امیتابھ بچن ’کون بنے گا کروڑ پتی‘ چھوڑ رہے ہیں؟ نیا میزبان کون ہوگا؟
اشاعت کی تاریخ: 11th, March 2025 GMT
کیا امیتابھ بچن واقعی ”کون بنے گا کروڑ پتی“ سے الگ ہو رہے ہیں؟ نئے میزبان کے لیے شاہ رخ خان، ایشوریا رائے یا کوئی اور؟
بھارتی ٹیلی ویژن کے مقبول ترین گیم شو ”کون بنے گا کروڑ پتی“ (KBC) سے جُڑی ایک بڑی خبر سامنے آ رہی ہے۔ اطلاعات کے مطابق، امیتابھ بچن، جو اس شو کی پہچان بن چکے ہیں، ممکنہ طور پر اگلے سیزن میں بطور میزبان نظر نہیں آئیں گے۔
امیتابھ بچن نے 2000 میں ’کون بنے گا کروڑ پتی‘ کی میزبانی کا آغاز کیا اور 2007 کے بعد سے وہ مسلسل اس شو کی جان بنے ہوئے ہیں۔ ان کی شاندار شخصیت، منفرد انداز اور سنجیدہ مگر دل چسپ گفتگو نے ’کون بنے گا کروڑ پتی‘ کو ایک ایسا مقام دیا جو بھارتی ٹی وی کی تاریخ میں ہمیشہ یاد رکھا جائے گا۔ تاہم، اطلاعات کے مطابق، بگ بی اپنے کام کے بوجھ کو کم کرنا چاہتے ہیں اور اسی وجہ سے وہ ’کے بی سی‘ کی میزبانی سے کنارہ کشی اختیار کرنے پر غور کر رہے ہیں۔
اگر امیتابھ بچن واقعی ’کے بی سی‘ چھوڑ دیتے ہیں، تو سب سے بڑا سوال یہ ہوگا کہ ان کی جگہ کون لے گا؟ ایک حالیہ سروے میں، مختلف شخصیات کے نام سامنے آئے ہیں جنہیں نیا میزبان بنایا جا سکتا ہے۔ شاہ رخ خان، ایشوریا رائے بچن، مہندرا سنگھ دھونی، ہرشا بھوگلے، انیل کپور، عامر خان اور کچھ دیگر معروف شخصیات کے نام زیر غور ہیں۔
سروے کے نتائج
شاہ رخ خان کو 63 فیصد ووٹوں کے ساتھ سب سے زیادہ پسند کیا گیا۔
ایشوریا رائے کو 51 فیصد افراد نے منتخب کیا۔
مہندرا سنگھ دھونی 37 فیصد ووٹوں کے ساتھ تیسرے نمبر پر رہے۔
ہرشا بھوگلے اور انیل کپور کو بالترتیب 32 فیصد اور 15 فیصد ووٹ ملے۔
عامر خان، مادھوری ڈکشٹ، ششی تھرور اور چیتن بھگت کے نام بھی ووٹرز کی فہرست میں شامل رہے۔
دلچسپ بات یہ ہے کہ 42 فیصد لوگوں نے ابھی بھی امیتابھ بچن کو میزبان کے طور پر برقرار رکھنے کی خواہش ظاہر کی ہے۔ اس سے اندازہ ہوتا ہے کہ ناظرین انہیں ’کے بی سی‘ سے الگ ہوتا نہیں دیکھنا چاہتے۔
اب تک سونی ٹی وی یا امیتابھ بچن کی جانب سے کوئی باضابطہ اعلان نہیں کیا گیا ہے کہ آیا ’کے بی سی‘ کا یہ سیزن ان کا آخری سیزن ہوگا یا نہیں۔ اگر ایسا ہوتا ہے تو یہ بھارتی ٹیلی ویژن کی تاریخ کا ایک بڑا موڑ ہوگا، اور یہ دیکھنا دلچسپ ہوگا کہ نیا میزبان کون بنتا ہے اور کیا وہ ’کے بی سی‘ کی وہی شان برقرار رکھ پائے گا جو بگ بی کے دور میں رہی؟
.ذریعہ: Daily Ausaf
کلیدی لفظ: امیتابھ بچن کے بی سی
پڑھیں:
چیمپیئنز ٹرافی انڈیا کے نام: ’ایسے لگ رہا تھا کہ مہمان بھی انڈیا میزبان بھی انڈیا‘
بھارت نے انٹرنیشنل کرکٹ کونسل (آئی سی سی) چیمپیئنز ٹرافی کے فائنل میں نیوزی لینڈ کو شکست دے کر ٹائٹل اپنے نام کرلیا۔ اس سے قبل سنہ 2013 میں بھی انڈیا ہی اس ٹورنامنٹ کی فاتح ٹیم تھی۔
انڈیا کی جیت پر سوشل میڈیا صارفین جہاں ان کو مبارکباد دے رہے ہیں وہیں پاکستانی ٹیم کو بھی سخت تنقید کا نشانہ بنایا جا رہا ہے۔
رحیق عباسی لکھتے ہیں کہ چیمپیئنز ٹرافی کا سابقہ چمپیئن پاکستان تھا۔ اس دفعہ چمپیئن ٹرافی کا میزبان پاکستان تھا لیکن انڈیا نے پاکستان آئے بغیر اس سال چمپیئن ٹرافی کا ٹائٹل پاکستان سے چھین کر حاصل کر لیا۔ انہوں نے تنقید کرتے ہوئے مزید لکھا کہ یہ ہوتا ہے ملکی وقار کا تحفظ جو محسن نقوی کے ذریعے ان کے مالک کر رہے ہیں۔
چیمپینز ٹرافی کا سابقہ چمپین پاکستان تھا۔
اس دفعہ چمپین ٹرافی کا میزبان پاکستان تھا۔۔
لیکن انڈیا نے پاکستان آئے بغیر اس سال چمپین ٹرافی کا ٹائٹل پاکستان سے چھین کر حاصل کر لیا۔
یہ ہوتا ہے ملکی وقار کا تحفظ جو محسن نقوی کی ذریعے ان کے مالک کر رہے ہیں۔
— Raheeq Abbasi (@RaheeqAbbasi) March 9, 2025
ایاز خان لکھتے ہیں کہ آئی سی سی نے دبئی میں انڈیا کو چیمپیئنز ٹرافی جتوا دی، ہم صرف میزبان تھے۔
آئی سی سی نے دبئی میں انڈیا کو چیمپئینز ٹرافی جتوا دی، ہم صرف میزبان تھے!!!
