کراچی: ایف آئی اے کی کارروائی، کم سن امریکی بچوں کی نازیبا ویڈیوز بنانے والا گرفتار
اشاعت کی تاریخ: 12th, March 2025 GMT
امریکی قونصل خانے کی شکایت پر ایف آئی اے نے کراچی میں کارروائی کرتے ہوئے کم سن امریکی بچوں کی نازیبا وڈیوز بنانے والے ملزم کو گرفتار کرلیا۔
ایف آئی اے حکام کا کہنا ہے کہ نیو رضویہ سوسائٹی کے رہائشی ملزم سے موبائل فون، لیپ ٹاپ اور دیگر آلات برآمد کیا گیا ہے جبکہ ملزم سے کم سن بچوں کو دیے گئے دھمکی آمیز پیغامات بھی برآمد کیے گئے ہیں۔
وفاقی تحقیقاتی ادارے کے حکام نے بتایا کہ ملزم آغا سرور کو ایف بی آئی تحقیقات کے تسلسل میں گرفتار کیا گیا، ملزم امریکی بچوں کی ویڈیوز بنانے اور دھمکیاں دینے میں بھی ملوث ہے۔
ایف آئی اے حکام کے مطابق ملزم آن لائن امریکی بچیوں سے دوستی کر کے نازیبا ویڈیوز بنانے میں ملوث ہے، ملزم کا خاندان امریکا میں مقیم ہے، ملزم ایک سال پہلے بےدخل ہوا ہے۔
.ذریعہ: Jang News
پڑھیں:
لاہور: سوشل میڈیا پر شیر کیساتھ تصویر پوسٹ کرنے والا شہری گرفتار، شیر بھی ضبط
پنجاب کے صوبائی دارالحکومت لاہور میں لائسنس کے بغیر شیر کو گھر میں رکھنے پر ایک اور شخص کو گرفتار کر لیا گیا، محکمہ وائلڈ لائف نے پولیس کی مدد سے شیر بھی برآمد کرلیا۔
نجی ٹی وی کے مطابق محکمہ جنگلی حیات کے ترجمان نے بتایا کہ تازہ کارروائی کے دوران اقبال ٹاؤن میں چھاپہ مار کر ملزم اظہر محمود کو گرفتار اور شیر برآمد کیا گیا۔
بتایا گیا ہے کہ ملزم نے سوشل میڈیا پوسٹ میں شیر کے ساتھ تصویر لگائی تھی، جس کیخلاف شہریوں نے محکمہ جنگلی حیات کو شکایات کیں، جس پر اس کے خلاف ایک روز قبل مقدمہ درج کیا گیا تھا۔
شہری اظہر محمود کی شیر کے ساتھ ویڈیوز سامنے آنے پر محکمہ وائلڈ لائف پنجاب نے کاروائی کی۔
یاد رہے کہ پنجاب میں نئے قانون کے تحت بغیر لائسنس شیر رکھنے، اس کی عوام میں نمائش پر 7 سال قید اور 50 لاکھ روپے جرمانے کی سزا مقرر کی گئی ہے۔
واضح رہے کہ پنجاب کے شہر لاہور میں دسمبر 2024 کے دوران ٹک ٹاکر رجب بٹ کیخلاف بھی بغیر لائسنس شیر کا بچہ اور اسلحہ رکھنے کے الزامات میں مقدمہ درج کرکے اسے گرفتار کرلیا گیا تھا، تاہم بعد ازاں مقامی عدالت نے ملزم رجب بٹ کی ضمانت منظور کرلی تھی۔
Post Views: 1
ٹرمپ کے ٹیرف کا جواب، کینیڈین صوبے کا امریکی ریاستوں کو دی جانیوالی بجلی پرٹیکس لگانےکا فیصلہ