لاہور: سوشل میڈیا پر شیر کیساتھ تصویر پوسٹ کرنے والا شہری گرفتار، شیر بھی ضبط
اشاعت کی تاریخ: 12th, March 2025 GMT
پنجاب کے صوبائی دارالحکومت لاہور میں لائسنس کے بغیر شیر کو گھر میں رکھنے پر ایک اور شخص کو گرفتار کر لیا گیا، محکمہ وائلڈ لائف نے پولیس کی مدد سے شیر بھی برآمد کرلیا۔
نجی ٹی وی کے مطابق محکمہ جنگلی حیات کے ترجمان نے بتایا کہ تازہ کارروائی کے دوران اقبال ٹاؤن میں چھاپہ مار کر ملزم اظہر محمود کو گرفتار اور شیر برآمد کیا گیا۔
بتایا گیا ہے کہ ملزم نے سوشل میڈیا پوسٹ میں شیر کے ساتھ تصویر لگائی تھی، جس کیخلاف شہریوں نے محکمہ جنگلی حیات کو شکایات کیں، جس پر اس کے خلاف ایک روز قبل مقدمہ درج کیا گیا تھا۔
شہری اظہر محمود کی شیر کے ساتھ ویڈیوز سامنے آنے پر محکمہ وائلڈ لائف پنجاب نے کاروائی کی۔
یاد رہے کہ پنجاب میں نئے قانون کے تحت بغیر لائسنس شیر رکھنے، اس کی عوام میں نمائش پر 7 سال قید اور 50 لاکھ روپے جرمانے کی سزا مقرر کی گئی ہے۔
واضح رہے کہ پنجاب کے شہر لاہور میں دسمبر 2024 کے دوران ٹک ٹاکر رجب بٹ کیخلاف بھی بغیر لائسنس شیر کا بچہ اور اسلحہ رکھنے کے الزامات میں مقدمہ درج کرکے اسے گرفتار کرلیا گیا تھا، تاہم بعد ازاں مقامی عدالت نے ملزم رجب بٹ کی ضمانت منظور کرلی تھی۔
Post Views: 1.ذریعہ: Daily Mumtaz
پڑھیں:
بس اسٹاپ پر خاتون کو ہراساں کرنے والا گرفتار
لاہور میں بس اسٹاپ پر کھڑی خاتون کو ہراساں کرنے والے شخص کوگرفتار کرلیا گیا۔
ترجمان سیف سیٹیز کے مطابق لاہور کے علاقے سمن آباد میں خاتون دفتر جانے کے لیے بس اسٹاپ پر کھڑی تھیں۔ اوباش نوجوان نے نازیبا حرکات کرکے ہراساں کرنا شروع کردیا۔
خاتون نے 15 ایمرجنسی ہیلپ لائن پر کال کر کے ورچوئل ویمن پولیس اسٹیشن میں شکایت کی۔ ورچوئل ویمن پولیس اسٹیشن نے فوری کارروائی کرتے ہوئے پولیس کو موقع پر روانہ کیا۔ پولیس نے موقع پر پہنچ کر ملزم کو رنگے ہاتھوں گرفتار کر لیا۔
ابتدائی تحقیقات میں معلوم ہوا کہ ملزم پہلے بھی ایسی حرکات میں ملوث تھا۔ مزید قانونی کارروائی جاری ہے۔ خواتین کسی بھی ہراسانی یا ناخوشگوار صورتحال میں فوری 15 پر کال کریں۔ خواتین ویمن سیفٹی ایپ چیٹ فیچر،ویڈیو کال کے ذریعے بھی ورچوئل ویمن پولیس اسٹیشن سے رابطہ کر سکتیں ہیں۔
پاکستان میں سونے کی قیمت میں اضافہ