رمضان المبارک کا احترام، پاکستان ہندو کونسل نے ہولی کا تہوار عیدالفطر تک ملتوی کردیا،
اشاعت کی تاریخ: 13th, March 2025 GMT
رمضان المبارک کا احترام، پاکستان ہندو کونسل نے ہولی کا تہوار عیدالفطر تک ملتوی کردیا، WhatsAppFacebookTwitter 0 13 March, 2025 سب نیوز
سربراہ پاکستان ہندو کونسل ڈاکٹر رمیش کمار وانکوانی کا ویڈیو پیغام
کراچی : پاکستانی ہندو کمیونٹی نے رمضان المبارک کے احترام میں ہولی کی مرکزی تقریب عید الفطر تک ملتوی کرنے کا فیصلہ کیا ہے،
سربراہ پاکستان ہندو کونسل ڈاکٹر رمیش کمار وانکوانی نے اپنے ویڈیو پیغام میں کہا کہ ہولی کی مرکزی سالانہ تقریب اور عید ملن پارٹی 6 اپریل کو کراچی میں انکی رہائش گاہ پر منعقد ہوگی۔
ڈاکٹر رمیش وانکوانی کا مزید کہنا تھا کہ ہولی نیکی کی بدی اور اچھائی کی برائی پر جیت کا نام ہے، ظلم کی رات جتنی تاریک ہو، روشنی کی ایک ننھی کرن اندھیرے کا خاتمہ کر دیتی ہے۔
انہوں نے رواں ماہ ہونے والے چاند گرہن اور سورج گرہن کا حوالہ دیتے ہوئے کہا کہ بدی کی قوتیں روشنی کو بجھانا چاہتی ہیں لیکن یہ جیت عارضی ہوتی ہے، سورج اور چاند بدی کو شکست دیکر ایک مرتبہ پھر چمکنے لگتے ہیں۔
انہوں نے کہا کہ گرہن کے موقع پر مالک کی خوشنودی حاصل کی جائے، صدقہ خیرات دیا جائے اور ماضی کے گناہوں کی معافی طلب کرکے اچھا انسان بننے کا عزم کیا جائے۔
ڈاکٹر رمیش وانکوانی نے اپنے ویڈیو پیغام میں ہولی کی مبارکباد دیتے ہوئے پاکستان ہندو کونسل کے مذکورہ فیصلے کو مذہبی ہم آہنگی اور قومی وحدت کے فروغ کی ایک کوشش قرار دیا۔
.ذریعہ: Daily Sub News
کلیدی لفظ: پاکستان ہندو کونسل
پڑھیں:
مسلمان ہولی کے دن اپنے گھروں سے باہر نہ نکلیں، بی جے پی لیڈر کا متنازعہ بیان
ہری بھوشن ٹھاکر نے کہا کہ میں مسلمانوں سے اپیل کرنا چاہتا ہوں کہ ایک سال میں 52 جمعہ ہوتے ہیں، ہولی کا تہوار ان میں سے ایک جمعہ کو آتا ہے لہٰذا انہیں ہندوؤں کو تہوار منانے دینا چاہیئے۔ اسلام ٹائمز۔ بھارتی ریاست بہار کے مدھوبنی کی بسفی اسمبلی نشست سے بی جے پی کے ایم ایل اے ہری بھوشن ٹھاکر بچھول نے اسمبلی کے باہر میڈیا سے بات کرتے ہوئے مسلمانوں کے خلاف ایک متنازعہ بیان دیا ہے۔ انہوں نے کہا کہ مسلمان اپنے گھروں کے اندر رہیں اور ہندوؤں کو اپنا تہوار بغیر کسی رکاوٹ کے منانے دیں۔ بی جے پی لیڈر کے اس بیان سے سیاسی درجہ حرارت بڑھ گیا ہے۔ اپوزیشن لیڈر تیجسوی یادو سے لے کر کانگریس تک سبھی لیڈروں نے حکومت سے ایم ایل اے پر کارروائی کا مطالبہ کیا ہے۔ دراصل ہولی کا تہوار جمعہ کو ہے اور اس دوران رمضان کا مہینہ بھی رواں دواں ہے۔ ہری بھوشن ٹھاکر نے کہا کہ میں مسلمانوں سے اپیل کرنا چاہتا ہوں کہ ایک سال میں 52 جمعہ ہوتے ہیں، ہولی کا تہوار ان میں سے ایک جمعہ کو آتا ہے لہٰذا انہیں ہندوؤں کو تہوار منانے دینا چاہیئے اور اگر ان پر رنگ لگ جائیں تو انہیں برا نہیں لگنا چاہیئے۔
