چینی ای کامرس پلیٹ فارمز پر پاکستانی مصنوعات مقبول
اشاعت کی تاریخ: 13th, March 2025 GMT
چینی ای کامرس پلیٹ فارمز پر پاکستانی مصنوعات مقبول WhatsAppFacebookTwitter 0 13 March, 2025 سب نیوز
جی نان (شِنہوا) چین کے ای کامرس پلیٹ فارمز پر پاکستانی مصنوعات کی بڑھتی ہوئی موجودگی سے اس کی مصنوعات مزید مقبول ہونے کی توقع ہےجس سے دونوں ممالک کے درمیان دو طرفہ تجارت کو فروغ ملے گا اور ثقافتی روابط پروان چڑھیں گے۔
ٹک ٹاک کے چینی ورژن ڈو یِن پر شنگھائی تعاون تنظیم(ایس سی او) کے رکن ممالک کے سامان کی نمائش کے حالیہ لائیو اسٹریمنگ ایونٹ میں میزبان نے پاکستانی پکوان کی بھرپور تعریف کرتے ہوئے کہاکہ یہ باسمتی چاول پاکستانی کسان محنت سے اگاتے ہیں اور یہ اپنے اعلیٰ معیار کے لئے مشہور ہیں۔ جب انہیں کری جیسے مصالحوں کے ساتھ پکایا جاتا ہے تو ایک مسحور کن خوشبو پیدا ہوتی ہے۔
پاکستانی مصنوعات کے لئے لائیو اسٹریمنگ ایونٹ ’’2025 کے ایس سی او آن لائن مصنوعات‘‘ کے وسیع اقدام کا حصہ تھا جو بیجنگ اور چھنگ ڈاؤ میں ہوا ۔ اس میں پاکستان، روس اور بیلاروس سمیت ایس سی او کے 12 ممالک کی 200 سے زائد مصنوعات آن لائن فروخت کے لئے پیش کی گئی تھیں جبکہ سینکڑوں دیگر مصنوعات آف لائن مقامات پر نمائش کے لئے رکھی گئیں۔
ایونٹ کا اہتمام چائنہ-ایس سی او مظاہر ہ زون برائے مقامی اقتصادی و تجارتی تعاون نے چین کے مشرقی شہر چھنگ ڈاؤ میں کیا تھا جس کا مقصد معاشی تعلقات اور ثقافتی تبادلوں کا فروغ ہے۔
مارچ میں پاکستانی اشیا کے حصے میں چین میں پاکستانی سفیر خلیل الرحمٰن ہاشمی نے دونوں ممالک کے کاروباری نمائندوں کے ساتھ چلغوزہ ، ہمالیہ کا گلابی نمک، ہاتھ سے بنے ہوئے قیمتی پتھروں کے ہار اور نمک کی لیمپ جیسی پاکستانی برآمدات کو اجاگر کیا۔
ہاشمی نے کہا “پاکستان رنگوں، ذائقوں اور لازوال فنون کا ملک ہے۔ انہوں نے حاضرین کو پاکستانی پکوانوں متعارف کراتے ہوئے کراچی کے خوشبو دار پلاؤ، پشاور کے نمکین گوشت ، لاہور میں ہلکی آنچ پر بنائی جانے والی چٹنی اور ملتان کی مشہور مٹھائیوں کا ذکر کیا۔
ڈیٹا مائننگ اور تجزیاتی ادارے آئی آئی میڈیا ریسرچ کے مطابق چین کی لائیو اسٹریمنگ ای کامرس صنعت تیزی سے فروغ پارہی ہے اور 2025 میں اس کا مجموعی تجارتی حجم 21.
