ملتان کے صحافیوں کا ''ہمدرد ہائوس ''کا دورہ، ادارے میں مقیم یتیم بچوں کے ساتھ روزہ افطار کیا
اشاعت کی تاریخ: 11th, March 2025 GMT
منتظمین سے گفتگو کرتے ہوئے سنینئر صحافی حاجی مظہر جاوید سیال، انجم خان پتافی اور وسیم شہزاد نے کہا کہ معاشرے کے پِسے ہوئے ان بچوں کی تعلیم و تربیت سنت نبوی ہے، ہمیں اپنے اردگرد موجود ایسے بچوں کی پرورش اور ان بچوں کے لیے کام کرنے والے اداروں کے ساتھ بھرپور تعاون کرنا چاہیے۔ اسلام ٹائمز۔ ملتان سے تعلق رکھنے والے مختلف اخبارات، ٹی وی چینلز اور سوشل میڈیا سے وابستہ سینیئر صحافیوں کے وفد نے ادارہ خودی پاکستان کے زیراہتمام یتیم بچوں کی تعلیم و تربیت کے لیے قائم ادارہ ''ہمدرد ہائوس '' کا دورہ کیا، سینیئر صحافیوں میں حاجی مظہر جاوید سیال، انجم خان پتافی، محمد اختر شیخ، سید قلب حسن، ثقلین نقوی، وسیم شہزاد، شہراز خان، احمر خان سمیت ارسلان خان، علی شیر جعفری، ملک فراز، مقصود بھٹہ، شاہد عباس شامل تھے۔ صحافیوں نے ہمدرد ہائوس میں زیرتعلیم بچوں کے ساتھ وقت گزارا اور اُن کے ساتھ افطار کیا۔ اس موقع پر ہمدرد ہائوس کے منتظمین سید فرخ مہدی، انجینئر شعیب جعفری، سید جواد رضا، جواد حیدر جوئیہ، فراز حیدر شمسی نے مہمانوں کا شکریہ ادا کیا اور اُنہیں ادارے کے انتظامات اور کارکردگی بارے بریفنگ دی۔
منتظمین سے گفتگو کرتے ہوئے سنینئر صحافی حاجی مظہر جاوید سیال، انجم خان پتافی اور وسیم شہزاد نے کہا کہ معاشرے کے پِسے ہوئے ان بچوں کی تعلیم و تربیت سنت نبوی ہے، ہمیں اپنے اردگرد موجود ایسے بچوں کی پرورش اور ان بچوں کے لیے کام کرنے والے اداروں کے ساتھ بھرپور تعاون کرنا چاہیے۔ ہمدرد ہائوس میں 105بچے اور بچیوں کی تعلیم و تربیت اور اُن کی تمام ضروریات خیال رکھا جاتا ہے، آرفن ہائوس میں مقیم ان بچوں کو رہائش، کھانا، تعلیم، لانڈری سمیت تمام سہولیات میسر ہیں۔
ذریعہ: Islam Times
کلیدی لفظ: کی تعلیم و تربیت ہمدرد ہائوس بچوں کی بچوں کے کے ساتھ ان بچوں
پڑھیں:
تمام الائنس کی میٹنگ بلا رہے‘ جد و جہد تیز ہو گی: پی ٹی آئی
پشاور (نوائے وقت رپورٹ + آئی این پی) عمر ایوب نے کاہ کہ مسائل کا حل شفاف الیکشن‘ خاتون کی حکمرانی کیلئے جد و جہد تیز کرینگے‘ جبکہ پی ٹی آئی رہنما اسد قیصر نے وزیراعظم شہباز شریف سے مستعفی ہونے کا مطالبہ کر تے ہوئے کہا ہے کہ ملک میں امن و امان کی صورتحال انتہائی خراب ہے او ر بے روزگاری بڑھ چکی ہے، حکومت کو فوری طور پر آزاد اور منصفانہ الیکشن کرانا چاہیے۔ انٹرویو میں ان کا کہنا تھا کہ رواں ہفتے ہم اپنے تمام الائنس کی میٹنگ بلا رہے ہیں جس میں جامع قومی ایجنڈا بنایا جائے گا، قومی ایجنڈے کو مدنظر رکھتے ہوئے پاکستانی عوام کے پاس جائیں گے اور عوام کو اکٹھا کریں گے۔ اسد قیصر کا کہنا تھا کہ اڈیالہ جیل کے باہر دھرنے کے حوالے سے کوئی اجلاس یا فیصلہ نہیں ہوا، اپوزیشن جماعتوں کے ساتھ مل کر جامع پلان لے کر آ رہے ہیں، گرینڈ الائنس کے ساتھ مل کر احتجاج کا لائحہ عمل دیا جائے گا۔ اڈیالہ جیل کے باہر دھرنا پی ٹی آئی کا اپنا فیصلہ ہوگا، اپوزیشن کے ساتھ بات چیت جاری ہے۔ پاکستان تحریک انصاف کے رہنما اور اپوزیشن لیڈر عمر ایوب نے کہا ہے کہ قانون کی حکمرانی کیلئے اپنی تحریک تیز کریں گے۔ ہری پور میں میڈیا سے گفتگو کرتے ہوئے رہنما پی ٹی آئی عمر ایوب نے کہا تحریک تحفظ آئین پاکستان کے پلیٹ فارم سے سب پارٹیوں سے مل کر پلان بن رہا ہے، اختر مینگل اور سراج ترین پر جھوٹی ایف آئی آرز کی مذمت کرتے ہیں، معیشت روز بروز خراب ہو رہی ہے، کرپشن بڑھ گئی، مزید دو کروڑ افراد غربت کی لکیر سے نیچے چلے گئے ہیں۔ دو سالوں میں20 لاکھ لوگ پاکستان سے ہجرت کر گئے، حکومت ہر جگہ ناکام نظر آ رہی ہے۔
صوبے میں بدامنی افغانستان کے باعث ہے، سنجیدہ اقدامات کرنا ہوں گے، علی امین گنڈا پور