جسٹن ٹروڈو کی کینیڈین پارلیمنٹ سے ’چنچل‘ اخراج کی تصویر وائرل
اشاعت کی تاریخ: 11th, March 2025 GMT
کینیڈا کے وزیر اعظم جسٹن ٹروڈو نے پیر کو نئے لبرل رہنما اور نامزد وزیر اعظم مارک کارنی سے ملاقات کی تاکہ کینیڈا کے انتخابات میں کارنی کی بھاری اکثریت سے جیت کے بعد اقتدار کی منتقلی کا آغاز کیا جا سکے۔
اسی دوران جسٹن ٹروڈو نے حکومت میں اپنا رہا سہا وقت دلچسپ انداز میں استعمال کرنا شروع کردیا ہے، برطانوی خبررساں ادارے رائٹرز کے ایک فوٹوگرافر نے اسی ایک لمحے کی تصویر کشی کی جب جسٹن ٹروڈو اپنی ہاؤس آف کامنز کی کرسی کو پارلیمنٹ ہل سے باہر لے جارہے تھے، جو ان کے دور اقتدار کے اختتام کا علامتی اشارہ تھا۔
یہ بھی پڑھیں: مارک کارنی کینیڈا کی حکمران پارٹی کے سربراہ منتخب، اگلے وزیراعظم ہونگے
مذکورہ تصویر، جس میں جسٹن ٹروڈو کو دونوں ہاتھوں سے اپنی کرسی اٹھائے اور اپنی زبان باہر نکالتے ہوئے دکھایا گیا ہے، سوشل میڈیا پر تیزی سے وائرل ہوچکی ہے، جہاں اسے حامیوں اور ناقدین دونوں نے یکساں طور پر مختلف زاویہ فکر کے ساتھ شیئر کیا۔
سوشل میڈیا پر ردعملاس تصویر نے فوری طور پر سوشل میڈیا صارفین کی توجہ اپنی جانب مبذول کرلی، جنہوں نے اقتدار کی سنگین منتقلی کے دوران جسٹن ٹروڈو کے حس مزاح کی تعریف کی، بہت سے صارفین نے اس لمحے کو ایک ’عمدہ تصویر‘ جیسے تبصروں کے ساتھ شیئر کیا، جو اپنے چنچل اشارے کے لیے عوام کی تعریف کی عکاسی کرتا ہے۔
دوسری جانب جسٹن ٹروڈو کی یہی تصویر ان کی اقتدار کے ایوان سے نرالے الوداع کی علامت بن گئی، جب وہ اپنے قائدانہ کردار سے دستبردار ہو رہے ہیں۔
ایک صارف نے لکھا کہ ٹروڈو کا ردعمل یہ سب کہتا ہے کہ ‘آخر میری ایک عام زندگی ہے اور فطرت سے لطف اندوز ہورہا ہوں۔‘ ایک اور صارف نے تصویر کی تعریف کرتے ہوئے لکھا کہ ’کیا شاٹ ہے! زبردست تصویر۔‘
ایک تبصرہ نگار نے اس تصویر کو لاجواب تصویر قرار دیتے ہوئے اسے آرکائیوز میں شامل کرنےکا مشورہ دیا تو وہیں ایک صارف نے پوسٹ کیا کہ ’جسٹن ٹروڈو واقعی خوش نظر آرہے ہیں، میں ان کی کمی محسوس کروں گا لیکن وہ اب اپنے اہل خانہ کے ساتھ وقت کے مستحق ہیں۔‘
تصویر کے ظاہری پہلو پر بے اختیار تبصرے سے پرے بعض سوشل میڈیا صارفین جملہ کسنا نہیں بھولے، ایک صارف تو کچھ زیادہ ہی آگے چلے گئے۔ ’ٹروڈو نے 10 سال تک کینیڈا کو لوٹا… تو وہ باہر جاتے ہوئے کرسی کیوں نہیں چراتا؟‘