ہاشمی نے اس بات پر زور دیا کہ ای کامرس تجارتی ذریعے سے بڑھ کر اب ثقافتی تعلقات کو بھی فروغ دے رہی ہے ۔ “یہ لوگوں کو ملتان کی ہاتھ سے بنی ہوئے دستکاریوں کی خوبصورتی دیکھنے کا موقع فراہم کرتی ہے اور سندھ کے مصالحوں کو عالمی سطح پر متعارف کراتی ہے۔ ڈیجیٹل دور نے دنیا کو چھوٹا مگر تعلقات کو مضبوط کردیا ہے جہاں پاکستانی مصنوعات اور ثقافت، دریافت اور استعمال کو تیار ہیں۔
چین میں 5 برس گزارنے والے پاکستانی تاجر کامل محمد ، چین کے ای کامرس کو اپنے ملک کی اشیا کے فروغ میں طاقتور ذریعہ تصور کرتے ہیں ۔ وہ چینی زبان روانی سے بولتے ہیں اور انہوں نے براہ راست ای کامرس کے دوران ناظرین کے ساتھ براہ راست گفتگو میں انہیں پتھر کے برتن ، لکڑی کے بنے ڈبے اور گلابی نمک جیسی روایتی پاکستانی اشیا سے متعارف کرایا۔
چین اور پاکستان کے درمیان مضبوط ہوتے ہوئے تجارتی تعلقات بڑے پیمانے پر چین-پاکستان اقتصادی راہداری(سی پیک) کی مرہون منت ہیں جو چین کے بیلٹ اینڈ روڈ انیشی ایٹو کے تحت ایک فلیگ شپ منصوبہ ہے۔
اس کے علاوہ چاول، خشک میوہ جات، ہاتھ سے بنے قالین،لکڑی کے نقوش اور قیمتی پتھر ڈو یین، تاؤ باؤ اور دیگر چینی ای کامرس پلیٹ فارم پر دستیاب ہیں جو صارفین کو پاکستانی دستکاریاں اور ثقافت سے متعارف کرا رہی ہیں۔
ہاشمی نے کہا پاکستان کو ایس سی او کا رکن ہونے پر فخر ہے۔ہماری شراکت داری صرف تجارت ہی نہیں بلکہ گہری دوستی اور باہمی احترام کی بنیاد پر قائم ہے۔ انہوں نے امید ظاہر کی کہ پاکستانی مصنوعات کی ہر خریداری، ذائقہ اور استعمال دونوں ممالک کے تعلقات کو مزید مضبوط کرنے میں کردار ادا کرے گی۔
چین رواں سال کے موسم خزاں میں تیانجن میں ایس سی او سربراہ اجلاس کی میزبانی کی تیاری کررہا ہے، ایسے میں مزید گہری علاقائی شراکت داری کی بھرپور توقعات ہیں۔چینی وزیر خارجہ وانگ یی نے 14 ویں قومی عوامی کانگریس کے تیسرے سیشن کے دوران اعلان کیا تھا کہ رواں سال ایس سی او سے متعلق 100 سے زائد ایونٹ ہوں گے جن میں سیاسی، سلامتی، معاشی اور ثقافتی تبادلوں کا احاطہ کیا جائے گا۔
ذریعہ: Daily Sub News
کلیدی لفظ: پاکستانی مصنوعات کامرس پلیٹ
پڑھیں:
فروغ تعلیم کے لیے وزیراعلیٰ پنجاب نے کیا انقلابی فیصلے ہیں؟
وزیراعلیٰ پنجاب مریم نوازشریف نے صوبے میں فروغ تعلیم کے لیے انقلابی فیصلے کیے ہیں۔
پنجاب میں اسکول ایجوکیشن کے لیے ’سی ایم ایجوکیشن کارڈ‘ متعارف کرانے کا فیصلہ کیا ہے، 80 فیصد سے زیادہ نمبر لینے والے طلبا کو سی ایم ایمی ننس، اسٹار کارڈ ملے گا۔
طلبا اور اساتذہ کی تعداد میں اضافہوزیراعلیٰ مریم نوازشریف کی زیر صدارت اسکول ایجوکیشن سے متعلق خصوصی اجلاس میں بتایا گیا کہ اسکولوں کی آؤٹ سورسنگ سے طلبا کی تعداد میں 52 فیصد، ٹیچرزکی تعداد میں 89 فیصد اضافہ ہوا۔
یہ بھی پڑھیں: پنجاب کے اسکولوں میں نگرانی کے لیے جدید کمیرے نصب کرنے کا فیصلہ
