کراچی میں شدید گرمی، پارہ 39 ڈگری تک پہنچ گیا، کل سے درجہ حرارت میں کمی کا امکان
اشاعت کی تاریخ: 11th, March 2025 GMT
کراچی:
منگل کو شہر میں بدستور گرم دن ریکارڈ ہوا اور پارہ 39.5 ڈگری رہا جبکہ ہوا میں نمی کا تناسب کم ہونے کے سبب شہری ہیٹ ویو سے بچ گئے، بدھ سے درجہ حرارت میں کمی کا امکان ہے اور کل تندوتیز سمندری ہوائیں بھی چل سکتی ہیں۔
راجستھان پر موجود دباؤ کے سبب معطل سمندری ہواؤں کے سبب منگل کو شہر میں ایک اور گرم دن ریکارڈ ہوا جس میں زیادہ سے زیادہ درجہ حرارت گزشتہ دن کے مقابلے میں مزید اضافے سے 39.
ترجمان محکمہ موسمیات انجم نذیر ضیغم کے مطابق آج سے گرمی کی شدت میں کمی متوقع ہے، بتدریج معتدل ہونے والے موسم کے بعد اگلے چندروز کے دوران زیادہ سے زیادہ درجہ حرارت 33 تا 34 ڈگری رہنے کا امکان ہے۔
محکمہ موسمیات ارلی وارننگ سینٹر کی پیش گوئی کے مطابق جمعرات کو شہر میں معمول سے تیز ہوائیں چلنے کا امکان ہے، تیز ہواؤں کے سبب موسم معتدل رہنے کی توقع ہے، معمول سے تیز ہوائیں عریبین سی میں موجود ہائی پریشر کے باعث چلیں گی۔
موجود گرمی کی لہر کے نتیجے میں دیہی سندھ کے مختلف اضلاع بھی شدید گرمی کی لپیٹ میں ہیں، منگل کو سب سے زیادہ درجہ حرارت مٹھی میں 42 ڈگری ریکارڈ ہوا۔
ذریعہ: Express News
کلیدی لفظ: ریکارڈ ہوا کا امکان کے سبب
پڑھیں:
تربیلا ڈیم میں پانی کا قابل استعمال ذخیرہ آج ختم ہونے کا امکان
تربیلا ڈیم میں پانی کا قابل استعمال ذخیرہ آج ختم ہونے کا امکان WhatsAppFacebookTwitter 0 10 March, 2025 سب نیوز
راولپنڈی (سب نیوز )ملک بھر میں بارشوں کا سلسلہ جاری ہے، دریاں اور ڈیموں میں پانی کی تازہ ترین صورتحال کے مطابق تربیلا ڈیم کا آج رات تک ڈیڈ لیول تک پہنچنے کا امکان ہے، پانی کا ذخیرہ 26 ہزار ایکڑ فٹ رہ گیا۔ارسا ذرائع کے مطابق ملک میں بارشوں کا سلسلہ جاری رہنے سے دریائوں اورڈیموں میں پانی کی صورتحال بہتر ہو رہی ہے، تربیلا ڈیم کا آج رات تک ڈیڈ لیول تک پہنچنے کا امکان ہے۔
تربیلا ڈیم میں پانی کا ذخیرہ 26 ہزار ایکڑ فٹ رہ گیا، اور سطح صرف 3 فٹ رہ گئی، تربیلا ڈیم کے ڈیڈ لیول پر پہنچنے پر پانی کا قابل استعمال ذخیرہ ختم ہوجائے گا۔تربیلا ڈیم میں پانی کی سطح 1405 فٹ ریکارڈ کیا گیا ہے، ارسا کے مطابق تربیلا ڈیم میں پانی 1402 فٹ تک زراعت کے لیے استعمال کیا جاسکتا ہے، دریائے سندھ میں تربیلا کے مقام پر پانی کی آمد 14 ہزار کیوسک ریکارڈ کیا گیا۔
ڈیم سے پانی کا اخراج 20 ہزار کیوسک ہے، منگلا ڈیم میں پانی کا ذخیرہ ایک لاکھ 94 ہزار ایکڑفٹ ہے،دریائے جہلم میں منگلا کے مقام پر پانی کی آمد 16 ہزار اور اخراج 23 ہزار کیوسک ریکارڈ کیا گیا۔محکمہ موسمیات کے مطابق دریائے چناب میں مرالہ کے مقام پر پانی کی آمد9 ہزار کیوسک ریکارڈ کی گئی ہے، دریائے کابل میں نوشہرہ کے مقام پر پانی کا بہا 11 ہزار کیوسک ریکارڈ کیا گیا۔ شمالی علاقوں کا درجہ حرارت کم ہونے کے باعث برف پگھلنے کا عمل انتہائی سست ہے، اسکردو سمیت شمالی علاقوں میں درجہ حرارت 2 ڈگری سینٹی گریڈ ریکارڈ کیا گیا ہے۔
کراچی، بینک لاکرز سے شہری کا 10 کروڑ مالیت کا سامان چوری