وزیر خارجہ کو گرین کارڈ یا ویزا منسوخی کا اختیار حاصل ہے، ترجمان وائٹ ہاؤس
اشاعت کی تاریخ: 12th, March 2025 GMT
ترجمان وائٹ ہاؤس کا کہنا ہے کہ وزیر خارجہ کو قومی سلامتی کے پیش نظر گرین کارڈ یا ویزا منسوخی کا اختیار حاصل ہے۔
ترجمان وائٹ ہاؤس کیرولین لیوٹ نے کہا ہے کہ امیگریشن اور نیشنلٹی کے قانون کے تحت وزیر خارجہ کسی بھی ایسے فرد کا گرین کارڈ یا ویزا منسوخ کرنے کا اختیار رکھتے ہیں جو ہماری خارجہ پالیسی یا قومی سلامتی کے خلاف کام کر رہے ہوں۔
محمود خلیل وہ شخص ہے جس کو اس ملک کی بہترین یونیورسٹی یا کالج میں تعلیم حاصل کرنے کی سہولت فراہم کی گئی تھی، لیکن اس نے اس سہولت کا فائدہ اٹھاتے ہوئے حماس کے دہشت گردوں کا ساتھ دیا۔
یاد رہے کہ فلسطینی طالب علم محمود خلیل کو ہفتے کے روز امیگریشن اینڈ کسٹمز انفورسمنٹ نے گرفتار کیا تھا اور ان پر الزام عائد کیا تھا کہ وہ حماس کے حامی ہیں۔امریکی حکومت محمود خلیل کو ملک بدر کرنا چاہتی تھی تاہم گزشتہ روز امریکی جج جیسی ایم فریمین نے ان کی ملک بدری کا فیصلہ معطل کردیا تھا۔
قبل ازیں محمود خلیل کی گرفتاری کے خلاف نیویارک میں بڑے پیمانے پر احتجاجی مظاہرے پھوٹ پڑے تھے جس میں ’فلسطین کو آزادی دو‘ کے نعرے لگائے گئے۔ اور فلسطین کے حامیوں کو نشانہ بنانے کے اقدامات پر کڑی تنقید کی گئی۔
امریکی سول لبرٹیز یونین (ACLU) آف نیویارک نے خلیل کی گرفتاری کو آزادیٔ اظہار پر حملہ قرار دیتے ہوئے کہا کہ سیاسی مؤقف کی بنیاد پر کسی کو سزا دینا یا جلاوطن کرنا غیر آئینی اقدام ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
فلسطینی طالب علم محمود خلیل.ذریعہ: WE News
کلیدی لفظ: فلسطینی طالب علم محمود خلیل محمود خلیل
پڑھیں:
امریکا نے غیر قانونی تارکین وطن کو ایک بار پھر خبردار کردیا
امریکا نے غیر قانونی تارکین وطن کو ایک بار پھر خبردار کردیا WhatsAppFacebookTwitter 0 12 March, 2025 سب نیوز
واشنگٹن (شاہ خالد) امریکا نے ایک بار پھر غیر قانونی تارکین وطن کو خبردار کیا ہے کہ وہ خود ہی امریکا سے واپس چلے جائیں۔
یہ بات ترجمان وائٹ ہاؤس کیرولین لیوٹ نے واشنگٹن میں پریس کانفرنس سے خطاب کرتے ہوئے کہی۔
انہوں نے کہا کہ صدر ڈونلڈ ٹرمپ ملکی سرحدوں کو مزید محفوظ بنانے کیلئے اقدامات کر رہے ہیں اس لیے بہتر ہے کہ غیر قانونی تارکین وطن خود ہی امریکا سے واپس چلے جائیں، امریکا میں غیر قانونی تارکین وطن کی تاریخی ملک بدری جاری ہے۔
امریکی ترجمان کیرولین لیوٹ نے کہا کہ ملک اس وقت معاشی اصلاحات سے گزررہا ہے، گزشتہ بائیڈن انتظامیہ کا مارکیٹ میں پھیلایا گند صاف کرنے میں 3 سے 6 ماہ درکار ہیں، ڈوج کے محکمے کا مقصد اداروں میں کرپشن کو بےنقاب کرنا ہے۔
انہوں نے بتایا کہ امریکی وزیرخارجہ مارکو روبیو کو قومی سلامتی کے پیش نظر فلسطین کے حمایت یافتہ محمود خلیل کے گرین کارڈ کو منسوخ کرنے کا مکمل اختیار ہے، محمود خلیل نے امریکی قوانین کا ناجائز فائدہ اٹھایا اور حماس کی حمایت کی۔
ترجمان وائٹ ہاؤس کے مطابق محمود خلیل نے یونیورسٹی میں دہشت گرد تنظیموں کا پرچم لہرایا اور دیگر طلبا نے امریکی تعلیمی اداروں میں حماس کا پروپیگنڈا پھیلایا جس کے پیش نظر مزید گرفتاریاں ہوں گی۔
انہوں نے متنبہ کیا کہ تمام تعلیمی اداروں کو ٹرمپ انتظامیہ کی پالیسی کے مطابق چلنا ہوگا، کئی تعلیمی ادارے حماس کے حمایتیوں کو پکڑنے میں ہوم لینڈ سیکیورٹی سے تعاون نہیں کررہے۔
پاکستان میں سونے کی قیمت میں اضافہ