امید ہے روس جنگ بندی پر آمادہ ہو جائے گا، صدر ڈونلڈ ٹرمپ
اشاعت کی تاریخ: 13th, March 2025 GMT
امریکی صدر ڈونلڈ ٹرمپ نے کہا ہے کہ روس یوکرین جنگ ختم کرنے کے لیے ہر ممکن کوشش کر رہے ہیں، مجھے امید ہے کہ روس جنگ بندی پر آمادہ ہو جائےگا۔
واشنگٹن میں آئر لینڈ کے وزیراعظم سے ملاقات کے بعد میڈیا سے گفتگو میں ان کا کہنا تھا کہ روس یوکرین جنگ شروع ہی نہیں ہونی چاہیے تھی۔ اس جنگ میں 2 ہزارکے قریب لوگ ہر ہفتے ہلاک ہو رہے ہیں، جنگ ختم کرنے کے لیے ہر ممکن کوشش کررہے ہیں۔
امریکی صدر نے کہا کہ یورپین یونین کی تخلیق ہی امریکا سے فائدہ اٹھانے کے لیے کی گئی تھی اور ہمارے بےوقوف رہنماؤں نے یورپی یونین کی بھرپور حمایت کی۔ روس نے باراک حسین اوباما اور بش کے ادوار میں کئی علاقوں پر قبضہ کیا لیکن میرے دور گزشتہ دور حکومت میں روس نے کہیں حملہ نہیں کیا۔
مزید پڑھیں: ’اپنا میزائل پروگرام ختم نہیں کرینگے‘، ٹرمپ کے خط پر ایرانی سپریم لیڈر کا جواب
ٹرمپ نے کہا کہ نیٹو کے ساتھ تعاون برابری کی بنیاد پر کریں گے، اس کو امریکا کے ساتھ منصفانہ سلوک کرنا پڑے گا، نیٹو کو اپنے بل ادا کرنے پڑیں گے۔ امریکا میں دنیا بھر سے بھاگے ہوئے مجرم غیر قانونی طور پر داخل ہوتے ہیں، جرائم پیشہ افراد کو امریکا سے باہر نکال رہے ہیں۔
ایک صحافی نے سوال کہا کہ امریکا کن ممالک کو سفری پابندیوں کا نشانہ بنانے جا رہا ہے؟ یہ سنتے ہیں ٹرمپ نے کہا کہ تم چاہتے ہو کہ میں اس سوال پر کچھ بےوقوفانہ جواب دوں؟ کیا کوئی یقین کرسکتا ہے کہ کوئی صحافی ایسا سوال کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئر لینڈ ٹرمپ روس واشنگٹن یوکرین.ذریعہ: WE News
کلیدی لفظ: آئر لینڈ واشنگٹن یوکرین نے کہا کے لیے کہا کہ
پڑھیں:
ڈونلڈ ٹرمپ نے ایلون مسک سے پُرتعیش گاڑی خرید لی؛ قیمت جان کر آپ حیرن رہ جائیں گے
امریکی صدر ڈونلڈ ٹرمپ نے اپنے دوست اور مشیر ایلون مسک سے اظہار یکجہتی کے لیے ان کی کمپنی ٹیسلا کی گاڑی خرید لی۔
عالمی خبر رساں ادارے کے مطابق امریکی صدر ڈونلڈ ٹرمپ لال رنگ کی ایک جاذب نظر اور پُرتعیش گاڑی میں وائٹ ہاؤس پہنچے۔
اس گاڑی کی خریداری کے وقت امریکی صدر ڈونلڈ ٹرمپ کے ساتھ ٹیسلا کمپنی کے مالک ایلون مسک بھی موجود تھے اور انھوں نے گاڑی کے انتخاب میں صدر کی مدد بھی کی۔
صدر ٹرمپ نے گاڑی کی ڈرائیور سیٹ پر بیٹھتے ہی کہا، "واہ، یہ تو بہت خوبصورت ہے۔"
ایلون مسک، جو پچھلی سیٹ پر بیٹھے تھے، نے مزاحیہ انداز میں کہا کہ "یہ سکریٹ سروس کو دل کا دورہ پڑوا دے گا کیونکہ گاڑی کی رفتار 95 کلومیٹر فی گھنٹہ تک پہنچ سکتی ہے۔
تاہم، ڈونلڈ ٹرمپ نے گاڑی کا ٹیسٹ ڈرائیو نہیں کیا کیونکہ وہ ڈرائیو کرنے کے مجاز نہیں ہیں، لیکن انہوں نے ایلون مسک سے کہا کہ وہ گاڑی کو وائٹ ہاؤس چھوڑ دیں۔
بعد ازاں ڈونلڈ ٹرمپ نے بتایا کہ یہ گاڑی تقریباً 80,000 ڈالر کی قیمت پر بغیر کسی رعایت کے مکمل قیمت ادا کر کے خریدی ہے۔
امریکی صدر نے کہا کہ ایلون مسک مجھے گاڑی کی خریداری پر رعایت دے سکتے تھے، لیکن اگر میں رعایت لیتا تو لوگ کہتے کہ مجھے فائدہ دیا گیا۔
ڈونلڈ ٹرمپ نے ٹیسلا خریدنے کی دو وجوہات بتائیں: "ایک تو یہ ایک بہترین پروڈکٹ ہے اور دوسری یہ کہ ایلون مسک نے اپنی زندگی اور توانائی اس کام میں لگا دی ہے۔
امریکی صدر نے کہا کہ مجھے لگتا ہے کہ ایلون مسک کے ساتھ بہت غیر منصفانہ طریقے سے سلوک کیا گیا ہے حالانکہ وہ محب وطن ہیں اور انھوں نے بہت اچھا کام کیا ہے۔
اعجاز چوہدری کی سینیٹ اجلاس شرکت کیلیے پروڈکشن آڈرز سے متعلق درخواست؛ فریقین کونوٹس جاری