شہدائے جامشورو کا چہلم، ملک کے جید علماء شرکت کرینگے
اشاعت کی تاریخ: 12th, March 2025 GMT
شہدائے جامشورو شہید خواجہ علی کاظم، شہید جان علی شاہ اور شہید خواجہ ندیم کے چہلم میں علامہ شہنشاہ حسین نقوی، علامہ ڈاکٹر شبیر میثمی، علامہ ناظر عباس تقوی، عامہ حسن ظفر نقوی، مولانا کرم علی حیدری، ناصر شیرازی خصوصی شرکت کریں گے۔ اسلام ٹائمز۔ شہدائے جامشورو کے چہلم میں ملک کے جید علماء شرکت کرینگے۔ اس حوالے سے مجلس کا شیڈول بھی جاری کر دیا گیا ہے۔ تفصیلات کے مطابق شہدائے جامشورو شہید خواجہ علی کاظم، شہید جان علی شاہ اور شہید خواجہ ندیم کے چہلم میں علامہ شہنشاہ حسین نقوی، علامہ ڈاکٹر شبیر میثمی، علامہ ناظر عباس تقوی، عامہ حسن ظفر نقوی، مولانا کرم علی حیدری، ناصر شیرازی خصوصی شرکت کریں گے۔ شہید خواجہ کاظم علی کا چہلم 25 رمضان المبارک کو سکردو میں ہوگا جبکہ شہید سید جان علی شاہ رضوی کا چہلم 26 رمضان المبارک کو شگر میں منعقد ہو گا۔ شہید زین ترابی کا چہلم عید کے بعد کراچی میں منعقد ہو گا۔
.ذریعہ: Islam Times
کلیدی لفظ: شہید خواجہ
پڑھیں:
رمضان المبارک رحمتوں اور برکتوں کا مہینہ اور اللہ تعالی کی طرف سے خصوصی انعام ہے، علامہ شہنشاہ نقوی
شب دعا سے خطاب میں مقررین نے کہا کہ جو لوگ رمضان کے دنوں میں چوربازاری اور خود ساختہ مہنگائی کرتے ہیں، وہ روزداروں کی مشکلات میں اضافہ کا باعث بنتے ہیں، اس طرح کے اعمال روزہ کی قبولیت میں مانع ہیں، ایسے لوگوں روزہ کے روحانی فوائد سے محروم رہ جاتے ہیں۔ اسلام ٹائمز۔ مجلس وحدت مسلمین پاکستان صوبہ سندھ کراچی ڈویژن کے زیر اہتمام شب دعا برائے تزکیہ نفس صحن شبیہہ روضہ امام حسینؑ بارگاہ شہدائے کربلا سادات کالونی بلاک 20 انچولی سوسائٹی میں منعقد ہوئی جس میں نظامت کے فرائض علامہ مبشر حسن نے انجام دیئے۔ مقررین میں بین الاقوامی شہرت یافتہ عالم دین و خطیب اہل بیتؑ علامہ سید شہنشاہ حسین نقوی، صدر ایم ڈبلیو ایم صوبہ سندھ علامہ سید باقر عباس زیدی، مولانا سید ذیشان حیدر الحسنی، مولانا صادق جعفری شامل تھے جبکہ معروف قاری مسلم عباس مہدوی نے تلاوت دعائے کمیل کی سعادت حاصل کی اور سید علی مہدی نقوی نے سلام پیش کیا۔ مقررین نے خطاب کرتے ہوئے کہا کہ ماہ صیام تزکیہ نفس کا مہینہ ہے، اس مقدس مہینہ میں اللہ تعالی ہمیں موقعہ عطا کرتا ہے کہ ہم صوم و صلواۃ اور عبادات کے ذریعے اپنی اندرونی کثافتیں دور کریں، رمضان المبارک رحمتوں اور برکتوں کا مہینہ اور اللہ تعالی کی طرف سے خصوصی انعام ہے، محض جسمانی عبادات سے اس ماہ کی برکتوں کو مکمل طور پر نہیں سمیٹا جا سکتا بلکہ یہ مقدس مہینہ آپس کے معاملات میں صبر و تحمل رواداری، اخوت، عجز و انکساری کا بھی تقاضہ کرتا ہے۔
انہوں نے کہا کہ اس ماہ مبارک میں ہمیں ایثار و قربانی کے جذبات کا عملی مظاہرہ کرنا چاہیئے، سحری و افطاری کے اوقات میں عزیز و اقرباء کی ضروریات کو بھی پیش نظر رکھا جائے، جو لوگ رمضان کے دنوں میں چوربازاری اور خود ساختہ مہنگائی کرتے ہیں، وہ روزداروں کی مشکلات میں اضافہ کا باعث بنتے ہیں، اس طرح کے اعمال روزہ کی قبولیت میں مانع ہیں، ایسے لوگوں روزہ کے روحانی فوائد سے محروم رہ جاتے ہیں، روزہ محض بھوکا رہنے کا نام نہیں بلکہ اپنے تمام اعضاء کو غیر شرعی امور سے دور رکھنے کا نام ہے۔ انہوں نے کہا کہ صبر، برداشت اور رواداری اس مقدس مہینے کے خصوصی انعام ہیں، روزے کا حقیقی لطف ان انعامات کے حصول میں ہے اور یہ تب ہی حاصل ہوتے ہیں جب نفس کے ساتھ جہاد میں ثابت قدمی اور استقامت اختیار کیا جائے۔ انہوں نے کہا کہ رمضان المبارک کے دوران وطن عزیز کی ترقی و استحکام کے لیے بھی خصوصی طور پر دعا کی جائے۔
مہنگائی کی شرح کا نوسال کی کم ترین سطح پرآنا خوش آئند ہے، میاں زاہد حسین