میئر ہیوسٹن کی میزبانی میں سالانہ افطار ڈنر کا شاندار انعقاد، 2500سے زائد افراد کی شرکت
اشاعت کی تاریخ: 13th, March 2025 GMT
میئر ہیوسٹن کی میزبانی میں سالانہ افطار ڈنر کا شاندار انعقاد، 2500سے زائد افراد کی شرکت WhatsAppFacebookTwitter 0 13 March, 2025 سب نیوز
ٹیکساس(سب نیوز ) امریکاکے چوتھے بڑے شہر ہیوسٹن میں سالانہ افطار ڈنر کا شاندار انعقاد کیا گیا جو امریکا میں اپنی نوعیت کا سب سے بڑا اجتماع تصور کیا جاتا ہے۔ بے یو سٹی ایونٹ سینٹر میں منعقدہ اس تقریب کا اہتمام میئر ہیوسٹن اور سسٹر سٹیز ایسوسی ایشنز کے اشتراک سے کیا گیا، افطار ڈنر میں ہیوسٹن کے میئر جان وٹ مائیر مہمانِ خصوصی تھے جبکہ دیگر معزز مہمانوں میں رکن کانگریس ایل گرین، ممتاز امریکی بزنس مین جاوید انور، بزنس ٹائیکون تنویر احمد، کئی ممالک کے سفارت کار، اعلی سرکاری حکام اور کمیونٹی رہنما شامل تھے جبکہ مختلف مکاتب فکر اور شعبہ ہائے زندگی سے تعلق رکھنے والے 2500 سے زائد افراد نے شرکت کی۔
افطار ڈنر کے کوآرڈینیٹر سعید شیخ نے اس موقع پر خطاب کرتے ہوئے کہا کہ یہ تقریب امریکا میں مذہبی رواداری، امن اور بین المذاہب ہم آہنگی کی ایک بہترین مثال ہے، جہاں مختلف مذاہب اور ثقافتوں سے تعلق رکھنے والے افراد یکجا ہو کر افطار کی برکات میں شریک ہوتے ہیں۔
افطار ڈنر کا آغاز تلاوتِ کلام پاک سے ہوا، جس کے بعد گورنر ٹیکساس گریگ ایبٹ کا ویڈیو پیغام بڑی اسکرین پر دکھایا گیا، جس میں انہوں نے امریکی مسلمانوں کو رمضان کی مبارکباد پیش کی اور مذہبی ہم آہنگی کے فروغ کے لیے اس تقریب کی تعریف کی۔
میئر ہیوسٹن جان وٹ مائیر اور رکن کانگریس ایل گرین نے افطار ڈنر کے شاندار انعقاد پر سعید شیخ اور ان کی ٹیم کو تعریفی اسناد سے نوازا۔ اس موقع پر فلسطین کے مظلوم عوام کے حق میں آواز بلند کرنے والے ایل گرین کی آمد پر ہال ایل گرین! ایل گرین! کے نعروں سے گونج اٹھا۔
میئر جان وٹ مائیر نے میڈیا سے گفتگو کرتے ہوئے کہا کہ یہ افطار صرف میئر کا افطار نہیں، بلکہ تمام کمیونٹیز کا افطار ہے، جو مذہبی ہم آہنگی، رواداری، اور یکجہتی کی علامت ہے۔رکن کانگریس ایل گرین کا کہنا تھا کہ وہ مسلمان ممالک پر سفری پابندی کے حوالے سے زیادہ معلومات نہیں رکھتے لیکن اگر کسی مذہب کی بنیاد پر سفری پابندی عائد کی جاتی ہے تو وہ اس کی ہرگز حمایت نہیں کریں گے۔معروف بزنس مین جاوید انور نے بھی اس موقع پر گفتگو کرتے ہوئے کہا کہ وہ افطار ڈنر کا حصہ بننے پر فخر محسوس کرتے ہیں اور اس کے کامیاب انعقاد پر سعید شیخ اور ان کی ٹیم کو مبارکباد پیش کرتے ہیں۔
افطار ڈنر کے کوآرڈینیٹر سعید شیخ نے اپنے خطاب میں کہا کہ یہ تقریب اس بات کی واضح علامت ہے کہ امریکی مسلمان کمیونٹی امریکہ میں مذہبی ہم آہنگی اور امن و رواداری کے فروغ کے لیے بھرپور کوشش کر رہی ہے۔تقریب سے اسلامک سوسائٹی آف گریٹر ہیوسٹن کے صدر عمران غازی اور عرب کمیونٹی کے رہنما احمد یاسین نے بھی خطاب کیا اور اس اجتماع کو بین المذاہب رواداری کے فروغ میں ایک اہم سنگ میل قرار دیا۔