بریفنگ میں بتایا گیا کہ پبلک اسکول ری آرگنائزیشن پروگرام کے بعد طلبا کی تعداد 2لاکھ 42 ہزار سے بڑھ کر 3 لاکھ 68 ہزار سے بڑھ گئی۔
پنجاب بھر میں آؤٹ سورسنگ کے پہلے فیز بعد ٹیچرز کی تعداد 8037 سے بڑھ کر 15114ہوگئی۔آؤٹ سورسنگ کے بعد اسکولوں میں اساتذہ کی تنخواہ میں 3 گنا تک اضافہ ہوا۔اسکولوں کی آؤٹ سورسنگ کے بعد طلبا کے لیے کرسیاں اور ڈیسک وغیرہ کی تعداد تین لاکھ 71ہزار سے پانچ لاکھ 23ہزارہوگئی۔
ایک ہی طرز کے نئے اور جدید اسکول آف ایمی ننسپنجاب میں ایک ہی طرز کے نئے اور جدید اسکول آف ایمی ننس قائم کرنے کا فیصلہ کیاگیا، صوبے کی ہر تحصیل میں ایک اسکول آف ایمی ننس بنے گا۔
وزیراعلیٰ مریم نوازشریف نے میٹرک ٹیک کے لیے اسٹیٹ آف دی آرٹ لیب بنانے کا اعلان کیا اور کلاس فائیو سے ٹیکنیکل ایجوکیشن بطور مضمون شامل کرنے کے لیے اقدامات کی ہدایت کی ہے۔
ٹیکس بک بورڈ کی نصابی کتابوں کے پراجیکٹ میں ایک ارب روپے کی بچت ہوئی۔
یہ بھی پڑھیں: پنجاب میں مدرسہ اور اسکولوں کی بنیاد پر بچوں کی مردم شماری کرانے جارہے ہیں، وزیر تعلیم رانا سکندر
وزیراعلیٰ مریم نوازشریف نے اسکولوں میں پینے کے پانی، وائٹ واش اور فرنیچر کے لیے 90دن کی ڈیڈ لائن جبکہ ہر سال 2 ملین بچوں کی انرولمنٹ کا ہدف دے دیا۔
وزیر اعلیٰ مریم نوازشریف نے بھکر اور لیہ سمیت دیگر اضلاع میں اسکول میل پروگرام کے اجرا کے لیے فوری اقدامات کا حکم دیا۔
انہوں نے ایجوکیشن افسروں اور اساتذہ کی کارکردگی چانچنے کے لیے کے پی آئی سسٹم کا نفاذ کرنے کی ہدایت کی ہے۔
انگلش بول چال کی کلاسزوزیراعلیٰ مریم نوازشریف کی ہدایت پر لاہور کے 338 اسکولوں میں انگلش بول چال کی کلاسز کے پائلٹ پراجیکٹ کا اجرا کیا گیا، سرکاری اسکولوں میں انگلش بول چال کے انٹرنیشنل کورسز کرانے اور اور سرٹیفکیٹ دینے کی تجویز پر اتفاق کیاگیا۔
اسکولوں کے سامنے سڑکوں پر زبیرا کراسنگوزیراعلیٰ مریم نوازشریف نے صوبے بھر میں اسکولوں کے سامنے سڑکوں پر زبیرا کراسنگ بنانے کی ہدایت پر سختی عملدرآمد کا حکم دیا ہے۔
طلبا کو کتابوں کی فراہمیپنجاب میں پہلی مرتبہ مارچ میں تعلیمی سیشن کے آغاز پر کتابوں کی فراہمی کا ہدف کامیابی سے مکمل کیا۔
اساتذہ اسکاؤٹ لینڈ کا مطالیاتی دورہ کریں گےسرکاری اسکولوں کے 5 اساتذہ برٹش کونسل کے تعاون سے اسکاؤٹ لینڈ کا مطالیاتی دورہ کریں گے، وزیراعلیٰ مریم نواز نے بلال حسین، وقاض احمد، جہانگیر احمد اور یاسمین صادق کو مبارکباد دی۔
اسکول میل پروگرامتین اضلاع میں اسکول میل پروگرام کامیابی سے جاری ہے، بچوں کی جسمانی نشونما میں بہتراور حاضری میں اضافہ ہوا، مظفرگڑھ،راجن اورڈی جی خان میں اسکول میل پروگرام کے بعد طلبا کی تعداد 36 لاکھ ایک ہزار 50 سے بڑھ کر41 لاکھ 6 ہزار 247 ہوگئی۔
یہ بھی پڑھیں: راولپنڈی کے علاقے مورگاہ میں قائم اسکول جہاں غریبوں کے بچے زیرتعلیم ہیں
مظفرگڑھ، راجن پور، ڈیرہ غازی خان کے اسکولوں میں طلبا کو ملک پیک کے 4 کروڑ پیکٹ دیے گئے۔
