فلم ڈر کیلئے شاہ رخ خان سے پہلے مجھے آفر ہوئی: عامر خان
اشاعت کی تاریخ: 11th, March 2025 GMT
اگر آپ شاہ رخ خان کے مداح ہیں تو آپ کو ان کا مشہور ترین ڈائیلاگ ک۔۔ک۔۔ کرن تو ضرور یاد ہو گا۔
1993ء میں ریلیز ہونے والی فلم ڈر میں شاہ رخ خان کے خوفناک اور جنونی کردار راہول مہرا نے شائقین پر گہرا اثر چھوڑا تھا، مگر کیا آپ جانتے ہیں کہ یہ کردار پہلے عامر خان کو آفر کیا گیا تھا؟
ایک فلم فیسٹیول کے دوران عامر خان نے انکشاف کیا کہ میں نے ہدایت کار یش چوپڑا کے ساتھ ڈر پر ابتدائی کام کیا تھا، مگر بعد میں اس پروجیکٹ سے الگ ہو گیا، جب میں نے فلم چھوڑ دی تو یہ کردار شاہ رخ خان کو آفر کیا گیا۔
عامر خان نے بتایا کہ یش چوپڑا کی نظر میں راہول مہرا کے لیے شاہ رخ خان زیادہ موزوں تھے۔
انہوں نے شاہ رخ خان کی اداکاری کی تعریف کرتے ہوئے کہا کہ مجھے لگتا ہے کہ شاہ رخ کا انداز اس کردار کے لیے زیادہ مناسب تھا، اگر میں یہ کردار کرتا تو یہ بالکل الگ محسوس ہوتا، مجھے خوشی ہے کہ یہ کردار شاہ رخ کو ملا۔
واضح رہے کہ یش راج فلمز کے بینر تلے بننے والی فلم ڈر ہنی ایرانی اور جاوید صدیقی کے لکھے ہوئے اسکرپٹ پر مبنی تھی۔
فلم کی کہانی کِرن اوستھی (جوہی چاؤلہ) کے گرد گھومتی ہے، جسے اس کا جنونی عاشق راہول مہرا (شاہ رخ خان) مسلسل اسٹاک کرتا ہے۔
جب کرن کی منگنی نیول آفیسر سنیل ملہوترا (سنی دیول) سے ہو جاتی ہے تو راہول کا جنون خطرناک حد تک بڑھ جاتا ہے۔
Post Views: 1.ذریعہ: Daily Mumtaz
کلیدی لفظ: شاہ رخ خان یہ کردار
پڑھیں:
ہانیہ عامر نے انٹرویو کیلئے کتنے لاکھ معاوضے کا مطالبہ کیا؟معروف پوڈ کاسٹر کا بڑا انکشاف
لاہور (ویب ڈیسک) معروف اداکارہ ہانیہ عامر تیزی سے ترقی کی منازل طے کرنے والی اداکارہ اور ماڈل ہیں جس کے باعث ان کی مصروفیات بھی بے انتہا بڑھ گئی ہیں۔
حال ہی میں میزبان اور پوڈ کاسٹر عدنان فیصل نے ایک نجی ٹیلی وژن کے شو میں بطور مہمان شرکت کی، ایک سوال کے جواب میں عدنان فیصل نے انکشاف کیا کہ میں نے ہانیہ عامر کو پوڈکاسٹ میں انٹرویو کے لئے دعوت دی لیکن انہوں نے 20 لاکھ روپے کا مطالبہ کیا تھا۔
عدنان فیصل نے مزید بتایا کہ میں نے 400 سے 500 تک ہی پوڈکاسٹ ریکارڈ کی ہیں اور کسی کو معاوضہ نہیں دیا تو ہانیہ عامر کو کیوں دوں؟ اس لیے یہ انٹرویو نہیں ہوسکا تھا۔
Post Views: 4
آسٹریلیاکو 4 وکٹوں سے شکست، بھارت کی پانچویں بار چیمپئنز ٹرافی کے فائنل تک رسائی