سیاسی جماعتوں کاصرف ایک پیج پر آنا مسئلے کا حل نہیں
اشاعت کی تاریخ: 13th, March 2025 GMT
لاہور:
گروپ ایڈیٹر ایکسپریس ایاز خان کا کہنا ہے کہ ایک آزاد اور خود مختار ملک میں ایک ایسی ٹرین جس میں 400 سے زیادہ مسافر ہوں اور اس کو یرغمال بنا لیا جائے، کڈنیپ کر لیا جائے، ہائی جیک کر لیا جائے، یہ کوئی چھوٹا واقعہ نہیں۔
ایکسپریس نیوز کے پروگرام ایکسپرٹس میں گفتگو کرتے ہوئے انھوں نے کہا کہ جب ہم کہتے ہیں کہ دشمن کر رہے ہیں، ہینڈلرز باہر سے کر رہے ہیں تو دشمن اور ہینڈلرز اس وقت کوئی کارروائی کرنے کی پوزیشن میں ہوتے ہیں جب آپ کمزور ہو جاتے ہیں۔
تجزیہ کار فیصل حسین نے کہا کہ سیاسی جماعتوں کا صرف ایک پیج پر آنا مسئلے کا حل نہیں ہے، ان کا بااختیار ہونا وہ اصل مسئلے کا حل ہے، ایک پیج پر تو آجائیں گے، ماضی میں بھی کئی دفعہ آ چکے ہیں ان کے بیانات پڑھ لیں ایک پیج والے ہی بیانات ہیں۔
تجزیہ کار نوید حسین نے کہا کہ ان پولیٹیکل فورسز کو نہ بااختیاربنانے کی ضرورت ہے نہ ایک پیج پر آنا ان کا مسئلہ ہے، ان کا مسئلہ ان کی نااہلی ہے، یہ پولیٹیکل فورسز کا کام ہے، بلوچستان میں جو کچھ ہو رہا ہے ، بلوچستان میں جتنا بھی احساس محرومی وہاں پر ہے اس کا ازالہ کرنا کس کا کام تھا؟، اس کا ازالہ کرنا ہماری پولیٹیکل اشرافیہ کا کام تھا۔
تجزیہ کار عامر الیاس رانا نے کہا کہ جس قومی قیادت کی بات ہو رہی ہے اور فواد چوہدری کا نام لے رہے ہیں وہ اس وقت اپنے وزیراعظم عمران خان کو پارلیمنٹ کی نیشنل سیکیورٹی کمیٹی میں لانے کامیاب نہیں ہوسکے تھے کہ جب افغانستان سے دہشت گردوں کو لا کر بسانے کی پلاننگ ہو رہی تھی، جو بڑا ایشو آیا ہے عمران خان غائب تھے تو ہماری قومی قیادت کے حالات تو اس طرح کے ہیں۔
تجزیہ کار محمد الیاس نے کہا کہ قومی سیاسی قیادت نے پہلے کیا کیا ہے ، کبھی کچھ کیا ہے؟ جب یہ اقتدار میں آتے ہیں، پرائم منسٹرآتا ہے، یا پارٹی آتی ہے،ہمیں صوبہ بلوچستان کو نظر انداز کیا جاتا ہے نہ ہی وہاں صحت اور ایجوکیشن سمیت دیگر بنیادی سہولتیں دی جاتی ہیں نہ ہی کوئی ڈویلپمنٹ کے کام ہوتے ہیں۔
.ذریعہ: Express News
کلیدی لفظ: ایک پیج پر تجزیہ کار نے کہا کہ
پڑھیں:
’مسئلے کا حل فوجی اقدامات نہیں‘، امریکی وزیرخارجہ یوکرین سے مذاکرات کیلیے سعودی عرب پہنچ گئے
امریکی وزیرخارجہ مارکو روبیو یوکرین جنگ کے حوالے سے اہم مذاکرات کے لیے سعودی عرب پہنچ گئے ہیں۔
انہوں نے کہا کہ یوکرین جنگ کا حل فوجی اقدامات نہیں ہیں بلکہ تنازعے کے حل کے لیے روس اور یوکرین دونوں کو مفاہمت کی طرف آنا ہوگا۔
گزشتہ دنوں وائٹ ہاؤس میں امریکی صدر ڈونلڈ ٹرمپ اور یوکرین کے صدر ولادیمیر زیلنسکی کے مابین ہونے والی تلخ کلامی کے بعد دونوں ممالک میں شدید کشیدگی پیدا ہوگئی تھی جس کے بعد سعودی عرب میں یوکرین جنگ کے حوالے سے مذاکرات کا انعقاد کرنے کا فیصلہ کیا گیا۔
یہ بھی پڑھیے: ’اپنا منہ بند رکھو‘، ڈونلڈ ٹرمپ اور یوکرینی صدر کے مابین زبانی جھڑپ کی ویڈیو وائرل
امریکی وزیر خارجہ کا کہنا تھا کہ نہ ہی روس پورے یوکرین پر قبضہ کرسکتا ہے اور نہ ہی یوکرین روس کو جنگ کے دوران قبضے میں لیے گئے علاقے چھڑوا کر واپس 2014 کی پوزیشن پر دھکیل سکتا ہے۔
انہوں نے سعودی عرب پہنچنے سے قبل جہاز میں صحافیوں سے گفتگو کرتے ہوئے کہا کہ ہمیں اس احساس کے ساتھ جانا چاہیے کہ اس تنازعے کو ختم کرنے یا کسی صورت میں روکنے کے لیے یوکرین مشکل فیصلے کرنے کے لیے تیار ہے جس طرح روس مشکل فیصلوں کے لیے تیار ہے۔
یاد رہے کہ اس مذاکرات میں یوکرینی صدر اپنے وفد کے ہمراہ امریکی وزیر خارجہ اور وائٹ ہاؤس کے اعلیٰ حکام سے ملاقات کریں گے اور قیمتی معدنیات سمیت روس سے جنگ بندی کے حوالے سے فیصلہ کن بات چیت کریں گے۔
یہ بھی پڑھیے: یوکرین کے صدر زیلنسکی سعودی عرب پہنچ گئے
واضح رہے کہ ٹرمپ انتظامیہ روس اور یوکرین کے مابین جاری جنگ فوری طور پر روکنے کے لیے اقدامات کررہی ہے تاہم یوکرین اور اس کے اتحادی یورپی ممالک کی جانب سے کہا جارہا ہے کہ یوکرین کے مستقبل کے لیے سیکیورٹی ضمانت اور اس کے کھوئے ہوئے علاقوں کی ملکیت کی بحالی کے بغیر جنگ بندی نہیں ہونی چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Marco Rubio جنگ بندی روس یوکرین جنگ سعودی عرب مذاکرات
یوکرین جنگ بند کرانے کے لیے انتھک محنت کررہے ہیں، ڈونلڈ ٹرمپ