیں گے ایف ای نے منظوری دی کہ فیڈریشن کا اکاﺅنٹ نومنتخب عہدیداروں کے نام منتقل کیا جائے. صدر رانا محمد عظیم نے تمام یوجیز کو ہدایت کی کہ وہ اسلام آباد کلب میں ہونے والے انتخاب میں اپنی یوجے کے گروپ کی جیت کے لئے اپنا کردار ادا کریں اور یہ کہ ایف ای سی رکن شاہد غزالی کے اخبار کو کامیاب کرانے کے لئے یوجیز اپنی کارکردگی رپورٹ اشتہار دے کر پبلش کرائیں سیکرٹری جنرل شکیل احمد اور سیکرٹری اطلاعات احتشام الحق کی ذمہ داری دی گئی کہ وہ جلد از جلد پی ایف یو جے کی ویب سایٹ مکمل کرواکر لانچ کریں.
آرمی چیف کا بنو ں دورہ؛خواتین، بچوں اور بزرگوں کو نشانہ بنانا خوارج کی اسلام دشمنی کا ثبوت ہے؛ آرمی چیف