سرفراز احمد کو کوئٹہ گلیڈی ایٹرز کا ٹیم ڈائریکٹر مقرر کر دیا گیا
اشاعت کی تاریخ: 13th, March 2025 GMT
پاکستان سپر لیگ فرنچائز کوئٹہ گلیڈی ایٹرز نے قومی ٹیم کے سابق کپتان سرفراز احمد کو ٹیم ڈائریکٹر کے طور پر مقرر کر دیا ہے کوئٹہ گلیڈی ایٹرز کے مالک ندیم عمر نے سرفراز احمد کی تقرری کا باضابطہ اعلان کرتے ہوئے کہا کہ سرفراز احمد ہمیشہ ٹیم کا اہم حصہ رہے ہیں اور ان کی خدمات کو کسی بھی صورت فراموش نہیں کیا جا سکتا انہوں نے مزید کہا کہ سرفراز کو ریلیز کرنے کے باوجود وہ ٹیم کا لازمی جزو ہیں اور اب انہیں ایک نئے کردار میں ٹیم کے ساتھ کام کرتے دیکھا جائے گا سرفراز احمد کی تقرری کے حوالے سے اظہار خیال کرتے ہوئے ندیم عمر نے کہا کہ انہیں خوشی ہے کہ سرفراز احمد کوئٹہ گلیڈی ایٹرز کے ٹیم ڈائریکٹر کی حیثیت سے فرنچائز میں شامل ہو رہے ہیں ان کا کہنا تھا کہ سرفراز کی قیادت اور ان کا تجربہ ٹیم کے لیے انتہائی فائدہ مند ثابت ہوگا اور وہ اپنے تجربے سے نوجوان کھلاڑیوں کی بہترین رہنمائی کریں گےندیم عمر نے سرفراز احمد اور پاکستان کے سابق کپتان معین خان کے امتزاج کو بھی فرنچائز کے لیے ایک مثبت پہلو قرار دیا معین خان جو ٹیم کے ہیڈ کوچ کے طور پر خدمات انجام دے رہے ہیں، سرفراز احمد کے ساتھ مل کر ٹیم کو مزید کامیاب بنانے میں اہم کردار ادا کریں گے انہوں نے امید ظاہر کی کہ یہ شراکت مستقبل کے پی ایس ایل سیزن میں کوئٹہ گلیڈی ایٹرز کو مزید کامیابیوں کی طرف لے جائے گی واضح رہے کہ سرفراز احمد کی قیادت میں کوئٹہ گلیڈی ایٹرز نے 2019 میں پاکستان سپر لیگ کا ٹائٹل جیتا تھا، جبکہ 2016 اور 2017 میں ٹیم فائنل تک پہنچنے میں کامیاب رہی تھی جنوری میں پی ایس ایل نائن کے ڈرافٹ سے قبل کوئٹہ گلیڈی ایٹرز نے سرفراز احمد کو ریلیز کر دیا تھا، جس کے بعد فرنچائز نے جنوبی افریقی کرکٹر رائلی روسو کو ٹیم کا نیا کپتان مقرر کیا تھا سرفراز احمد کی بطور ٹیم ڈائریکٹر تقرری کو کرکٹ حلقوں میں مثبت انداز میں دیکھا جا رہا ہے، اور شائقین پر امید ہیں کہ وہ اپنی کرکٹنگ بصیرت اور قیادت کے تجربے سے کوئٹہ گلیڈی ایٹرز کو ایک بار پھر ٹائٹل کی دوڑ میں شامل کرنے میں کامیاب ہوں گے
.ذریعہ: Nawaiwaqt
کلیدی لفظ: کوئٹہ گلیڈی ایٹرز سرفراز احمد کو سرفراز احمد کی ٹیم ڈائریکٹر کہ سرفراز ٹیم کے
پڑھیں:
سندھ بلڈنگ ،کھوڑو سسٹم کے کماؤ پوت جلیس صدیقی اور عبدالسجاد خان دھندوں میں مگن
رہائشی پلاٹوں پر کمرشل تعمیرات کے اضافی پیسے طلب کئے جانے لگے ،ناجائز تعمیرات میں تیزی
ناظم آباد نمبر 1پلاٹ K2 اور گلبہار رضویہ سوسائٹی پلاٹ C4پر خلاف ضابطہ تعمیرات جاری
ڈی جی سندھ بلڈنگ اسحاق کھوڑو سے موقف لینے کی باربا رکوشش ، کسی رابطے کا جواب نہیں دیا
سندھ بلڈنگ کنٹرول اتھارٹی میں وسطی پر قابض کھوڑو سسٹم کے کماؤ پوت ڈائریکٹر جلیس احمد صدیقی اور کینیڈین شہریت کے حامل ڈائریکٹر ڈیمالیشن عبدالسجاد خان نے وسطی میں غیر قانونی تعمیرات کروانے والی مافیا سے گٹھ جوڑ کرنے کے بعد رہائشی پلاٹوں پر کمرشل تعمیرات کا اجازت نامہ دینے کے نام پر خطیر رقوم بٹورنے کا سلسلہ شروع کر رکھا ہے اور ڈی جی سندھ بلڈنگ اسحاق کھوڑو سب اچھا ہے کی بانسری بجا رہے ہیں۔ اطلاعات کے مطابق ڈائریکٹر جلیس احمد صدیقی اور ڈائریکٹر ڈیمالشن عبدالسجاد خان نے بیٹر مافیا کو اعتماد میں لینے کے بعد ناظم آباد میں رہائشی پلاٹوں پر کمرشل پورشن یونٹ کی تعمیرات شروع کروا رکھی ہیں ۔غیرقانونی تعمیرات کے خاتمے کے لئے گزشتہ دنوں تشکیل دی جانے والی کمیٹی کے سربراہ سمجھے جانے والے ڈپٹی کمشنر وسطی طحہ سلیم نے بھی سندھ بلڈنگ کنٹرول اتھارٹی کی سیاسی سرپرستی میں پلنے والے افسران کی سرپرستی میں ہونے والی غیرقانونی تعمیرات کے خلاف مکمل طور پر پراسرار خاموشی اختیار کر رکھی ہے ناظم آباد نمبر 1بلاک K پلاٹ نمبر 2 الیاس مارکیٹ میں رہائشی پلاٹ پر کمرشل دکانیں فیصل بینک اور کمرشل پلازہ کی تعمیر دن کے اجالے میں کی جا رہی ہے ۔پلاٹ C4 رضویہ سوسائٹی گولیمار میں روڈ پر غیرقانونی تعمیرات کا آغاز کروا کر سندھ کی اعلیٰ شخصیات کے نام پر خطیر رقوم وصول کرنے کا سلسلہ جاری ہے ۔جاری تعمیرات میں ہنگامی اخراج کی سنگین خلاف ورزیاں موجود ہیں اور انسانی جانوں کو شدید خطرات لاحق ہیں ۔وسطی میں جاری قانونی دھندوں کی نشاندہی کے باوجود بااثر بدعنوان افسران احتسابی عمل سے بالا تر ہیں ۔ اس ضمن میں ڈی جی اسحاق کھوڑو سے موقف لینے کے لیے بارہا کوشش کی گئی مگر موصوف نے کسی بھی رابطے کا جواب نہیں دیا۔
لاہور: ریکارڈ یافتہ خاتون ڈیلر منشیات کی ترسیل کرتے ہوئے گرفتار، 12 کلو چرس برآمد