لاہورکے بعد حسن ابدال اور فتح جھنگ میں بھی الیکٹرک بسیں چلانے کا فیصلہ
اشاعت کی تاریخ: 13th, March 2025 GMT
لاہور(اردوپوائنٹ اخبار تازہ ترین۔13 مارچ 2025)پنجاب میںلاہورکے بعد حسن ابدال اور فتح جھنگ میں بھی الیکٹرک بسیں چلانے کا فیصلہ کرلیا گیا، پنجاب حکومت نے گورنر پنجاب سلیم حیدرخان کی خصوصی کاوش سے حسن ابدال اور فتح جنگ میں بھی الیکٹرک بسیں چلانے کا فیصلہ کیا ہے، چیئرمین سی ڈی اے محمدعلی رندھاوا کی گورنر پنجاب سردار سلیم حیدر سے ملاقات کے موقع پر بتایا کہ حسن ابدال اور فتح جنگ میں بھی الیکٹرک بسیں چلانے کیلئے اقدامات کررہے ہیں۔
اس موقع پر گفتگوکرتے ہوئے گورنرپنجاب نے کہا کہ فتح جنگ کے روٹ پرالیکٹرک بسیں چلانے کے اقدام کوسراہتے ہوئے کہاکہ پنجاب حکومت کاپسماندہ علاقوں میں الیکٹریکل بسیں چلانا قابل تعریف ہے۔پورے پنجاب میں ترقیاتی منصوبوں کا جال بچھانا اس بات کا ثبوت ہے کہ ملک ترقی کی طرف گامزن ہے۔(جاری ہے)
انہوں نے کہاکہ پیپلزپارٹی اور ن لیگ ملک وقوم کی فلاح وبہبود کیلئے مل کرکام کرتے رہے گی۔
صوبے کے مفاداور ترقی کیلئے وزیراعلی پنجاب کےساتھ مکمل ہم آہنگی ہے۔یادرہے کہ اس سے قبل صوبائی دارالحکومت لاہور میں دھوئیں سے پاک 27 الیکٹرک بسیں چلانے کا فیصلہ کیا گیا تھا۔ بسیں شمسی توانائی سے چلیں گی۔وزیر اعلیٰ پنجاب مریم نواز نے لاہور میں الیکٹرک بسوں کا افتتاح کر دیاتھا۔ الیکٹرک بسوں کا کرایہ 20 سے 35 روپے مقرر جبکہ طلبہ اور خصوصی افراد مفت سفر کرسکیں گے۔ مریم نواز نے ٹھوکر نیازبیگ سے ہربنس پورہ تک ٹرام سروس چلانے کا بھی اعلان کیا تھا۔بتایاگیا تھا کہ الیکٹرک بسوں میں سی سی ٹی وی کیمرے بھی لگوائے گئے ہیں، جبکہ خصوصی افراد کیلئے ایک آٹومیٹک ریمپ اورالیکٹرک بسوں کی چارچنگ کیلئے 9 مخصوص چارچنگ اسٹیشن قائم کئے گئے تھے۔الیکٹرک بسوں میں فری وائی فائی اور موبائل چارجنگ کی سہولت موجود ہو گی۔ وزیر اعلیٰ پنجاب نے کینال روڈ کا دورہ بھی کیا اور الیکٹرو بس میں سفر بھی کیاتھا۔اس موقع پرگفتگو کرتے وزیر اعلیٰ پنجاب کا کہنا تھا کہ پی ٹی آئی دور میں رشوت اور بدترین کرپشن کی گئی۔ گوگی، پنکی دور میں وزیراعلیٰ ہاوس سے کاروبار کیا جارہا تھا، اگر فسادات کی جگہ ترقی پر توجہ دی جاتی تو آج ہم بہت آگے ہوتے۔ آج بھی میری کارکردگی پر کوئی بات نہیں کرسکتا۔.
ذریعہ: UrduPoint
کلیدی لفظ: تلاش کیجئے حسن ابدال اور فتح الیکٹرک بسوں
پڑھیں:
عدالت نے پرویز الہٰی کے مقدمات کی تفصیلات کیلئے درخواست پر محفوظ فیصلہ سنا دیا
عدالت نے پرویز الہٰی کے مقدمات کی تفصیلات کیلئے درخواست پر محفوظ فیصلہ سنا دیا WhatsAppFacebookTwitter 0 11 March, 2025 سب نیوز
لاہور ہائیکورٹ نے سابق وزیراعلیٰ پنجاب چودھری پرویزالہٰی کے مقدمات کی تفصیلات کیلئے دائر درخواست پر محفوظ فیصلہ سنا دیا۔
تفصیلات کے مطابق لاہور ہائی کورٹ کے جسٹس طارق ندیم نے چودھری پرویز الہٰی کی درخواست پر محفوظ فیصلہ سنایا، عدالت نے پولیس رپورٹ کی روشنی میں فیصلے سناتے ہوئے درخواست کو نمٹا دیا۔
درخواست گزار نے موقف اختیار کیا کہ سیاسی بنیادوں پر مقدمات درج کئے جا رہے ہیں، پولیس نے حقائق کے برعکس مقدمات درج کر رکھے ہیں، مقدمات کی تفصیلات فراہم نہیں کی جا رہیں، عدالت درخواست گزار پر درج مقدمات کی تفصیلات دینے کا حکم دے۔
عدالتی حکم پر پنجاب پولیس نے پرویزالہٰی پر درج مقدمات کی تفصیلات دیتے ہوئے بتایا کہ پرویز الہٰی پر 32 مقدمات درج ہیں، رپورٹ پر پرویزالہٰی کے وکیل نے عدم اعتماد کا اظہار کرتے ہوئے کہا تھا کہ یہ رپورٹ درست نہیں ہے، دوبارہ رپورٹ طلب کی جائے۔
عدالت نے محفوظ فیصلہ سناتے ہوئے کہا کہ درخواست گزار کو اگر کوئی شکایت ہے تو متعلقہ فورم سے رجوع کرے۔
لاہور: ریکارڈ یافتہ خاتون ڈیلر منشیات کی ترسیل کرتے ہوئے گرفتار، 12 کلو چرس برآمد