جعفر ایکسپریس ہائی جیکنگ: کامیاب آپریشن پر افواج پاکستان کو خراج تحسین پیش کرنے کی قرارداد پنجاب اسمبلی میں جمع
اشاعت کی تاریخ: 13th, March 2025 GMT
جعفر ایکسپریس ہائی جیکنگ کیخلاف کامیاب آپریشن پر افواج پاکستان کو خراج تحسین پیش کرنے کی قرارداد پنجاب اسمبلی میں جمع کرادی گئی ہے۔
حکومتی رکن عظمیٰ کاردار کی جانب سے پنجاب اسمبلی میں جمع کرائی گئی قرارداد میں جعفر ایکسپریس پر ہولناک حملے میں ملوث عناصر کیخلاف کامیاب آپریشن پر بہادر پاکستانی افواج کو خراج تحسین پیش کرنے کی تجویز پیش کی گئی ہے۔
یہ بھی پڑھیں: جعفر ایکسپریس حملہ: سیکیورٹی فورسز کا آپریشن مکمل، تمام دہشتگرد ہلاک، 21 مسافر اور 4 جوان شہید
قرارداد کے متن کے مطابق صوبائی اسمبلی کا ایوان جان ہتھیلی پر رکھ کر 33 دہشتگردوں کو جہنم واصل کرنے والے بہادر آرمی، ایئرفورس، ایف سی اور ایس ایس جی کے جوانوں کو خراج تحسین پیش کرتا ہے۔
’اس دکھ کی گھڑی میں پوری قوم یکجا ہے اور شدید صدمہ میں شہدا کے خاندانوں سے دلی ہمدردی و تعزیت کا اظہار کرتے ہیں، یہ ایوان ایف سی کے 4 جوانوں کو زبردست خراج عقیدت پیش کرتا ہے۔‘
مزید پڑھیں: جعفر ایکسپریس حملہ: بھارت ماضی میں ایسے واقعات میں شریک رہا ہے، دفتر خارجہ
جمع کرائی گئی قرارداد کے مطابق شہدا کے خاندانوں اور زخمیوں کے ساتھ کھڑے ہیں اور ان کی قربانیوں کو رائیگاں نہیں جانے دیں گے، معصوم بچوں اور خواتین کو انسانی ڈھال بنانا غیر انسانی عمل ہے فورس نے تمام دہشتگرد درندوں کو عبرتناک انجام تک پہنچایا۔
’قوم اپنے اداروں کے پیچھے سیسہ پلائی دیوار کی طرح کھڑی ہے، یہ عوام ایک ایک دہشتگر داور ان کے سہولت کاروں کے خاتمہ کا عزم کرتے ہے، پاکستان ہماری ریڈ لائن ہے اور ہم سب آخری سانس تک اس کی حفاظت کریں گے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک فوج پنجاب اسمبلی جعفر ایکسپریس خراج تحسین عظمیٰ کاردار ہائی جیکنگ.ذریعہ: WE News
کلیدی لفظ: پاک فوج پنجاب اسمبلی جعفر ایکسپریس عظمی کاردار ہائی جیکنگ کو خراج تحسین پیش جعفر ایکسپریس پنجاب اسمبلی
پڑھیں:
جعفر ایکسپریس پر حملہ: قومی اسمبلی میں قراردادِ مذمت منظور
قومی اسمبلی میں جعفر ایکسپریس کی ہائی جیکنگ کے واقعہ پر مذمتی قرار داد متفقہ طور پر منظور کرلی گئی۔ قرارداد میں کہا گیا ہے کہ پاکستانی عوام بلاتفریق دہشتگردی کے خلاف جنگ میں متحد ہو جائیں، تمام شکلوں میں انتہا پسندی کو مسترد کیا جائے۔
قومی اسمبلی میں جعفر ایکسپریس کو ہائی جیک کرنے پر مذمتی قرارداد متفقہ طور پر منظور ہوئی ہے۔ قراردا وفاقی وزیر پارلیمانی امور ڈاکٹر طارق فضل چوہدری نے قومی اسمبلی میں پیش کی۔ قرارداد پر اپوزیشن سمیت تمام سیاسی جماعتوں کے ارکان کے دستخط موجود ہیں۔
قرارداد میں جعفر ایکسپریس کو ہائی جیک کرنے اور شہریوں کی زندگیوں کو خطرے میں ڈالنے اور ملک کے امن کو تہہ و بالا کرنے والی دہشت گردی کی تمام کارروائیوں کی پرزور مذمت کی گئی ہے۔
’قوم دہشت گردی کے خاتمے کے لیے ہر ممکن اقدام اٹھانے کا عزم کرتے ہیں، کسی بھی گروہ اور فرد کو ملک کے امن، خوشحالی اور خودمختاری کو نقصان پہنچانے کی اجازت نہیں دیں گے۔ ملک کی علاقائی حدود میں خوف، نفرت یا تشدد پھیلانے کی اجازت نہیں دی جائے گی۔‘
قرارداد کے متن میں کہا گیا ہے کہ ملک کے کسی بھی حصے میں دہشتگردی کی کسی بھی سرگرمی کی اجازت نہیں دی جائے گی، دہشتگردی کو جڑ سے اکھاڑ پھینکنے کے لیے انتھک محنت کرنے کا عہد کرتے ہیں۔
قرارداد میں ان تمام بہادر مردوں اور خواتین کا شکریہ ادا کیا گیا جنہوں نے اس المناک واقعے میں اپنی جانوں کا نذرانہ پیش کیا، افواج پاکستان، ایف سی اور دیگر قانون نافذ کرنے والے اداروں کو ان کے غیر متزلزل عزم، بہادری اور شہریوں کی جانوں کے تحفظ اور پاکستان کی سالمیت کے تحفظ کے لیے دی جانے والی قربانیوں پر خراج تحسین پیش کیا گیا۔
قرارداد میں کہا گیا کہ اس واقعے میں ملوث دہشت گردوں کو بے اثر کرنے میں سکیورٹی فورسز کی بہادرانہ کوششیں ان کے عزم اور تیاری کی عکاسی کرتی ہیں۔ پاکستانی عوام بلاتفریق دہشتگردی کے خلاف جنگ میں متحد ہو جائیں، تمام شکلوں میں انتہا پسندی کو مسترد کیا جائے۔ آنے والی نسلوں کے لیے ہماری قوم کے امن، تحفظ اور خوشحالی کو یقینی بنایا جانا چاہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اپوزیشن الائنس میں موجود تمام پارٹیاں ایک پیج پر آ رہی ہیں: عمر ایوب