ہری بھوشن ٹھاکر نے کہا کہ اگر مسلمانوں کو اس سے کوئی مسئلہ ہے تو وہ گھر پر ہی رہیں۔ اس دوران جب صحافیوں نے بی جے پی لیڈر سے کہا کہ مسلمان رمضان کے مہینے میں روزہ رکھتے ہیں اور جمعہ کے دن خصوصی نماز پڑھتے ہیں تو انہوں نے کہا کہ ان کا ہمیشہ دوہرا معیار ہے۔ انہوں نے کہا کہ مسلمان ہولی کے دن عبیر گلال کے سٹال لگا کر پیسے کما کر خوش ہوتے ہیں لیکن اگر ان کے کپڑوں پر کوئی رنگ لگ جائے تو انہیں دوزخ کا خوف ہونے لگتا ہے۔
بی جے پی لیڈر کے اس بیان پر کافی ہنگامہ ہورہا ہے۔ اس پر ریاست بہار سابق نائب وزیراعلٰی تیجسوی یادو نے کہا کہ یہ آپ کے "باپ کا راج" نہیں ہے۔ تیجسوی یادو نے کہا کہ فرقہ وارانہ کشیدگی کو ہوا دینے کی کوشش کرنے پر ان کے خلاف ایف آئی آر درج کی جانی چاہیئے۔ تیجسوی یادو نے کہا کہ ایم ایل اے ہری بھوشن ٹھاکر کو یاد رکھنا چاہیئے کہ یہ بہار ہے، جہاں آر ایس ایس اور بی جے پی کے ارادے ہر بار ناکام ہوجاتے ہیں۔ تیجسوی یادو نے کہا کہ وہ سمجھتے ہیں کہ وہ ہمارے مسلمان بھائیوں میں دہشت میں مبتلا کرسکتے ہیں لیکن ہمارا ملک ایسا ہے جہاں ہر مسلمان کو کم از کم پانچ سے چھ ہندو بچانے کے لئے آگے آئیں گے۔
تیجسوی یادو نے کہا کہ میں یہ بھی چاہوں گا کہ ریاست بہار کے وزیراعلٰی نتیش کمار ہری بھوشن ٹھاکر کو فون کریں اور اقلیتی برادری کے خلاف ان کے بیان کے لئے ان کی گرفت کریں لیکن قائد ایوان سے جو اب اپنے ہوش و حواس میں نہیں ہیں ان سے یہ توقع رکھنا بہت زیادہ ہے۔ تاہم ریاستی اقلیتی امور کے وزیر اور جنتا دل (یونائیٹڈ) کے لیڈر جمع خان نے کہا کہ کوئی ناخوشگوار واقعہ پیش نہیں آئے گا۔ انتظامیہ کو تہوار کے دوران ہم آہنگی کو یقینی بنانے کی واضح ہدایات دی گئی ہیں، تمام لوگوں کو مل جل کر رہنا چاہیئے۔ جہاں تک نماز کا تعلق ہے تو لوگ جمعہ کے دن مسجد میں نماز پڑھتے ہیں۔ انہوں نے کہا کہ اگر اس دن پہنے ہوئے کپڑوں پر کسی بھی طرح سے ہولی کا رنگ لگ جائے تو مسلمان ایسے نماز نہیں پڑھتے ہیں، اس لئے لوگوں سے کہا گیا ہے کہ نمازیوں پر رنگ نہ ڈالیں۔
ریاست اٹل ہے، مٹانے والے خود مٹ جائیں گے، چیف سیکرٹری کا بیان سوشل میڈیا پر وائرل