حکومت کاروباری برادری کی سہولت کیلئے ہر ممکن اقدام اٹھا رہی ہے، شہبازشریف
اشاعت کی تاریخ: 12th, March 2025 GMT
وزیراعظم شہباز شریف نے کہا ہے کہ حکومت کاروباری برادری کی سہولت کے لیے ہر ممکن اقدام اٹھا رہی ہے۔
شہباز شریف سے مختلف چیمبرز آف کامرس کے صدور کی ملاقات ہوئی، چیمبرز آف کامرس کے صدور نے مسائل کے حل کے لیے تجاویز پیش کیں۔
وزیراعظم کا کہنا تھا کہ تمام وزارتیں اور متعلقہ سیکریٹریز تجاویز پر پالیسی اقدامات کا لائحہ عمل پیش کریں، معاشی استحکام کا حصول پہلا زینہ ہے، ملکی ترقی کا سفر اب شروع ہوا ہے۔
وزیراعظم شہباز شریف نے کہا کہ معاشی ترقی کے لیے سب کو مل کر کام کرنا ہے، کاروباری برادری کے مسائل کا حل ترجیح ہے،حکومت بھرپور ساتھ دے گی، حکومت کاروباری برادری کی سہولت کے لیے ہرممکن اقدام اٹھا رہی ہے۔
وزیراعظم کا کہنا تھا کہ ایف بی آر کی ڈیجیٹائزیشن اور دیگر اصلاحات سے سہولت فراہم کر رہے ہیں، فیس لیس کلیئرنس سسٹم سے کنٹینرز کی کلیئرنس کے وقت میں خاطر خواہ کمی آئی، تاجربرادری ٹیکس ریونیو میں اضافہ کے لیے تجاویز دے۔
اس موقع پر شرکا نے کہا کہ وزیراعظم کی قیادت میں ملک معاشی استحکام کے بعد ترقی کی جانب بڑھ رہا ہے، بجٹ مشاورتی عمل میں شامل کرنے پر وزیراعظم کے مشکور ہیں۔
ذریعہ: Daily Mumtaz
پڑھیں:
نائب وزیراعظم محمد اسحاق ڈار کی زیر صدارت زرعی ٹیوب ویلوں کو شمسی توانائی میں تبدیل کرنے سے متعلق سٹیئرنگ کمیٹی کا اجلاس
اسلام آباد (اُردو پوائنٹ اخبارتازہ ترین - اے پی پی۔ 12 مارچ2025ء) نائب وزیراعظم اور وزیر خارجہ سینیٹر محمد اسحاق ڈار کی زیر صدارت زرعی ٹیوب ویلوں کو شمسی توانائی میں تبدیل کرنے سے متعلق سٹیئرنگ کمیٹی کا اجلاس بدھ کو یہاں منعقد ہوا۔(جاری ہے)
نائب وزیر اعظم کے آفس سے جاری بیان کے مطابق وزیراعلیٰ اور چیف سیکرٹری بلوچستان، وزیر بجلی، سیکرٹری بجلی سمیت خزانہ، بجلی اور دیگر متعلقہ محکموں کے اعلیٰ حکام نے اجلاس میں شرکت کی۔
اجلاس میں بلوچستان میں ٹیوب ویلوں کی سولرائزیشن کے اقدام پر پیشرفت کا جائزہ لیا گیا جس میں مالیاتی تقسیم اور ٹرانسفارمرز سے متعلق معاملات بھی شامل ہے۔ انہوں نے پاکستان کے کسانوں کے لیے توانائی کے پائیدار حل کے لیے وفاقی حکومت کے عزم کا اعادہ کیا اور تمام متعلقہ افراد پر زور دیا کہ وہ حکومت پاکستان اور حکومت بلوچستان کے اس اہم مشترکہ اقدام پر تیزی سے عمل درآمد کریں۔
پاکستان ہائی پاورڈ بورڈ کا اجلاس، متعدد افسران کو گریڈ 22 میں ترقی دے دی گئی