برطانیہ، امیگریشن و دیگر جرائم میں سزا یافتہ افراد کو ملک بدر کرنے کی پالیسی کا اعلان
اشاعت کی تاریخ: 12th, March 2025 GMT
برطانیہ میں مقیم ایسے تمام غیر ملکی شہری جنہوں نے امیگریشن سمیت دیگر جرائم میں سزا پائی ہے کو ملک بدر کرنے کی پالیسی کا اعلان کر دیا گیا۔
اس پالیسی کا اطلاق سیاسی پناہ کے متلاشی افراد کیساتھ ان لوگوں پر بھی ہو گا جن پر امیگریشن کے حوالے سے الزامات عائد کیے گئے ہوں۔
باور کیا جا رہا ہے کہ نئی حکومتی پالیسی کے تحت ٹوری پلان حکومت کے سرحدی بل میں ایک ترمیم متعارف کرائیگا جس کے تحت غیر ملکی مجرمان کو صرف ایک سال کی قید کی سزا کا فیصلہ کالعدم قرار دیدیا جائیگا۔
برطانوی ذرائع ابلاغ کے مطابق پارٹی پر امید ہے کہ مذکورہ ترمیم جس کے لیے لیبر ایم پیز کی حمایت درکار ہوگی حکومت کے لیے غیر ملکی مجرموں کو ملک بدر کرنے میں بھی آسانی پیدا کر دیگی جو کہ یورپی عدالت برائے انسانی حقوق کی طرف سے دی گئی استثنیٰ کو ختم کر کے غیر ملکی مجرموں کو ملک بدر کرنا آسان بنائیگی۔
دوسری طرف شیڈو ہوم سیکرٹری کرس فلپ نے تجاویز کو سادہ قرار دیا تاہم پناہ گزینوں کے گروپوں نے اسے مضحکہ خیز اور ناقابل عمل قرار دیا ہے۔
ریفیوجی ایکشن کے چیف ایگزیکٹو ٹم ناور ہلٹن نے کہا کہ یہ ترمیم نہ صرف خوفناک ہے بلکہ یہ مضحکہ خیز طور پر ناقابل عمل اور صریح سیاسی عظمت ہے، سیاست دانوں کو چاہیے کہ وہ لوگوں کو ایسی پالیسیوں کے ذریعے ڈرانا بند کریں، ایمنسٹی انٹرنیشنل یو کے حکومت کو چیلنج کیا کہ وہ اس پالیسی کی مخالفت کریگی۔
Post Views: 1.ذریعہ: Daily Mumtaz
کلیدی لفظ: کو ملک بدر غیر ملکی
پڑھیں:
شامی حکومت کا بشار الاسد کے حامیوں کیخلاف فوجی آپریشن ختم کرنے کا اعلان
شام کی نئی حکومت نے بشار الاسد کے حامیوں کے خلاف جاری ملٹری آپریشن ختم کرنے کا اعلان کیا ہے۔
عالمی خبر رساں ادارے کے مطابق معزول صدر بشار الاسد کی حامی فورسز اور شامی فوج کے ساتھ جھڑپوں کا سلسلہ ایک ہفتے سے جاری ہے۔
جنگی نگرانی کرنے والی ایک تنظیم نے دعویٰ کیا کہ ان جھڑپوں میں ایک ہزار سے زائد شہری ہلاک ہوگئے جن میں زیادہ تر علوی اقلیتی فرقے کے افراد شامل ہیں۔
بیان میں کہا گیا ہے کہ ان افراد کو شام کی سیکیورٹی فورسز یا اتحادی گروپوں نے قتل کیا۔
یہ تشویش ناک تشدد شام کے ساحلی علاقے میں پیش آیا، جو علوی کمیونٹی کا گڑھ ہے اور اس سے شام کے نئے انتظامی دور کی نازک صورتحال کو شدید دھچکا پہنچا ہے۔
وزارت دفاع کے ترجمان حسن عبدالغنی نے بتایا کہ حکومت نے لاطاکیہ اور طرطوس کے ساحلی علاقوں میں سیکیورٹی خطرات اور "بشار الاسد ریجم کے باقیات" کے خلاف جاری "فوجی آپریشن" کو ختم کر دیا ہے۔
یہ اعلان شام کے عبوری صدر احمد الشاراع کے خطاب کے بعد آیا، جنہوں نے کہا تھا کہ شام کو کسی بھی بیرونی طاقت یا داخلی فریق کے ذریعے خانہ جنگی میں دھکیلنے کی اجازت نہیں دی جائے گی۔
احمد شاراع نے اس خونریزی میں ملوث افراد کو سخت سزا دینے کا وعدہ کرتے ہوئے کہا کہ ملک کے تمام نسلی اور مذہبی اقلیتی گروپ ہماری ذمہ داری ہے۔
ایک رپورٹ کے مطابق تشدد کی اس لہر میں 231 سیکیورٹی اہلکار اور 250 بشار الاسد کے حامی جنگجو مارے گئے ہیں۔
جابلہ کے رہائشیوں نے بتایا کہ مقامی مسلح گروپوں نے شہر پر قبضہ کر لیا ہے اور وہاں بے شمار افراد کو قتل کر کے اجتماعی قبروں میں دفن کر دیا گیا۔
اس دوران، دمشق میں یونانی آرتھوڈوکس پیٹریارک جان ایکس نے کہا کہ "بیشتر معصوم عیسائیوں کو بھی قتل کر دیا گیا"۔
سیاستدانوں اور تجزیہ کاروں کے مطابق، اس بدترین تشدد نے شام کے نئے حکام کے لیے سوالات اٹھا دیے ہیں کہ کیا وہ ملک میں امن قائم کرنے اور ریاستی طاقت کو مستحکم کرنے میں کامیاب ہو سکیں گے۔
ایمنسٹی انٹرنیشنل نے مطالبہ کیا ہے کہ آزاد قومی اور بین الاقوامی محققین کو شام کے ساحلی علاقوں میں تحقیق کرنے کی اجازت دی جائے تاکہ اس قتل عام کے ذمہ داروں کا پتا چلایا جا سکے۔
ایران، جو بشار الاسد کا اہم اتحادی ہے، نے ان الزامات کو مسترد کیا ہے کہ تہران نے اس تشدد میں ملوث ہونے کی کسی طرح کی کوشش کی ہو۔
یاد رہے کہ احمد الشاراع کی قیادت میں باغی گروہوں نے گزشتہ برس کے آخر میں بشار الاسد کے طویل آمرانہ دور اقتدار کا تختہ الٹ دیا تھا۔
جس کے نتیجے میں بشار الاسد ملک سے فرار ہوکر اہل خانہ کے ہمراہ روس پہنچ گئے تھے۔
پشاور: نامعلوم افراد نے فائرنگ کرکے حساس ادارے کے افسر کو شہید کردیا