ایران کا جوہری مسئلہ بات چیت سے حل ہونا چاہئے، بیجنگ
اشاعت کی تاریخ: 13th, March 2025 GMT
اپنے ایک جاری بیان میں چینی وزارت خارجہ کے ترجمان کا کہنا تھا کہ ایران کے ایٹمی مسئلے کا پُرامن و منصفانہ حل تلاش کیا جائے۔ اسلام ٹائمز۔ آئندہ کل بیجنگ میں ایران، روس اور چین کے نمائندوں کا سہ فریقی اجلاس ہو گا۔ اس ضمن میں آج چینی وزارت خارجہ نے ایک بیان جاری کیا۔ وزارت خارجہ نے اس بیان میں کہا کہ بات چیت کو ترجیح دی جائے اور ایران کے ایٹمی مسئلے کا پُرامن و منصفانہ حل تلاش کیا جائے۔ واضح رہے کہ گزشتہ روز "ماؤ ننگ" نے اپنی ایک پریس کانفرنس میں اعلان کیا کہ ایران کے جوہری مسئلے کا جائزہ لینے کے لئے جمعہ 14 مارچ کو بیجنگ میں سہ فریقی اجلاس ہو گا جس میں تہران، روس اور چین کے نمائندے شریک ہوں گے۔ اس اجلاس کی سربراہی نائب چینی وزیر خارجہ "ما چاؤ شو" کریں گے جب کہ نائب روسی وزیر خارجہ "سرگئی ریابکوف" و نائب ایرانی وزیر خارجہ "علی رضا غریب آبادی" ماسکو اور تہران کی نمائندگی کریں گے۔ چینی وزارت خارجہ کے ترجمان کی رپورٹ کے مطابق، اس اجلاس میں ایران کے جوہری پروگرام کے علاوہ درپیش مشترکہ تحفظات پہ تبادلہ خیال کیا جائے گا۔ واضح رہے کہ یہ اجلاس ایسی صورت حال میں منعقد ہو رہا ہے جب ایران اور مغربی ممالک کے درمیان جوہری معاہدہ زیر بحث ہے۔ اس اجلاس کا مقصد تینوں ممالک کے درمیان روابط میں استحکام اور علاقائی و عالمی مسائل کے حل کے لئے آئیڈیاز کا تبادلہ ہے۔
.ذریعہ: Islam Times
کلیدی لفظ: ایران کے
پڑھیں:
دہشتگردی کے خاتمے کیلئے پاکستان کیساتھ تعاون اور معاونت پر تیار ہیں، ایران
ایران کی وزارت خارجہ کے ترجمان اسماعیل بقائی نے کہا کہ مسافر بردار ٹرین پر دہشت گردوں کے حملے پر پاکستانی حکومت اور عوام سے گہری ہمدردی ہے۔ اسلام ٹائمز۔ ایرانی وزارت خارجہ کے ترجمان اسماعیل بقائی نے پاکستان کے علاقہ بلوچستان میں بے گناہ شہریوں کے جانوں کے نقصان پر گہری تشویش کا اظہار کیا ہے۔ ایرانی ترجمان نے پاکستانی حکومت اور عوام کے ساتھ یکجہتی کا اظہار کرتے ہوئے کہا کہ ایران دہشت گردی کی کارروائی کے خاتمے اور متاثرہ افراد کی حفاظت کو یقینی بنانے میں مدد فراہم کرنے کے لیے تیار ہیں۔ ایران کی وزارت خارجہ کے ترجمان اسماعیل بقائی نے کہا کہ مسافر بردار ٹرین پر دہشت گردوں کے حملے پر پاکستانی حکومت اور عوام سے گہری ہمدردی ہے۔ انہوں نے اس بات کا اعادہ کیا کہ ایران نے ہمیشہ ہر قسم کی دہشت گردی اور پُرتشدد انتہا پسندی کی مخالفت کی ہے اور اب بھی اسی موقف پر قائم ہے۔ ایران کی وزارت خارجہ کے ترجمان اسماعیل نے کہا کہ بلوچستان میں مسافر ٹرین پر دہشت گرد حملے کی شدید مذمت کرتے ہیں۔ دہشت گردی کیخلاف تعاون کو تیار ہیں۔
آئی ایم ایف مذاکرات؛ بجلی بلوں پر جی ایس ٹی ختم کرنے کی تجویز مسترد