پانی کے مسئلے پر حکومت کے یکطرفہ فیصلے کے ساتھ کھڑے نہیں ہوسکتے، شازیہ مری
اشاعت کی تاریخ: 11th, March 2025 GMT
پاکستان پیپلز پارٹی کی رہنما شازی مری نے کہا ہے کہ صدر آصف علی زرداری ہمیشہ پاکستان کھپے کا نعرہ لگاتے رہے ہیں۔
شازیہ مری نے اسلام آباد میں میڈیا سے گفتگو کرتے ہوئے کہا کہ صدر آصف علی زرداری کے لیے پاکستان ہمیشہ سب سے پہلے ہے۔ وہ ہمیشہ پاکستان کھپے کا نعرہ لگاتے رہے ہیں۔ پارلیمنٹ سے خطاب میں صدر زرداری نے ملکی مسائل، فلسطین اور کشمیر کے حوالے سے گفتگو کی اور پوری دنیا سے فلسطین کی جانب متوجہ ہونے کا مطالبہ کیا۔
شازیہ مری نے کہا کہ صدر زرداری کا کوئی سیاسی دشمن نہیں۔ انہوں نے سیاسی انتقام نہیں لیا۔ ہماری حکومت نہیں ہم اتحادی ہیں مگر صدر آج بھی کہتے ہیں ہم کوئی ایسا کام نہیں کریں گے جس سے پاکستان یا فیڈریشن کو نقصان پہنچے۔انہوں نے کہا کہ صدر ہوں فیڈریشن کو نقصان نہیں پہنچا سکتا۔
پیپلز پارٹی کی رہنما نے مزید کہا کہ پانی کے مسئلے پر حکومت کے یک طرفہ فیصلے کے ساتھ نہیں کھڑے ہو سکتے۔ صدر نے پانی کے حوالے سے پرو پیگنڈے کو کل تقریر میں دفن کردیا۔ کچھ لوگ نیوز کور کرتے ہیں جبکہ کچھ لوگ پروپیگنڈا کرتے ہیں۔ پاکستان کو آج پھر دہشت گردی کا سامنا ہے۔ دہشت گردی کے خلاف ہماری سیکورٹی فورسز لڑ رہی ہیں۔
.ذریعہ: Express News
پڑھیں:
سندھ کے پانی میں کمی کرنے کی بات میں صداقت نہیں، احسن اقبال
وفاقی وزیر برائے منصوبہ بندی احسن اقبال کا کہنا ہے کہ حالات تقاضا کرتے ہیں کہ پانی کے ذخائر کو بہتر کریں، سندھ کے پانی میں کمی کرنے کی بات میں صداقت نہیں۔
جیو نیوز کے پروگرام آج شاہزیب خانزادہ کے ساتھ میں گفتگو کرتے ہوئے احسن اقبال نے کہا کہ 25 سے 27 مقام پر ٹیلی میٹرنگ کے لیے پیپلز پارٹی نے بھی تجاویز دی تھیں، حکومت تمام حلیف جماعتوں کو اہم فیصلوں میں شامل کرتی ہے اور کرے گی، دو سال میں ہر معاشی اشاریے اوپر جارہے ہیں۔
احسن اقبال نے کہا کہ صدر کے خطاب میں اپوزیشن نے ہلڑ بازی کی، اگر جمہوری آزادی نہ ہوتی تو پارلیمنٹ میں یہ منظر دیکھنے کو ملتا؟
وفاقی وزیر نے کہا کہ کیا پی ٹی آئی امریکی کانگریس میں جاکر پاکستان کا ٹرائل نہیں کر رہی؟ پی ٹی آئی ثابت کرنا چاہتی ہے کہ پاکستان میں غزہ اور کشمیر سے زیادہ ظلم ہے۔
اسرائیلی جارحیت پر او آئی سی اجلاس، ڈپٹی وزیراعظم شرکت کریں گے