بانی کو سہولیات نہ ملنے پر علیمہ خان نے غصے کا اظہار کیا، فوکل پرسن بانی پی ٹی آئی
اشاعت کی تاریخ: 11th, March 2025 GMT
فوٹو: فائل
بانی پی ٹی آئی کے فوکل پرسن نیاز اللّٰہ نیازی نے کہا ہے کہ بانی پی ٹی آئی کو سہولیات نہ ملنے پر علیمہ خان نے غصے کا اظہار کیا ہے۔
اڈیالہ جیل کے باہر میڈیا سے گفتگو کرتے ہوئے نیاز اللّٰہ نیازی کا کہنا تھا کہ ہماری کسی ادارے سے ذاتی جنگ نہیں، یہ جو غیر آئینی ترمیم ہے اسے ہم نے ختم کروانا ہے، آئین کی بالا دستی اور قانون کی حکمرانی کےلیے کام کریں گے۔
انکا کہنا تھا کہ بانی پی ٹی آئی کو بتایا ہے کہ خیبر پختونخوا حکومت کی ایک سالہ کارکردگی شو کرنی چاہیے، بانی پی ٹی آئی نے کہا کے پی حکومت کی ایک سالہ کارکردگی شائع ہوئی ہے۔
نیاز اللّٰہ نیازی نے کہا کہ کے پی حکومت کی کارکردگی پنجاب سے بہت اچھی ہے، بانی پی ٹی آئی نے کہا اگر کوئی کرپشن کا معاملہ ہے تو معلومات مجھ تک پہنچائیں، کرپشن پر زیرو ٹالرنس ہے۔
یہ بھی پڑھیے نعیم پنجوتھہ نے بانی پی ٹی آئی سے علیمہ خان کے رویے کی شکایت لگادی علیمہ خان کی اڈیالہ جیل کے داخلی دروازے پر پی ٹی آئی وکلاء سے تلخ کلامیعلیمہ خان کے غصے پر بات کرتے ہوئے بانی کے فوکل پرسن کا کہنا تھا کہ بانی پی ٹی آئی کو سہولیات نہ ملنے پر علیمہ خان نے غصے کا اظہار کیا ہے، بانی کو اہلیہ سے ملاقات نہیں کرنے دی جارہی، کتابیں نہیں دی جارہیں۔
انکا کہنا تھا کہ علیمہ خان اور نعیم پنجوتھہ کے مابین کچھ باتیں ہوئی ہیں، علیمہ خان بڑی ہیں باتیں ہوجاتی ہیں۔
نیاز اللّٰہ نیازی نے کہا کہ بانی پی ٹی آئی نے اڈیالہ جیل کے باہر احتجاج کا کہا ہے اس پر بھی سوچ بچار ہو رہا ہے، جیل کے باہر مظاہرہ کرنا ہے لیکن اس کا فیصلہ عالیہ حمزہ کریں گی۔
.ذریعہ: Jang News
کلیدی لفظ: کہ بانی پی ٹی آئی کا کہنا تھا کہ علیمہ خان نیاز الل ہ نیازی جیل کے نے کہا
پڑھیں:
پاکستان کو عمران خان کی اشد ضرورت ہے وہ باہر آئیں اور ملک کو سنبھالیں، علیمہ خان
پاکستان کو عمران خان کی اشد ضرورت ہے وہ باہر آئیں اور ملک کو سنبھالیں، علیمہ خان WhatsAppFacebookTwitter 0 11 March, 2025 سب نیوز
راولپنڈی (سب نیوز)بانی پی ٹی آئی عمران خان کی بہن علیمہ خان نے کہا ہے کہ سابق وزیراعظم کہتے ہیں جب ملک میں رول آف لا نہیں ہوگا ملک آگے نہیں بڑھے گا، آج پاکستان کو بانی کی اشد ضرورت ہے وہ باہر آئیں اور ملک کو سنبھالیں۔
اڈیالہ جیل راولپنڈی میں عمران خان سے ملاقات کے بعد میڈیا سے گفتگو میں علیمہ خان کا کہنا تھا کہ آج بانی پی ٹی آئی سے ملاقات ہوئی ہے، ہم پچھلے ہفتے جو کتابیں عمران خان خان کیلئے لائے تھے، وہ نہیں پہنچائی گئیں، بانی پی ٹی آئی کتابیں، بچوں سے بات چیت اور سیاسی لوگوں سے ملاقات کا ہمیشہ کہتے ہیں۔
ان کا کہنا تھا کہ یہ سب کچھ اڈیالہ جیل کے اندر موجود کرنل صاحب نہیں ہونے دیتے، آج ان کے اصل وکلا کو اندر نہیں جانے دیا گیا، القادر کیس اسلام آباد ہائیکورٹ میں چیلنج ہے، اسلام آباد ہائیکورٹ میں جب سے ڈوگر کو لائے ہیں، ابھی تک بانی پی ٹی آئی کا کوئی کیس نہیں لگا۔علیمہ خان نے کہا کہ سب سے زیادہ امن ملک میں بانی پی ٹی آئی اپنے دور میں لے کر آئے تھے۔ملک میں اس وقت دہشتگردی بڑھ رہی ہے، بانی پی ٹی آئی کہتے ہیں آپ کو سرمایہ کاری کے لئے دو چیزیں چاہیں، ایک قانون رول آف لا اور پاکستان میں امن استحکام۔
انہوں نے کہا کہ جب پارٹی کے ایم این ایز اور ایم پی ایز اڈیالہ کے باہر آئیں گے ہم بھی آئیں گے، ہمارے بھائی کو جب کتابیں نہیں ملیں گی۔علیمہ خان نے کہا کہ ہم چاہتے ہیں کہ وہ لوگ بانی پی ٹی آئی سے ملاقات کیلئے جائیں جن کا ان سے کام بھی ہو۔ ہمارے بھائی کو ریلیف ملنا چاہیے۔ان کا کہنا تھا کہ ہمیں روزہ لگا ہے تب بھی میں یہی کہوں گی، لیگل معاملات کیلئے بانی پی ٹی آئی نے سلمان اکرم راجا اور سلمان صفدر کی ذمہ داری لگا دی ہے۔
چیئرمین پی ٹی اے حفیظ الرحمان کی اسٹار لنک کی ٹیم سے ملاقات