اچھی بیوی کی تلاش؛ دانش تیمور نے نوجوانوں کو اہم مشورہ دیدیا
اشاعت کی تاریخ: 12th, March 2025 GMT
اداکار اور میزبان دانش تیمور نے اچھی بیوی کے متلاشی نوجوان لڑکوں کو ایک کام کی بات بتادی۔
اداکار اور میزبان دانش تیمور نے رمضان ٹرانسمیشن میں نوجوانوں کو اپنے تجربات اور مشاہدات کی روشنی میں اہم مشورے دیئے۔
دانش تیمور نے کہا کہ وہ تمام لڑکے جو شادی کے لیے اچھی بیوی کی تلاش میں ہیں تو میں ان سے ایک بات کہنا چاہوں گا۔
اداکار دانش تیمور نے کہا کہ اگر اچھی رفیق حیات چاہیے تو سب سے پہلے آپ خود اچھے انسان بن جائیں۔
دانش تیمور نے کہا کہ اللّٰہ تعالیٰ سے کوئی بات پوشیدہ نہیں ہے۔ جب آپ خود اچھے انسان بن جائیں گے تو ان شاء اللّٰہ آپ کو اچھی بیوی ضرور ملے گی۔
میزبان اور اداکار دانش تیمور نے کہا کہ اگر آپ اچھے انسان ہیں تو ایسا ممکن نہیں ہے کہ آپ کو کوئی ایسی بیوی مل جائے جو آپ کو پسند نہ ہو۔
یاد رہے کہ دانش تیمور کی شادی معروف اداکارہ عائزہ خان کے ساتھ 2014 میں ہوئی تھی اور اس خوبصورت جوڑی کے دو بچے بھی ہیں۔
.
ذریعہ: Express News
کلیدی لفظ: دانش تیمور نے کہا کہ
پڑھیں:
امیتابھ بچن ’کون بنے گا کروڑ پتی‘ چھوڑ رہے ہیں؟ نیا میزبان کون ہوگا؟
کیا امیتابھ بچن واقعی ”کون بنے گا کروڑ پتی“ سے الگ ہو رہے ہیں؟ نئے میزبان کے لیے شاہ رخ خان، ایشوریا رائے یا کوئی اور؟
بھارتی ٹیلی ویژن کے مقبول ترین گیم شو ”کون بنے گا کروڑ پتی“ (KBC) سے جُڑی ایک بڑی خبر سامنے آ رہی ہے۔ اطلاعات کے مطابق، امیتابھ بچن، جو اس شو کی پہچان بن چکے ہیں، ممکنہ طور پر اگلے سیزن میں بطور میزبان نظر نہیں آئیں گے۔
امیتابھ بچن نے 2000 میں ’کون بنے گا کروڑ پتی‘ کی میزبانی کا آغاز کیا اور 2007 کے بعد سے وہ مسلسل اس شو کی جان بنے ہوئے ہیں۔ ان کی شاندار شخصیت، منفرد انداز اور سنجیدہ مگر دل چسپ گفتگو نے ’کون بنے گا کروڑ پتی‘ کو ایک ایسا مقام دیا جو بھارتی ٹی وی کی تاریخ میں ہمیشہ یاد رکھا جائے گا۔ تاہم، اطلاعات کے مطابق، بگ بی اپنے کام کے بوجھ کو کم کرنا چاہتے ہیں اور اسی وجہ سے وہ ’کے بی سی‘ کی میزبانی سے کنارہ کشی اختیار کرنے پر غور کر رہے ہیں۔
اگر امیتابھ بچن واقعی ’کے بی سی‘ چھوڑ دیتے ہیں، تو سب سے بڑا سوال یہ ہوگا کہ ان کی جگہ کون لے گا؟ ایک حالیہ سروے میں، مختلف شخصیات کے نام سامنے آئے ہیں جنہیں نیا میزبان بنایا جا سکتا ہے۔ شاہ رخ خان، ایشوریا رائے بچن، مہندرا سنگھ دھونی، ہرشا بھوگلے، انیل کپور، عامر خان اور کچھ دیگر معروف شخصیات کے نام زیر غور ہیں۔
سروے کے نتائج
شاہ رخ خان کو 63 فیصد ووٹوں کے ساتھ سب سے زیادہ پسند کیا گیا۔
ایشوریا رائے کو 51 فیصد افراد نے منتخب کیا۔
مہندرا سنگھ دھونی 37 فیصد ووٹوں کے ساتھ تیسرے نمبر پر رہے۔
ہرشا بھوگلے اور انیل کپور کو بالترتیب 32 فیصد اور 15 فیصد ووٹ ملے۔
عامر خان، مادھوری ڈکشٹ، ششی تھرور اور چیتن بھگت کے نام بھی ووٹرز کی فہرست میں شامل رہے۔
دلچسپ بات یہ ہے کہ 42 فیصد لوگوں نے ابھی بھی امیتابھ بچن کو میزبان کے طور پر برقرار رکھنے کی خواہش ظاہر کی ہے۔ اس سے اندازہ ہوتا ہے کہ ناظرین انہیں ’کے بی سی‘ سے الگ ہوتا نہیں دیکھنا چاہتے۔
اب تک سونی ٹی وی یا امیتابھ بچن کی جانب سے کوئی باضابطہ اعلان نہیں کیا گیا ہے کہ آیا ’کے بی سی‘ کا یہ سیزن ان کا آخری سیزن ہوگا یا نہیں۔ اگر ایسا ہوتا ہے تو یہ بھارتی ٹیلی ویژن کی تاریخ کا ایک بڑا موڑ ہوگا، اور یہ دیکھنا دلچسپ ہوگا کہ نیا میزبان کون بنتا ہے اور کیا وہ ’کے بی سی‘ کی وہی شان برقرار رکھ پائے گا جو بگ بی کے دور میں رہی؟
عیدالفطر کی چھٹیاں 9 دنوں کی، مگر کیسے؟