یہ سالانہ افطار ڈنر نہ صرف مسلمانوں کے لیے بلکہ دیگر مذاہب کے ماننے والوں کے لیے بھی ایک بہترین موقع تھا کہ وہ اسلامی روایات اور رمضان المبارک کی روحانی برکات کو قریب سے محسوس کر سکیں۔ ہیوسٹن میں منعقدہ یہ تقریب امریکی معاشرے میں ہم آہنگی، برداشت اور یکجہتی کی علامت کے طور پر دیکھی جا رہی ہے۔
.ذریعہ: Daily Sub News
کلیدی لفظ: سالانہ افطار ڈنر افطار ڈنر کا میئر ہیوسٹن
پڑھیں:
گورنر سندھ کی نیو کراچی میں 12 ویں سحری کے اجتماع میں شرکت، میڈیا سے گفتگو
کراچی:گورنر سندھ کامران ٹیسوری نے نیو کراچی میں 12 ویں سحری کے اجتماع میں شرکت کی اور اس موقع پر میڈیا سے گفتگو کرتے ہوئے مختلف موضوعات پر اپنے خیالات کا اظہار کیا۔
گورنر سندھ نے نیو کراچی کے رہائشیوں کا شکریہ ادا کرتے ہوئے کہا کہ ایسا استقبال اس سے پہلے نہیں دیکھا۔ انہوں نے اس موقع پر عزم ظاہر کیا کہ وہ اپنے شہر کے لوگوں کے لیے کام کرنے کے لیے پوری طرح تیار ہیں۔
انہوں نے کہا کہ آج میں اجازت دیتا ہوں کہ جو کوئی اس شہر میں رہنے والوں کو تنگ کرے گا، نیو کراچی میں رہنے والا ہر بھائی کہے گا کہ میں گورنر کا بھائی ہوں، اور جب آپ یہ کہیں گے تو تنگ کرنے والا سو بار سوچے گا، اس کی ٹانگیں کانپیں گی۔"
کامران ٹیسوری نے پی ٹی آئی کی قیادت کو تنقید کا نشانہ بناتے ہوئے کہا کہ آج میں پی ٹی آئی کے دوستوں کو بتانا چاہتا ہوں کہ آپ نے نیو کراچی کے لیے کچھ نہیں کیا۔
پی ٹی آئی کے دور میں کیا یونیورسٹی بنی؟ انہوں نے مزید کہا کہ موجودہ حکومت کی کامیاب حکمت عملیوں کی بدولت آج 50 ہزار بچے آئی ٹی کورس کر رہے ہیں۔
انہوں نے قوم اور افواج پاکستان کے حوالے سے بھی گفتگو کی اور کہا کہ ہماری فوج ہماری شان اور آن ہے، کل بولان کے واقعے میں سب سے پہلے افواج کے سپاہی پہنچے۔ کیا کوئی پی ٹی آئی والا پہنچا؟ انہوں نے کہا کہ پڑوسی ملک میں اتنی ہمت نہیں کہ وہ اس ملک کو میلی آنکھ سے دیکھیں۔
گورنر سندھ نے شہر اور صوبے کی ترقی کے لیے اپنے عزم کا اعادہ کرتے ہوئے کہا کہ آج الحمدللہ جس سمت جا رہے ہیں اس شہر اور صوبے کے لوگ جڑتے چلے جائیں گے۔ ہمیں اپنی صفوں میں اتحاد پیدا کرنا ہوگا۔
انہوں نے شہریوں کے لیے سستی بجلی اور روزگار کی فراہمی پر زور دیا اور کہا کہ اگر اس صوبے کے نوجوان کو روزگار ملے اور اس شہر کی سڑکیں ٹوٹی ہوں تو کیا میں غلط ہوں؟
گورنر سندھ نے مزید کہا کہ ملک کی معیشت اور ترقی کے لیے اتحاد ضروری ہے اور کہا کہ جب بھی پاکستان معاشی طور پر اپنے پیروں پر کھڑا ہونے کی کوشش کرتا ہے، دہشتگردی کے ذریعے مشکلات پیدا کی جاتی ہیں۔
انہوں نے اس بات پر بھی زور دیا کہ اس شہر اور صوبے کی ترقی کے لیے ثابت قدم رہنا ہوگا۔
کامران ٹیسوری نے آخر میں تعلیم اور ہنر کے حصول کی اہمیت پر زور دیتے ہوئے کہا کہ ہمیں تعلیم کے ساتھ ساتھ ہنر بھی حاصل کرنا ہے، اور محنت سے ہی اللہ کی مدد ملے گی۔"
چین کی خوردہ صنعت میں بہتری کا رجحان