تاریخ میں لکھا جائے گا بلوچستان میں نہتے لوگوں کا قتل عام ہوا، سرفراز بگٹی
اشاعت کی تاریخ: 13th, March 2025 GMT
کوئٹہ (نوائے وقت رپورٹ) وزیراعلیٰ بلوچستان سرفراز بگٹی نے بلوچستان اسمبلی میں اپنے خطاب میں کہا ہے کہ دہشتگردوں کو نہیں چھوڑیں گے۔ بلوچ تاریخ دلیری اور مہمان نوازی سے بھری ہے۔ نہتے لوگوں پر حملہ کرنا کون سی تاریخ ہے۔ تشدد اور بندوق کے زور پر وہ اپنا نظریہ مسلط کرنا چاہتے ہیں۔ کیا ہم پانچ سو لوگوں کے قتل پر ان سے معافی مانگیں۔ جو ریاست کو توڑنے کی بات کرے گا‘ بندوق اٹھائے گا‘ ریاست اس کا قلع قمع کرے گی۔ تاریخ میں لکھا جائے گا بلوچستان میں نہتے لوگوں کا قتل عام کیا۔ جنگ کے بھی کوئی اصول ہوتے ہیں۔ ہمیں 18 ویں ترمیم میں مطالبے سے بھی زیادہ حقوق دیئے گئے۔ اراکین کو یاد دلاتا ہوں کہ ہم کسی سے بھی مذاکرات کیلئے تیار ہیں۔ اس لڑائی کو سمجھنے کی ضرورت ہے۔ آئین نے ہمیں کون سا حق نہیں دیا؟۔ ریاست نے بار بار ماں کا کردار ادا کیا۔ کیوں حقیقت پر مبنی بات نہیں کی جاتی؟۔ میں اپنی ریاست کے ساتھ کھڑا ہوں اور کھڑا رہوں گا۔ بلوچ نوجوانوں کو ورغلایا جا رہا ہے۔ ہمیں نوجوانوں کے پاس جانا چاہئے۔ انہیں روزگار دینا ہو گا۔ بلوچستان اسمبلی اجلاس میں حالیہ دہشتگردی واقعہ کیخلاف قرارداد منظور کر لی گئی۔
.ذریعہ: Nawaiwaqt
پڑھیں:
ایف بی آر افسران کی گریڈ 22 میں ترقیاں روکنے کا حکم