— Ayaz Khan (@itsmeayazkhan) March 9, 2025
اسد چوہدری نے لکھا کہ انڈیا چیمپیئنز ٹرافی ٹورنامنٹ 4 وکٹوں سے جیت گیا۔ پاکستان کا سجایا میلہ ہر جگہ اپنی مرضی چلا کر انڈیا نے لوٹ لیا یہ ہوتی ہے ’سٹرٹیجک پلاننگ‘ اور پرفارمنس کا امتزاج، ہر چیز میں مرضی منوائی۔ سارے میچز کے لیے ایک ہی وینیو دبئی چنا۔ پھر سب میچز میں ناقابل شکست رہتے فائنل بھی جیت لیا۔
صارف نے مزید کہا کہ 6 وکٹیں گرنے کے بعد بھی کے ایل راہول اور رویندر جدیجہ کھیل رہے تھے۔ پاکستان کرکٹ بورڈ کو شرم آنی چاہیے۔
انڈیا چیمپئننز ٹرافی ٹورنامنٹ 4 وکٹوں سے جیت گیا۔۔
پاکستان کا سجایا میلہ ہر جگہ اپنی مرضی چلا کر انڈیا نے لوٹ لیا????
یہ ہوتا ہے"سٹرٹیجک پلاننگ" اور پرفارمنس کا امتزاج
ہر چیز میں مرضی منوائی۔سارے میچز کے لیے ایک ہی وینیو دبئی چنا۔پھر سب میچز میں ناقابل شکست رہتے فائنل بھی جیت…
— Asad R Chaudhry (@Asadrchaudhry) March 9, 2025
ایک صارف نے طنزاً لکھا کہ پاکستان کا ٹورنامنٹ سے باہر ہو کر چیمپیئنز ٹرافی کے انتظامات کرنا ایسے ہی تھا جیسے اپنی محبوبہ کی شادی میں خود ہی کرسیاں لگانا۔
انڈیا کی جیت پر چیمپینز ٹرافی کا اختتام۔
ویسے پاکستان کا ٹورنامنٹ سے باہر ہو کر چیمپئنز ٹرافی کے انتظامات کرنا ایسے ہی تھا جیسے اپنی محبوبہ کی شادی میں خود ہی کرسیاں لگانا۔????✌️#INDvNZ
— Nazli Ahmad (@Nazli519) March 9, 2025
عباس آرائیں نے لکھا کہ انڈیا چمپیئن ٹرافی جیت گیا اور میزبان ملک کا ایک بندہ بھی اسٹیج پر نظر نہیں آیا۔ ایسے لگ رہا تھا کہ مہمان بھی انڈیا میزبان بھی انڈیا اور چیمپیئن تو ہے ہی انڈیا۔
انڈیا چمپین ٹرافی جیت گیا اور اللہ کی مہربانی سے میزبان ملک کا ایک بندہ بھی سٹیج پر نظر نہیں آیا۔
ایسے لگ رہا تھا کہ مہمان بھی انڈیا میزبان بھی انڈیا اور چیمپین تو ہے ہی انڈیا۔
— Abbas Arain (@AbbasArain16) March 9, 2025
ایک ایکس صارف نے لکھا کہ فائنل کے تکلف کی کیا ضرورت تھی۔ اسی طرح ٹرافی انڈیا کو پکڑا دیتے۔
فائنل کے تکلف کی کیا ضرورت تھی ۔ اسی طرح ٹرافی انڈیا کو پکڑا دیتے ۔ https://t.co/bu0X4QwRIU
— سیانی کُڑی (@digitalchirrya) March 9, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی چیمپیئنز ٹرافی 20225 انڈیا انڈیا بمقابلہ نیوزی لینڈ
جویریہ سعود نے ماؤں کو بیٹیوں کے حوالے سے ضروری مشورہ دے ڈالا