بغیر شرٹ کے ویڈیو کیوں پوسٹ کی؟ فیصل رحمان کا مؤقف آگیا
اشاعت کی تاریخ: 12th, March 2025 GMT
فیصل رحمان ایک تجربہ کار فلم اور ٹی وی اداکار ہیں، متعدد ہٹ فلموں اور ڈراموں میں بہترین اداکاری پر انہیں سراہا جاتا ہے۔
ان کے قابل ذکر ڈراموں میں کیسی عورت ہوں میں، بےشرم، وصل، آتش، رنجش ہی سہی، گمراہ، شہپر، غلام گردش، زندگی بدلتی ہے، مانے نہ یہ دل، خاموشیاں، ملال اور دیگر شامل ہیں، وہ اس وقت ہم ٹی وی کے ڈرامہ سیریل قرض جان میں نظر آرہے ہیں۔
یہ بھی پڑھیں: خلیل الرحمان قمر نے فیصل قریشی کی سابقہ اہلیہ سے شادی کیوں کی؟ وجہ ناقابل بیان
وہ ایک ایسے اداکار ہیں جن کی فٹنس اور خوبصورتی کی وجہ سے ہمیشہ تعریف کی جاتی رہی ہے۔
وہ انتہائی صحت مند معمولاتِ زندگی پر عمل پیرا ہیں اور اکثر اپنی فٹنس روٹین مداحوں کے ساتھ شیئر کرتے رہتے ہیں۔
حال ہی میں فیصل رحمان نے اپنے سوشل میڈیا اکاؤنٹ پر اپنی شرٹ لیس ویڈیو پوسٹ کی جس میں ان کا دبلا پتلا جسم دیکھ کر مداحوں کے ساتھ ساتھ سوشل میڈیا ٹرولز بھی حرکت میں آگئے اور انہیں خوب تنقید و تضحیک کا نشانہ بنایا۔
ویڈیو میں دیکھا جا سکتا ہے کہ فیصل رحمان ہاتھ میں موبائل تھام کر شیشے کے سامنے شرٹ کے بغیر صرف بلیو جینز پہنے کھڑے ہیں۔
یہ بھی پڑھیں: معروف ٹک ٹاک اسٹار امشا رحمان نے نازیبا ویڈیو لیک کرنے والے ملزم کو کیوں معاف کیا؟
فیصل رحمان نے ویڈیو میں کہا کہ ‘میرے عزیر ہم وطنو! میں آپ کو اپنی لیٹسٹ باڈی دکھانا چاہتا ہوں، کیسی لگ رہی ہے آپ کو؟ پلیز کمنٹس میں ضرور بتائیے گا، مسلز ہی مسلز ہیں، کیا خیال ہے؟ پسند آئی؟’
سینیئر اداکار کی اس شرٹ لیس ویڈیو کو سوشل میڈیا صارفین اور مداحوں کی جانب سے خوب ٹرول کیا جارہا تھا جنہیں فیصل رحمان نے ایک کمنٹ کا جواب دیتے ہوئے ‘ہیٹر’ قرار دیا۔
اب اداکار نے اس حوالے سے وضاحت بھی دی ہے، حال ہی میں فیصل رحمان نے سینیئر صحافی اور یوٹیوبر عنبرین فاطمہ کو ایک مختصر انٹرویو دیا۔ انٹرویو میں انہوں نے اپنی شرٹ لیس ویڈیو پر ہونے والی تنقید کے بارے میں بات کی، انہوں نے اپنی شادی اور اداکاری کے کیریئر کے بارے میں بھی بات کی۔
فیصل رحمان نے کہا ’ہاں، اس پر ردعمل آیا۔ دراصل، لوگ مجھے اتنے عرصے سے دیکھ رہے ہیں کہ وہ سمجھتے ہیں کہ میں بوڑھا ہو گیا ہوں اور مرنے والا ہوں۔ لیکن ایسی ویڈیوز پوسٹ کر کے میں یہ ظاہر کرنا چاہتا ہوں کہ میں اب بھی اچھے کردار کرنے کی صلاحیت رکھتا ہوں۔‘
یہ بھی پڑھیں: ٹک ٹاکرز کی نازیبا ویڈیوز لیک ہونے پر مشی خان میدان میں آگئیں، خواتین کو اہم مشورہ
