مریم نواز نے ڈبل ڈیکر بس کرائے میں اضافہ مسترد کردیا
اشاعت کی تاریخ: 12th, March 2025 GMT
وزیراعلیٰ پنجاب مریم نواز نے ٹورازم ڈیولپمنٹ کارپوریشن پنجاب (ٹی ڈی سی پی) ڈبل ڈیکر بس کے کرائے میں اضافہ مسترد کردیا۔
ترجمان وزیراعلیٰ پنجاب نے لاہور سے جاری بیان میں کہا کہ مریم نواز کے حکم پر کرایوں میں اضافے کا نوٹیفکیشن واپس لے لیا گیا ہے۔
ترجمان نے مزید کہا کہ ٹی ڈی سی پی کی سائٹ پر لاہور بس سروس کے کرائے میں 200 سے500 روپے تک کا اضافہ کیا گیا تھا۔
ترجمان نے یہ بھی کہا کہ ٹی ڈی سی پی نے کارپوریٹ سیکٹر، تعلیمی اداروں اور کمرشل ایکٹیویٹیز کےلیے کرایوں میں 5 ہزار سے 20 ہزار تک اضافہ تجویز کیا گیا تھا۔
ترجمان وزیراعلیٰ پنجاب کے مطابق مریم نواز نے متعلقہ ٹی ڈی سی پی حکام کو کرایوں میں اضافہ واپس لینے کی ہدایت کی، جس کے بعد ڈبل ڈیکر بس کے پرانے کرائے بحال کردیے گئے ہیں۔
اس معاملے پر مریم نواز نے کہا کہ ڈبل ڈیکر بس سروس عوام کی سیر تفریح کے لیےشرو ع کی گئی ہے، جس کے کرایوں میں اضافے سےعوام پر بوجھ پڑے گا۔
انہوں نے کہا کہ عوام کو سیر و سیاحت کی بہترین سہولتیں کم چارجز پر مہیا کر رہے ہیں اور کرتے رہیں گے۔
.ذریعہ: Jang News
کلیدی لفظ: مریم نواز نے ڈبل ڈیکر بس ٹی ڈی سی پی کرایوں میں کہا کہ
پڑھیں:
وزیراعلیٰ پنجاب مریم نواز اور چیئرپرسن پنجاب ویمن پروٹیکشن اتھارٹی حنا پرویز بٹ کا سرگودھا میں خاتون کے قتل کے واقعے کا نوٹس، قاتل کو سخت سزا دینے کی ہدایت
لاہور (اُردو پوائنٹ اخبارتازہ ترین - آن لائن۔ 11 مارچ2025ء) سرگودھا کے علاقے ساہیوال میں ایک افسوسناک واقعہ پیش آیا جہاں شوہر نے اپنی بیوی کو قتل کر کے اسے خودکشی کا رنگ دینے کی کوشش کی۔ وزیر اعلیٰ پنجاب مریم نواز اور چیئرپرسن پنجاب ویمن پروٹیکشن اتھارٹی حنا پرویز بٹ نے اس واقعے کا سخت نوٹس لیتے ہوئے ملزم کو سخت سے سخت سزا دینے کی ہدایت کی ہے۔ تفصیلات کے مطابق 8 مارچ 2025 کو شاہد نامی شخص نے 15 پر کال کر کے اطلاع دی کہ اس کی بیوی عائشہ نے خودکشی کر لی ہے۔ مقامی پولیس اور پی ایف ایس اے کی ٹیمیں فوری طور پر موقع پر پہنچیں۔(جاری ہے)
جائے وقوعہ کے معائنے کے دوران شواہد سامنے آئے کہ خودکشی کا دعویٰ حقیقت کے برعکس تھا۔ کرائم سین کی جانچ، لاش پر موجود نشانات اور بعد ازاں پوسٹ مارٹم رپورٹ نے تصدیق کی کہ یہ قتل کا واقعہ تھا۔
پولیس نے تفتیش کے دوران شوہر شاہد کو گرفتار کر کے جب تحقیقات کیں تو اس نے اعتراف جرم کر لیا۔ ملزم نے بتایا کہ اس نے اپنی بیوی کو بانجھ پن کی بنا پر قتل کیا اور خودکشی کا ڈرامہ رچانے کی کوشش کی۔ حنا پرویز بٹ کا کہنا تھا کہ حکومت پنجاب خواتین کے تحفظ پر کوئی سمجھوتہ نہیں کرے گی اور ایسے مجرموں کو کیفر کردار تک پہنچایا جائے گا۔ مزید قانونی کارروائی جاری ہے۔
عیدالفطر کی چھٹیاں 9 دنوں کی، مگر کیسے؟