وزیراعلیٰ پنجاب انٹرن شپ پروگرام: وظیفے کی رقم میں 100 فیصد سے زائد اضافہ
اشاعت کی تاریخ: 13th, March 2025 GMT
حکومت پنجاب نے وزیراعلیٰ انٹرن شپ پروگرام میں نمایاں اضافے کا اعلان کیا ہے۔ ماہانہ اسکالرشپ 25 ہزار روپے سے بڑھا کر 60 ہزار روپے کی جائے گی جبکہ انٹرنیز کی تعداد 6 ہزار سے بڑھا کر 10 ہزار کی جائے گی اور آئندہ مرحلے میں انٹرن شپ کا دورانیہ 6 ماہ سے بڑھا کر ایک سال کر دیا جائے گا۔
یہ بھی پڑھیں: تاریخی معاہدہ: آکسفورڈ یونیورسٹی بلوچستان کے طلبا کو اسکالر شپ پر داخلے فراہم کرے گی
یہ اعلان صوبائی وزیر محنت، کھیل و امور نوجوانان ملک فیصل ایوب کھوکھر نے نشتر پارک اسپورٹس کمپلیکس (این پی ایس سی) کے ای لائبریری اینڈ یوتھ سینٹر میں پروگرام کے پروگریس ریویو سیشن سے خطاب کرتے ہوئے کیا۔ تقریب میں ایڈیشنل سیکریٹری سپورٹس اینڈ یوتھ افیئرز میاں عثمان علی، ڈائریکٹر جنرل ای گورننس پی آئی ٹی بی ساجد لطیف، ڈائریکٹر ایڈمن ڈاکٹر ایم کلیم، ڈائریکٹر یوتھ افیئرز سید عمیر حسن، وزیراعلیٰ انٹرن شپ پروگرام کے سپروائزرز، فوکل پرسنز اور دیگر نے شرکت کی۔
مہمان خصوصی کی حیثیت سے خطاب کرتے ہوئے ملک فیصل ایوب کھوکھر نے این پی ایس سی کی ای لائبریری میں شکایات سیل کے قیام پر زور دیا اور افسران کو ہدایت کی کہ وہ نوجوانوں کے مسائل کو فوری طور پر حل کریں۔
مزید پڑھیے: سعودی عرب کی مکمل فنڈڈ انٹرن شپ کیسے حاصل کی جا سکتی ہے؟
وفاقی وزیر نے ایڈیشنل سیکریٹری سپورٹس میاں عثمان علی، ڈی جی ای گورننس پی آئی ٹی بی ساجد لطیف اور دیگر عہدیداروں کی خدمات کو سراہتے ہوئے انہیں یادگاری تحائف پیش کیے اور جواباً میاں عثمان علی نے ملک فیصل ایوب کھوکھر کو بھی تحفہ پیش کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انٹرن شپ صوبائی وزیر محنت، کھیل و امور نوجوانان ملک فیصل ایوب کھوکھر وزیراعلیٰ پنجاب انٹرن شپ پروگرام وظیفے میں اضافہ.ذریعہ: WE News
کلیدی لفظ: وزیراعلی پنجاب انٹرن شپ پروگرام
پڑھیں:
شاندار رمضان پیکیج قابل تعریف، فی خاندان 5 ہزار روپے ملیں گے: وزیراعظم
اسلام آباد (نیوز ڈیسک) وزیراعظم شہباز شریف نے کہا ہے کہ جامع اور شاندار رمضان پیکیج قابل تعریف ہے، رمضان پیکیج کے تحت فی خاندان پانچ ہزار روپے ملیں گے۔
وزیراعظم شہبازشریف نے نیشنل ٹیلی کام ہیڈکوارٹر کا دورہ کیا اور رمضان 2025 کے مانیٹرنگ نظام کا جائزہ لیا، حکام نے ڈیجیٹل والٹ سے رمضان المبارک کے دوران فی خاندان 5 ہزارروپے ادائیگی پر وزیراعظم کو بریفنگ دی۔
اس موقع پر گفتگو کرتے ہوئے وزیراعظم شہباز شریف نے کہا کہ اس شاندار پروگرام کی تکمیل پر سب کو دل کی گہرائیوں سے مبارکباد پیش کرتا ہوں،وزیر آئی ٹی،گورنمنٹ سیکرٹریز اورمتعلقہ حکام نےمل کر ایک چیلنج کو قبول کیا، ماضی میں بدترین کرپشن کی کہانیاں تھیں، اب نئے ڈیجیٹل والٹ کے ذریعے کرپشن کا خاتمہ کردیا گیا ہے۔
ان کا کہنا تھا کہ یوٹیلٹی سٹورز کو ہمیشہ کیلئے خیر باد کہنا تھا، یوٹیلٹی سٹورز میں بدترین کرپشن کی کہانیاں زبان زدعام تھیں، نئےجدید ڈیجیٹل والٹ کے تحت چاروں صوبوں میں تقریبا ً 40لاکھ خاندانوں کے 2 کروڑ سے زائد افراد پروگرام سے مستفید ہوں گے، اس پروگرام کا 20 ارب روپے کی لاگت سے اجرا ءکیا گیا ہے۔
شہباز شریف نے کہا کہ حکومت نے پہلی بار شفاف طریقے سے کام کیا، اب فی خاندان 5 ہزار روپے ملیں گے، لوگ اپنی ضرورت کے مطابق چیزیں خرید سکیں گے، پہلی بار نہ قطاریں لگیں اور نہ ہی کوئی شکایت سامنے آئی، ماضی میں عوام کا پیسہ کرپشن کی نذر ہوا اس سے بڑا ظلم نہیں ہو سکتا۔
وزیراعظم کا مزید کہنا تھا کہ اس پروگرام میں شفافیت کا پہلو سب کیلئے اہمیت کا حامل ہے، حکومت پاکستان نے مہم کا آغاز کردیا ہے، بینکرز اور آئی ٹی کمپنیز سے گزارش ہے آپ بھی مہم میں شریک ہوں، گورنر اسٹیٹ بینک بھی ڈیجیٹل والٹ کے طریقہ کار کے بارے میں عوام کو آگاہ کریں۔
Post Views: 1
رمضان المبارک میں اسٹریٹ کرائمز بڑھ گئے، ڈکیتی مزاحمت پر 3 افراد جاں بحق