انہوں نے کہا کہ ضروری نہیں کہ نوجوان کردار ہوں بلکہ اہم کردار ہوتا ہے، لوگ آپ پر تنقید کریں گے چاہے آپ کتنے ہی مثبت کیوں نہ ہوں۔ میں ایسی تنقید پر توجہ نہیں دیتا کیونکہ لوگ اپنے دل کی بات کرتے ہیں۔ ’ہاں، میں جانتا ہوں کہ بہت زیادہ ردعمل تھا اور میں چاہتا ہوں کہ ردعمل آئے۔ میں جلد ہی ایک اور ویڈیو پوسٹ کررہا ہوں، جو پہلے والی ویڈیو سے بڑی ہوگی۔
شادی کے حوالے سے بات کرتے ہوئے ان کا کہنا تھا کہ وہ شادی کرنا چاہتے تھے لیکن شاید یہ ان کی قسمت میں نہیں لکھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان تنقید ٹرولر شرٹ لیس ویڈیو فیصل رحمان.ذریعہ: WE News
کلیدی لفظ: پاکستان ٹرولر شرٹ لیس ویڈیو فیصل رحمان شرٹ لیس ویڈیو فیصل رحمان نے
پڑھیں:
مادھوری کی خوبصورت بہنیں فلم انڈسٹری سے دور کیوں رہیں؟
بالی ووڈ کی مشہور اور باصلاحیت اداکارہ مادھوری ڈکشٹ کا شمار ان اداکاراؤں میں ہوتا ہے جنہوں نے اپنی خوبصورتی، شاندار اداکاری اور رقص کے ذریعے کروڑوں دلوں پر راج کیا۔
90 کی دہائی میں مادھوری ڈکشٹ کا جادو ایسا تھا کہ ہر فلم ساز انہیں اپنی فلم میں کاسٹ کرنا چاہتا تھا۔ لیکن کیا آپ جانتے ہیں کہ مادھوری ڈکشٹ کی دو بہنیں، روپہ ڈکشٹ اور بھارتی ڈکشٹ بھی کتھک رقص میں ماہر ہیں؟ اس کے باوجود انہوں نے فلمی دنیا میں قدم نہیں رکھا۔
میڈیا رپورٹس کے مطابق مادھوری ڈکشٹ کی بڑی بہن روپہ ڈکشٹ نے فلمی دنیا کے بجائے ٹیکنالوجی کے میدان میں قدم رکھا اور وہ ایک کامیاب سافٹ ویئر آرکیٹیکٹ ہیں۔ دوسری طرف بھارتی ڈکشٹ کمپیوٹر انجینئر کے طور پر کام کرتی ہیں۔ دونوں بہنیں اپنی پیشہ ورانہ زندگی میں کافی کامیاب ہیں۔
رپورٹس کے مطابق مادھوری ڈکشٹ کے والد چاہتے تھے کہ وہ اداکاری کے بجائے میڈیکل کے شعبے میں جائیں اور ڈاکٹر بنیں۔ وہ چاہتے تھے کہ ان کی بیٹی پڑھائی پر توجہ دے اور ایک مستحکم زندگی گزارے۔ لیکن قسمت کو کچھ اور ہی منظور تھا۔ مادھوری کو بچپن سے ہی رقص کا بے حد شوق تھا، خاص طور پر کتھک رقص میں ان کی مہارت بے مثال تھی۔ ان کی والدہ نے ان کے اس شوق کو ہمیشہ اسپورٹ کیا اور یوں مادھوری کا سفر فلم انڈسٹری کی طرف شروع ہوا۔
جہاں مادھوری نے فلموں میں قدم رکھ کر بے پناہ شہرت حاصل کی وہیں ان کی بہنوں نے ایک عام زندگی گزارنے کو ترجیح دی۔ ایک انٹرویو میں مادھوری نے بتایا کہ ان کی بہنیں بھی کتھک میں ماہر ہیں لیکن وہ فلموں میں کام کرنے میں دلچسپی نہیں رکھتی تھیں۔ وہ ہمیشہ پڑھائی اور ٹیکنالوجی کے میدان میں آگے بڑھنا چاہتی تھیں۔
مداحوں کے ذہن میں یہ سوال ضرور آتا ہے کہ کیا روپہ ڈکشٹ اور بھارتی ڈکشٹ کبھی فلم انڈسٹری میں قدم رکھیں گی؟ اس کا جواب مادھوری خود کئی بار دے چکی ہیں کہ ان کی بہنوں کو فلموں میں کوئی دلچسپی نہیں اور وہ اپنی زندگی سے خوش ہیں۔
عیدالفطر کی چھٹیاں 9 دنوں کی، مگر کیسے؟