نوازشریف سینٹر آف ایکسی لینس فار ایرلی چائلڈ ہوڈ ایجوکیشننوازشریف سینٹر آف ایکسی لینس فار ایرلی چائلڈ ہوڈ ایجوکیشن پراجیکٹ کا جائزہ لیا گیا، وزیراعلیٰ نے ایرلی چائلڈ ہوڈ ایجوکیشن سینٹر میں بچوں کی تعداد 250سے بڑھ کر1200 کرنے کی ہدایت کی۔
وزیراعلیٰ مریم نوازشریف نے وزیر تعلیم رانا سکندر حیات کے بیٹے کے ایرلی چائلڈ ہوڈ ایجوکیشن سینٹر میں داخلے کو سراہا اور قابل تقلید قرار دیا۔
اسکول ٹیچر انٹرن شپ پروگراموزیراعلیٰ کو بریفنگ میں بتایا گیا کہ پنجاب بھر میں اسکول ٹیچر انٹرن شپ پروگرام کے تحت ساڑھے 12ہزار انٹرنی بھرتی کیے جائیں گے۔ اسکول ٹیچر انٹرن شپ پروگرام کے تحت پانچ لاکھ 68ہزار سے زائد امیدوروں کی درخواستیں جمع کرائی۔
تعمیر و مرمتآؤٹ سورسنگ کے بعد چند ماہ میں 35 نئے کلاس رومز اور 459 کی تعمیر و مرمت مکمل ہوگی، آؤٹ سورسنگ کے بعد اسکولوں میں 110نئے ٹائلٹ بن گئے، 2762 کی تعمیر و مرمت کی گئی۔158 اسکولوں کی باؤنڈری وال اور 1389 واٹر پمپ بھی نصب ہوئے۔
جدید ترین کمپیوٹر لیبآؤٹ سورسنگ کے بعد اسکولوں میں اپنی مدد آپ کے تحت نئی اور جدید ترین کمپیوٹر لیب بنائی گئیں۔میٹرک ٹیک پنجاب کے 2ہزار اسکولوں میں 2لاکھ 35ہزار طلبا کے داخلے ہوئے۔
میٹرک لیول پرایگریکلچر سیشنپہلی مرتبہ میٹرک لیول پرایگر یکلچر سیشن، فیشن ڈیزائن، ہیلتھ سائنسز، انفارمیشن اینڈ کمیونیکشن ٹیکنالوجی پڑھائی جائے گی۔
پنجاب بھر میں سی ای او، ڈی ای او اور ایجوکیشن افسروں کی 287آسامیوں کی تعیناتیوں کا عمل مکمل ہوا۔
وزیراعلیٰ کی ہدایت پر وزیر تعلیم نے تمام ایجوکیشن افسروں کے انٹرویو خود کیے۔
سرکاری اسکولوں میں نئے گراؤنڈر اور بلڈنگزسرکاری اسکولوں میں ایلو مینائی کے تعاون سے نئے گراؤنڈز، بلڈنگز اور کلاس رومز بنیں گے۔
ایک پودا استاد کے نامپنجاب بھر میں ’ایک پودا،استاد کے نام پروگرام‘ کے تحت 20 لاکھ پودے لگائے گئے، پنجاب بھر میں 5 سال کے دوران مرحلہ وار 30ہزار کلاس رومز،600ایلیمنٹر ی اور 400 ہائی اسکول بنیں گے۔
معیار تعلیم کی بہتری ہمارا اولین ہدفوزیراعلیٰ مریم نوازشریف نے کہا کہ پنجاب میں معیار تعلیم کی بہتری ہمارا اولین ہدف ہے۔ طلبا کو وطن سے محبت اور اخلاقیات کی پابندی کی اہمیت سے آگاہ کرنا ناگزیر ہے۔
انہوں نے کہا کہ میٹرک ٹیک سے ایجوکیشن میں نئی اختراع متعارف کرارہے ہیں اور تعلیم کی کوالٹی بہتر بنانے پر انویسٹمنٹ کررہے ہیں۔
مریم نواز نے کہا کہ ویژن کے بغیر اخراجات فنڈز ضائع کرنے کے مترادف ہے، شعبہ تعلیم میں انقلابی اور اختراعی آئیڈیاز کی ضرور ت ہے۔ ’پڑھائیں نہ پڑھائیں تنخواہ مل جاتی ہے‘ کا کلچر تبدیل کرنا ہوگا۔
انہوں نے کہا کہ سرکاری اسکولوں کا معیار اعلیٰ ترین پرائیویٹ اسکولوں کے برابر لانا میرا ویژن ہے، اسکولوں کی آؤٹ سورسنگ کے حوصلہ افزا نتائج سامنے آرہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اساتذہ پاکستان پنجاب تعلیم وزیراعلیٰ مریم نواز
آڈیو لیک کیس؛ علی امین گنڈاپور کے ناقابل ضمانت وارنٹ گرفتاری برقرار