عمران ہاشمی نے نامناسب رویہ اختیار کیا: جاوید شیخ
اشاعت کی تاریخ: 11th, March 2025 GMT
پاکستانی ڈرامہ اور فلم انڈسٹری کے سینئر اداکار اور پروڈیوسر جاوید شیخ نے ایک نجی چینل کے پروگرام میں انکشاف کیا کہ بھارتی اداکار عمران ہاشمی نے ماضی میں ان کے ساتھ نازیبا رویہ اپنایا تھا، جس پر انہوں نے انہیں ان کی حیثیت یاد دلا دی پروگرام کے دوران میزبان نے جاوید شیخ سے عمران ہاشمی کے ساتھ کام کرنے کے تجربے کے بارے میں سوال کیا جس پر انہوں نے ایک دلچسپ واقعہ بیان کیا۔ جاوید شیخ کے مطابق وہ ایک فلم کی شوٹنگ کے سلسلے میں جنوبی افریقہ کے شہر کیپ ٹاؤن میں موجود تھے جہاں عمران ہاشمی بھی پہنچے تاہم انہیں اس بات کا علم نہیں تھا کہ فلم میں اور کون سے اداکار شامل ہیں فلم کی شوٹنگ سے کچھ دیر پہلے ہدایت کار نے دونوں فنکاروں کا آپس میں تعارف کرایا جاوید شیخ نے عمران ہاشمی سے ملنے کے لیے ہاتھ بڑھایا لیکن بھارتی اداکار نے نہایت بے دلی سے ہاتھ ملایا اور رخ موڑ کر آگے بڑھ گئے اس رویے پر جاوید شیخ کو سخت غصہ آیا مگر انہوں نے خاموشی اختیار کی جاوید شیخ نے بتایا کہ اس واقعے کے بعد انہوں نے عمران ہاشمی سے 15 دن تک کوئی بات نہیں کی اور اسی دوران بھارتی اداکار کو اپنی غلطی کا احساس ہوا آخر کار عمران ہاشمی نے خود آگے بڑھ کر گفتگو کا آغاز کیا اور تعلقات میں تلخی ختم ہوئی انہوں نے مزید کہا کہ جب شوٹنگ کے دوران ریہرسل کا وقت آیا تو وہ خود عمران کے پاس نہیں گئے بلکہ ہدایت کار انہیں وہاں لے کر پہنچے اس موقع پر جاوید شیخ نے عمران ہاشمی کی بدتمیزی کا جواب اپنی سنجیدگی اور خاموشی سے دیا جس کے بعد دونوں کے درمیان گلے شکوے ختم ہو گئے اور بات چیت بحال ہو گئی
.ذریعہ: Nawaiwaqt
کلیدی لفظ: جاوید شیخ نے عمران ہاشمی انہوں نے
پڑھیں:
رمضان المبارک میں ہمارا رویہ سب سے زیادہ خراب ہوتا ہے، نعمان اعجاز
نعمان اعجاز پاکستان کے قابل احترام سینئر اور ورسٹائل اداکاروں میں سے ایک ہیں، جن کا کیریئر کئی دہائیوں پر محیط ہے اور دنیا بھر میں ان کے بےشمار مداح موجود ہیں۔
دشت، میرا سائیں، سنگ مر مر، الف، اور پری زاد جیسے ہٹ ڈراموں میں اپنی بہترین اداکاری کیلئے مشہور اداکار نعمان اعجاز جہاں اداکاری کیلئے عوام میں مقبول ہیں وہی اپنے صاف گو اور بےباک انداز کی وجہ سے بھی جانے جاتے ہیں۔
اداکار سید جبران کے ساتھ ایک حالیہ ویلاگ میں نعمان نے رمضان کے مقدس مہینے میں پاکستانیوں کے رویے کے بارے میں کچھ مزاحیہ لیکن تنقیدی خیالات کا اظہار کیا ہے جو سوشل میڈیا پر وائرل ہو رہا ہے۔
نعمان اعجاز نے بتایا کہ کس طرح یہ بابرکت مہینہ، لوگوں کو روحانیت کے قریب لاتا ہے تاہم اس ہی ماہ میں اکثر لوگوں کی طرف سے بدترین سلوک دیکھنے کو ملتا ہے۔
نعمان اعجاز نے کہا کہ ’بنیادی طور پر اللہ نے رمضان مسلمانوں کے لیے بھیجا، پاکستانیوں کے لیے نہیں۔ جی ہاں، پاکستانی روزے رکھتے ہیں، لیکن وہ اسے برداشت نہیں کر سکتے۔ وہ رمضان میں اپنے غصے پر قابو نہیں رکھ پاتے‘۔
اداکار نے کہا کہ ’ہمارے لوگوں میں عدم برداشت سڑکوں پر بھی واضح دکھائی دیتا ہے۔ سڑک پر ایک دوسرے کو برا بھلا کہتے ہیں، سگنل کے سبز ہونے کا انتظار نہیں کرتے۔ اس کے بجائے، وہ لڑنا شروع کر دیتے ہیں اور گالی گلوچ کی جنگ شروع ہوجاتی ہے۔
انہوں نے مزید کہا کہ ’ہم رمضان کے دوران اپنے رویے میں سب سے زیادہ خراب ہوتے ہیں، حالانکہ ہم دوسرے مہینوں میں بھی اچھے نہیں ہوتے۔ اس کے علاوہ ہم بہت سست اور شدید سست ہیں اس لئے ہم رمضان میں کام نہیں کرنا چاہتے۔ ایک نماز کے لیے جاتے ہیں اور کام سے بچنے کے لیے تمام کام کے اوقات مسجد میں گزارتے ہیں‘۔
انہوں نے عوام کو مخاطب کرتے ہوئے کہا کہ ہم عبادت کو ذاتی فائدے کے لیے استعمال کرتے ہیں اور (فرض عبادت) کے مقصد کو ختم کر دیتے ہیں۔
نعمان اعجاز نے طنزیہ انداز میں تنقید کرتے ہوئے بتایا کہ کس طرح کچھ لوگ رمضان کے مہینے کو روحانیت کے سفر کے آغاز کے بجائے ذاتی سہولت کے لیے استعمال کرتے ہیں اور معاشرے میں ایک بہت بڑے مسئلے کی طرف اشارہ کرتے ہیں۔
اداکار کے مطابق رمضان کے حقیقی سبق صبر، ضبط نفس، اور ہمدردی کو اپنانے کے ہیں جس کے بجائے ہم مزید اپنا رویہ خراب کرلیتے ہیں اور عدم برداشت کا شکار ہوجاتے ہیں۔
’میں مار رہا تھا نا‘، کوہلی کے وکٹ گنوانے پر راہل کا اظہار برہمی