بانی نے کہا ہے ہم اصول کی بنیاد پر آگے بڑھنا چاہتے ہیں، سلمان اکرم راجہ
اشاعت کی تاریخ: 11th, March 2025 GMT
بانی پی ٹی آئی کو بتایا ہے جے یو آئی کے رہنماؤں سے ملاقات ہوئی ہے، سلمان اکرم راجہ - فوٹو: فائل
سیکریٹری جنرل پاکستان تحریک انصاف (پی ٹی آئی) سلمان اکرم راجہ نے کہا ہے کہ بانی پی ٹی آئی نے اپوزیشن اتحاد سے متعلق پارٹی رہنماؤں کی کوششوں کو سراہا اور کہا ہم اصول کی بنیاد پر آگے بڑھنا چاہتے ہیں۔
بانی پی ٹی آئی سے ملاقات کے بعد راولپنڈی میں اڈیالہ جیل کے باہر میڈیا سے گفتگو کرتے ہوئے سلمان اکرم راجہ کا کہنا تھا کہ بانی پی ٹی آئی کو بتایا ہے جے یو آئی کے رہنماؤں سے ملاقات ہوئی ہے۔
انہوں نے کہا کہ بانی پی ٹی آئی نے اپوزیشن اتحاد سے متعلق کوششوں کو سراہا ہے، بانی نے کہا ہے ہم اصول کی بنیاد پر آگے بڑھنا چاہتے ہیں۔
اسلام آباد ہائی کورٹ نے تحریکِ انصاف سلمان اکرم راجہ کے وارنٹِ گرفتاری معطل کر دیے۔
سلمان اکرم راجہ کا کہنا تھا کہ جو بھی جمہوریت کیلئے ہمارا ساتھ دے اس کا خیرمقدم کریں گے، اگر ہمارے ساتھ کوئی کھڑا ہوتا ہے تو ہم پر احسان نہیں کرے گا۔
انہوں نے کہا کہ پی ٹی آئی کی حکومت میں کرپشن کی کوئی جگہ نہیں ہے، بانی پی ٹی آئی نے واضح کیا ہے کہ علی امین گنڈاپور کو ان کی تائید حاصل ہے۔
انکا کہنا تھا کہ اگر کسی کو کوئی شکایت ہے اس کیلئے ایک کمیٹی بنائیں گے، بہت سی باتیں سیاسی رقابت کی وجہ سے ہوتی ہیں، کے پی میں کرپشن کے مسئلے پر اگر کسی کی بات میں وزن ہے تو ہمیں اس کو دیکھنا چاہیے۔
پی ٹی آئی رہنما سلمان اکرم راجہ نے اڈیالہ جیل کے باہر کیمپ لگانے کی افواہوں کی تردید کر دی۔
سلمان اکرم راجہ نے کہا کہ بانی پی ٹی آئی نے کہا کہ علی امین کی وزارت اعلیٰ کو کوئی خطرہ نہیں، اپوزیشن کی جماعتیں سب ہمارے ساتھ چلیں گی۔
سیکریٹری جنرل پی ٹی آئی نے کہا کہ اچکزئی صاحب ہوں یا جی ڈی اے، سب کا اتفاق ہے پاکستان اب آئین کے مطابق چلے گا۔ سندھ میں پانی کا مسئلہ بھی آئین و قانون سے جڑا ہے۔ اگر انڈس معاہدے کی خلاف ورزی ہو رہی ہے تو عدالتوں کو چاہیے کہ قانون کا نفاذ یقینی بنائیں۔
ان کا کہنا تھا کہ بانی پی ٹی آئی نے افغانستان اور امن و امان سے متعلق بھی بات کی ہے، بانی پی ٹی آئی نے کہا ان کے دور میں افغانستان میں پاکستان مخالف حکومت تھی۔
سلمان اکرم راجا نے کہا کہ بانی نے کہا جو لیڈر شپ پر حملہ ہوتا ہے وہ بھگوڑے کرتے ہیں، انھیں پارٹی سے کوئی شکایت نہیں ہے۔
انہوں نے بتایا کہ بانی پی ٹی آئی نے کہا کہ افغانستان سے اچھے تعلقات سے پاکستان میں استحکام آسکتا ہے۔
سلمان اکرم راجہ کا کہنا تھا کہ علیمہ خان اور علیمہ خان اور وکلا کی تکرار کے وقت میں موجود نہیں تھا، ہم سب وکلا کی خدمات کو سلام پیش کرتے ہیں۔
.ذریعہ: Jang News
کلیدی لفظ: کہ بانی پی ٹی آئی نے سلمان اکرم راجہ پی ٹی آئی نے کہا کا کہنا تھا کہ نے کہا کہ
پڑھیں:
پولیس اسٹیشن حملہ کیس: سلمان اکرم راجا کے وارنٹ گرفتاری معطل
اسلام آباد ہائیکورٹ نے پولیس اسٹیشن حملہ کیس میں پی ٹی آئی رہنما سلمان اکرم راجا کے انسداد دہشت گردی کی عدالت سے جاری وارنٹ گرفتاری معطل کردیے۔
یہ بھی پڑھیں توشہ خانہ ٹو کیس: عمران خان کو ملنے والے 108 تحائف کی فہرست عدالت میں پیش
اسلام آباد ہائیکورٹ کے قائم مقام چیف جسٹس سردار سرفراز ڈوگر اور جسٹس محمد آصف نے پی ٹی آئی رہنما سلمان اکرم راجا کے انسداد دہشت گردی کی عدالت سے جاری ہونے والے وارنٹ گرفتاری کے خلاف درخواست پر رجسٹرار آفس کے اعتراضات کے ساتھ سماعت کی۔
سلمان اکرم راجا ذاتی حیثیت میں عدالت میں پیش ہوئے، اس موقع پر قائم مقام چیف جسٹس نے پوچھا آپ پر الزام کیا ہے اور درخواست پر اعتراض کیا عائد کیا گیا ہے؟
سلمان اکرم راجا نے بتایا کسی پولیس اسٹیشن پر حملے میں شامل ہونے کا الزام ہے، ایف آئی آر میں 100 لوگوں کا نام ہے۔
یہ بھی پڑھیں مقدمے میں متاثرہ فریق ٹیریان ہے، اس نے کہنا ہے عمران خان میرے والد ہیں: اسلام آباد ہائیکورٹ
عدالت نے وارنٹ گرفتاری معطل کرتے ہوئے فریقین کو نوٹس جاری کرتے ہوئے سماعت 2 ہفتوں کے لیے ملتوی کردی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پولیس اسٹیشن حملہ کیس سلمان اکرم راجا وارنٹ معطل وی نیوز
کراچی، بینک لاکرز سے شہری کا 10 کروڑ مالیت کا سامان چوری