’پانی میں جذبات ہوتے ہیں، یہ باتیں سنتا ہے‘، جویریہ سعود کی ویڈیو وائرل
اشاعت کی تاریخ: 13th, March 2025 GMT
پاکستانی شوبز انڈسٹری کی معروف اداکارہ و میزبان جویریہ سعود کا کہنا ہے کہ پانی کے اندر جذبات ہوتے ہیں اور وہ سن سکتا ہے۔
حال ہی میں جویریہ سعود نے رمضان ٹرانسمیشن میں کہا کہ جاپانی سائنسدان نے تحقیق کی ہے جس سے معلوم ہوتا ہے کہ پانی بھی جذبات رکھتا ہے۔ اداکارہ کا کہنا تھا کہ سائنسدان نے تجربے کے لیے دو بوتلوں میں پانی ڈال کر ان کے سامنے مثبت اور منفی باتیں کیں اور پھر بوتلوں میں موجود پانی کو جانچا۔
یہ بھی پڑھیں: سعود بالی ووڈ اسٹار ورن دھون سے مشہور اداکار ؟ جویریہ سعود کا انکشاف
انہوں نے بتایا کہ کچھ عرصے بعد جاپانی سائنس دان نے دیکھا کہ جس پانی کی بوتل کے سامنے انہوں نے منفی باتیں کی تھیں، اس بوتل کا پانی گدلا ہوچکا تھا اور جس پر اچھی باتیں کی تھیں اس کا پانی ویسا ہی رہا۔
جویریہ سعود کا کہنا تھا کہ کھانا تیار کرتے وقت جو شخص جیسے جذبات اور الفاظ کہے گا، کھانا بھی اسی طرح ہی بنے گا۔ ان کی بات پر ایمن خان نے کہا کہ شاید اسی لیے کہا جاتا ہے کہ ماں کے تیار کردہ کھانے جیسا ذائقہ کسی کا نہیں ہو سکتا اور بہنوں کے ہاتھ کے کھانے کا ذائقہ ہی الگ ہوتا ہے۔
جویریہ سعود کی یہ ویڈیو سوشل میڈیا پر وائرل ہوگئی اور صارفین نے اس پر دلچسپ تبصرے کیے کسی نے کہا کہ اداکارہ نے بالکل ٹھیک بات کی ہے جبکہ کئی صارفین ان کا مذاق بناتے نظر آئے۔
یہ بھی پڑھیں: جویریہ سعود نے مفت انٹرویوز دینے سے انکار کیوں کیا؟
ایک صارف نے جویریہ سعود کا مذاق اڑاتے ہوئے کہا کہ ’کہاں سے آتے ہیں یہ لوگ، کیا سننا اور دیکھنا پڑ رہا ہے‘۔ ایک صارف نے کہا کہ لوگ جویریہ سعود کا مذاق صرف اس لیے اڑا رہے ہیں کیونکہ وہ اداکارہ ہیں۔ جبکہ کئی صارفین نے اداکارہ سے سوال کیا کہ ’جاپان کے سائنسدان اور پانی کو اس بات کا پتہ پے‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پانی جذبات جویریہ سعود رمضان ٹرانسمیشن.ذریعہ: WE News
کلیدی لفظ: پانی جذبات جویریہ سعود جویریہ سعود کا کہا کہ
پڑھیں:
ٹیم سے ڈراپ ہونے کے بعد محمد رضوان اور بابر اعظم مکہ مکرمہ میں، نئی ویڈیو وائرل
پاکستان کرکٹ ٹیم کے سابق کپتان بابراعظم، قومی ون ڈے ٹیم کے کپتان محمد رضوان اور فاسٹ بولر نسیم شاہ رمضان المبارک کے مہینے میں عمرہ کی ادائیگی کے لیے مکہ مکرمہ میں موجود ہیں۔
ان کی ایک ویڈیو بھی سوشل میڈیا پر وائرل ہو رہی ہے جس میں محمد رضوان، بابر اعظم، سفیر اعظم اور نسیم شاہ کے والد کو حرم میں بیٹھے کھانا کھاتے دیکھا جا سکتا ہے۔
https://Twitter.com/ahtashamriaz22/status/1899205931222901172
اس سے قبل بابراعظم کے بھائی سفیر اعظم نے فوٹو اینڈ ویڈیو شیئرنگ ایپ انسٹا گرام پر اپنے بھائی کے ہمراہ مسجد الحرام میں افطاری کی ویڈیو جاری کی اور کچھ تصاویر بھی اپ لوڈ کیں۔
انسٹاگرام پر موجود تصاویر میں ٹیسٹ کرکٹر میر حمزہ بھی دکھائی دیے جو عمرہ کی سعادت حاصل کرنے کے لیے سعودی عرب میں موجود ہیں۔
بابر اعظم 15 مارچ کو وطن واپس آکر دورہ نیوزی لینڈ کے خلاف سیریز کے لیے تیاریوں کا آغاز کریں گے۔
واضح رہے کہ محمد رضوان، بابر اعظم اور نسیم شاہ نیوزی لینڈ کے خلاف 3 ون ڈے میچز کی سیریز کے لیے پاکستانی اسکواڈ کا حصہ ہیں تاہم ٹی20 اسکواڈ میں تینوں کھلاڑیوں کو منتخب نہیں کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بابر اعظم ٹی20 دورہ نیوزی لینڈ عمرہ محمد رضوان مکہ مکرمہ نسیم شاہ
پی ٹی آئی کی فوج مخالف سوشل میڈیا مہم، بیک چینل مذاکرات کو دھچکا