عبدالعلیم خان کو بڑا سیاسی جھٹکا، سابق وزیراعظم نے پارٹی کو خیرباد کہہ دیا
اشاعت کی تاریخ: 12th, March 2025 GMT
استحکام پاکستان پارٹی کے ایک اور رہنما نے پارٹی سے راہیں جدا کر لیں۔
ذرائع کے مطابق صدر استحکام پارٹی آزاد کشمیر اور سابق وزیراعظم آزاد کشمیر سردار تنویر الیاس نے آئی پی پی کو خیرباد کہہ دیا۔
ذرائع کے مطابق سردار تنویرالیاس نے پیپلز پارٹی میں شمولیت کا فیصلہ کرلیا،سردار تنویر الیاس نے اتوار کے دن گورنر پنجاب سے اسلام آباد میں ملاقات کی تھی،ذرائع کا مزید کہنا تھا ہے کہ ملاقات میں گورنر پنجاب سردار سلیم حیدر نے پیپلز پارٹی شمولیت کی دعوت دی تھی۔
یاد رہے کہ سردار تنویر حیدر نے نو مئی کے واقعہ کے بعد تحریک انصاف سے راہیں الگ کرکے آئی پی پی جوائن کی تھی۔
.ذریعہ: Daily Ausaf
پڑھیں:
سابق وفاقی وزیر تعلیم منیر گیلانی سے علامہ عارف واحدی کی ملاقات
علامہ عارف واحدی نے سیاسی سرگرمیوں، گلگت بلتستان اسمبلی کے انتخابات کے حوالے سے رابطوں پر مشاورت کی، سید منیر گیلانی نے کہا سیاست میں متحرک کردار کے بغیر قومی مسائل حل نہیں کیے جا سکتے، حکومت کی دہشت گردوں کے سامنے بے بسی قومی سلامتی کیلئے خطرہ ہے، بنیادی شہری حقوق کا تحفظ حکومت اور ریاست کی ذمہ داری، افسوس پارا چنار کو غزہ بنا دیا گیا۔ اسلام ٹائمز۔ سابق وفاقی وزیر تعلیم، اسلامک ڈیموکریٹک فرنٹ کے چیئرمین سید منیر حسین گیلانی سے اسلامی تحریک پاکستان کے مرکزی نائب صدر علامہ عارف حسین واحدی نے لاہور میں ان کی رہائش گاہ پر ملاقات کی۔ ملاقات میں مجموعی ملکی سیاسی صورتحال اور قومی معاملات پر تبادلہ خیال کیا گیا۔ دونوں رہنماوں میں اتفاق رائے پایا گیا کہ اتحاد امت اسلامی ہی عالم اسلام کے مسائل کا حل ہے۔ سیاست میں متحرک کردار کے بغیر قومی مسائل حل نہیں کیے جا سکتے۔ انہوں نے پاراچنار کے راستے کھلوانے میں ناکامی پر افسوس کا اظہار کرتے ہوئے کہا کہ حکومت اور ریاستی اداروں کی دہشتگردوں کے سامنے بے بسی قومی سلامتی کیلئے خطرہ ہے۔ صوبائی حکومت کی ضلع کرم میں کہیں رٹ نظر نہیں آرہی۔
سید منیر گیلانی نے فاٹا اضلاع کو خیبر پختونخواہ صوبے میں شامل کرنے کے پارلیمانی فیصلے کو سراہتے ہوئے کہا کہ بنیادی شہری حقوق کا تحفظ حکومت اور ریاست کی ذمہ داری ہے مگر گزشتہ پانچ ماہ سے پاراچنار کے راستے کھلوائے نہیں جا سکے۔ انہوں نے افسوس کا اظہار کیا کہ اداروں میں موجود چند کالی بھیڑوں نے پارا چنار کو غزہ بنا دیا ہے جبکہ قومی سیاسی جماعتوں کی پاراچنار کے عوام سے لاتعلقی اور بے حسی قابل مذمت بھی ہے۔ ان کا کہنا تھا کہ تعلیمی ادارے ابھی تک نہیں کھلوائے جا سکے، عوام کو رمضان المبارک میں کھانے پینے کے اشیاء پٹرول دستیاب نہیں اور وہ سڑکوں پر احتجاج کر رہے ہیں۔
علامہ عارف واحدی نے اسلامی تحریک پاکستان کی سیاسی سرگرمیوں، گلگت بلتستان اسمبلی کے انتخابات کے حوالے سے مختلف جماعتوں سے رابطوں پر سابق انچارج سیاسی سیل تحریک جعفریہ کو آگاہ کیا اور مشاورت کی۔ سید منیر حسین گیلانی نے اپنی خود نوشت سیاسی بیداری علامہ عارف واحدی کو پیش کی۔ جس پر انہوں نے اس ادبی تاریخی کاوش پر سابق وفاقی وزیر کی خدمات کو سراہا۔ اور زور دیا کہ قومی پلیٹ فارم کی تاریخ پر مزید لکھا جانا چاہیے۔
شہباز حکومت کی ایک سالہ کارکردگی، حکومتی دعوؤں میں کتنی حقیقت ہے؟