جسٹن ٹروڈو اپنی الوداعی تقریر میں روپڑےاپنی جذباتی الوداعی تقریر میں جسٹن ٹروڈو نے امریکی صدر ڈونلڈ ٹرمپ پر آخری تنقید کی، اوٹاوا میں اتوار کے روز لبرل لیڈر شپ کے پروگرام کے دوران اسٹیج پر، جب ان کی بیٹی ایلا گریس نے انہیں خطاب کی دعوت دی تو جسٹن ٹروڈو اپنی آنکھیں ٹشو پیپر سے پونچھتے ہوئے نظر آئے۔
مزید پڑھیں: کینیڈا کے آئندہ وزیر اعظم مارک کارنی کون ہیں؟
جسٹن ٹروڈو نے کہا کہ ان گزرے برسوں… گزشتہ 10 برسوں سے، کینیڈینز پر ایک کے بعد ایک چیلنج آئے، ایک کے بعد ایک بحران آیا، لیکن انہوں نے ہر بحران میں ثابت کیا ہے کہ وہ کون ہیں۔
’ہر امتحان میں ہم نے مشترکہ تعاون کیا اور ایک دوسرے کے ساتھ کھڑے ہوئے ہیں، ہم ایک دوسرے کے لیے کھڑے ہوئے ہیں اور ہر بار، ہم اور بھی مضبوط ہوکر ابھرے ہیں۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی صدر اوٹاوا تصویر جسٹن ٹروڈو ڈونلڈ ٹرمپ سوشل میڈیا صارفین کرسی کینیڈا لبرل لیڈر شپ ہاؤس آف کامن ہاؤس آف کامنز وائرل وزیر اعظم.ذریعہ: WE News
کلیدی لفظ: امریکی صدر تصویر جسٹن ٹروڈو ڈونلڈ ٹرمپ سوشل میڈیا صارفین کینیڈا لبرل لیڈر شپ ہاؤس ا ف کامن ہاؤس ا ف کامنز وائرل جسٹن ٹروڈو نے سوشل میڈیا کے ساتھ
پڑھیں:
اُدت نرائن کا اپنی متنازع ویڈیو پر مزاحیہ تبصرہ، ویڈیو دیکھیں
بھارت کے معروف گلوکار اُدت نرائن نے خاتون مداح کو بوسہ کرنے والی متنازع ویڈیو پر ایک مزاحیہ تبصرہ کیا ہے جس کی ویڈیو سوشل میڈیا پر وائرل ہو رہی ہے۔
وائرل ویڈیو میں دیکھا جاسکتا ہے کہ گلوکار اُدت نرائن ایک فلم کی پروموشن ایونٹ میں موجود ہیں جہاں وہ فلم کے نام کو اپنی متنازع ویڈیو سے جوڑتے ہوئے دلچسپ تبصرہ کرتے ہیں۔
اُدت ساتھی فنکار سے کہتے ہیں’ ٹائٹل تو آپ کو بدل لینا چاہیے فلم کا پپی تو ٹھیک ہے۔ بہت خوبصورت ٹائٹل ہے آپ کی فلم کا پنٹو کی پپی۔‘ ساتھ ہی اُدت مزاحیہ انداز میں سوال کرتے ہیں ’اُدت کی پپی تو نہیں؟‘ جس پر وہاں موجود تمام حاضرین زور دار قہقہے لگاتے ہیں۔
View this post on InstagramA post shared by Viral Bhayani (@viralbhayani)
گلوکار نے مزید کہا کہ ’یہ بھی ایک اتفاق ہے کہ اس فلم نے ابھی ریلیز ہونا تھا‘۔ اُدت نرائن کے اس طنز و مزاح نے ایونٹ میں موجود لوگوں کو ہنسنے پر مجبور کردیا۔
ویڈیو کے آخر میں اُدت نرائن نے واضح کیا کہ وہ ویڈیو جو آپ لوگ دیکھ رہے ہیں وہ 2 سال پُرانی ہے جوکہ آسٹریلیا کے ایک کنسرٹ کی ہے۔
واضح رہے کہ ادت نرائن کی ایک کنسرٹ کے دوران خاتون مداح کو ہونٹوں پر بوسہ دینے کی ویڈیو وائرل ہوئی تھی جس پر گلوکار کو شدید تنقید کا نشانہ بنایا گیا تھا۔
کراچی: منافع خوری اور ذخیرہ اندوزی میں ملوث 5 افراد گرفتار، جرمانہ عائد