جعفر ایکسپریس پر مسلح افراد کا حملہ ؛ 450 مسافروں کو یرغمال بنالیا
اشاعت کی تاریخ: 11th, March 2025 GMT
سٹی 42:بلوچستان کے بولان کے علاقے مچھ میں اب گم کے قریب جعفر ایکسپریس پر مسلح افراد کے حملے کے بعد عسکریت پسندوں نے 450 مسافروں کو یرغمال بنا لیا ۔
دہشت گردوں نے ریل کی پٹری کو دھماکے سے اڑا دیا اور سینکڑوں افراد کو یرغمال بنانے سے پہلے ٹرین پر اندھا دھند فائرنگ کی۔؛ذرائع کا کہنا ہے کہ 6 کے قریب دہشت گردوں نے ٹرین پر فائرنگ کی جس سے مسافروں میں خوف وہراس پھیل گیا، فائرنگ سے ٹرین کے ڈرائیور سمیت متعدد افراد زخمی ہوگئے۔
رمضان المبارک : پھلوں اور سبزیوں کی قیمتیں کنٹرول سے باہر
کوئٹہ سے پشاور جانے والی جعفر ایکسپریس کا ڈرائیور شدید زخمی ہوگیا ۔ واقعے کی اطلاع ملتے ہی قانون نافذ کرنے والے اداروں کی بھاری نفری علاقے میں پہنچ گئی۔مقامی انتظامیہ نے کوئٹہ اور سبی کے تمام اسپتالوں میں ایمرجنسی بھی نافذ کردی کیونکہ حملے کی جگہ سے متعدد دھماکوں کی آوازیں بھی سنی گئیں۔ذرائع نے مزید بتایا کہ ٹریک پر ریل کی آمدورفت معطل ہے۔
کوئٹہ سے پشاور جانے والی جعفر ایکسپریس میں شدید فائرنگ کی خبروں پر تبصرہ کرتے ہوئے بلوچستان حکومت کے ترجمان شاہد رند نے کہا ہے کہ ایمبولینسز، سیکیورٹی فورسز کے اہلکار اور ایک ٹرین جائے وقوعہ کی جانب روانہ کردی گئی ہے۔تاہم انہوں نے کہا ہے کہ پہاڑی علاقہ ہونے کی وجہ سے علاقے تک رسائی میں مشکلات ہیں۔
نئی مانیٹری پالیسی میں بھی شرح سود 12 فیصد پر برقرار رکھنے کا فیصلہ
ترجمان نے بتایا ہے کہ سبی اسپتال میں ایمرجنسی نافذ کردی گئی ہے۔ انہوں نے مزید کہا کہ ہم واقعے کو مختلف زاویوں سے دیکھ رہے ہیں اور دہشت گردی کی کارروائی کے امکان کو رد نہیں کیا جا سکتا۔
.ذریعہ: City 42
پڑھیں:
بلوچستان میں جعفر ایکسپریس پر دہشت گردوں کا حملہ، متعدد افراد زخمی
بلوچستان میں جعفر ایکسپریس پر دہشت گردوں کا حملہ، متعدد افراد زخمی WhatsAppFacebookTwitter 0 11 March, 2025 سب نیوز
کوئٹہ (آئی پی ایس)بلوچستان کے علاقے مچھ میں آب گم کے قریب جعفر ایکسپریس پر دہشت گردوں نے حملہ کردیا، جس کے نتیجے میں متعدد افراد زخمی ہوگئے۔
میڈیا رپورٹس کے مطابق مچھ کے قریب دہشت گردوں نے مسافر ٹرین پر شدید فائرنگ کی، جس سے خوف و ہراس پھیل گیا۔ فائرنگ کے باعث کئی مسافر زخمی ہونے کی اطلاعات ہیں۔
ریسکیو اور سیکیورٹی ادارے موقع پر پہنچ چکے ہیں جبکہ علاقے میں سرچ آپریشن جاری ہے۔
ریلوے حکام کے مطابق فائرنگ سے ٹرین کا ڈرائیور شدید زخمی ہوا ہے، جبکہ ایمرجنسی ریلیف ٹرین جائے وقوعہ پر روانہ کردی گئی ہے۔ کراچی سے کوئٹہ آنے والی بولان میل کو بھی سبی پر روک دیا گیا ہے۔ پشاور سے کوئٹہ آنے والی جعفر ایکسپریس کو بھی سبی پر روک دیا گیا۔
ذرائع کے مطابق سبی اسپتال میں ایمرجنسی ہائی الرٹ کردی گئی ہے۔
فریب و مکر کی حکومت میں پرویز خٹک جیسے ہی مشیر بنیں گے، سلمان اکرم راجہ