سرفراز کی انگریزی پر سوال کرنے والے نوجوان کو جویریہ سعود کا کرارا جواب
اشاعت کی تاریخ: 11th, March 2025 GMT
ایکسپریس انٹرینمنٹ کی خصوصی ٹرانسمیشن پیارا رمضان میں قومی ٹیم کے سابق کپتان اور پاکستان کے ہیرو سرفراز احمد نے شرکت کی۔
پروگرام میں کراچی سے تعلق رکھنے والے ایک کالر اسد نے بذریعہ ٹیلی فون سرفراز احمد سے اُن کی کمزور انگریزی سے متعلق سوال کیا۔ کالر نے کہا کہ میں نے آپ کے کئی انٹرویوز دیکھیں جن میں آپ انگریزی بولتے وقت گھبرا جاتے تھے۔
اس سوال کے جواب میں سرفراز احمد نے ہنستے ہوئے جواب دیا کہ کیمرے کے آگے ہر شخص پریشر میں آجاتا ہے اور بھول بھی جاتا ہے، ہم لوگ کرکٹ کھیلتے ہیں اور اپنی زبان استعمال کرنے کے عادی ہوتے ہیں تو دوسری زبان میں گفتگو کرتے ہوئے مشکل ہوتی ہے۔
پروگرام کی میزبان جویریہ سعود نے برجستہ جواب دیتے ہوئے کہا کہ ’ہم کیونکہ پاکستانی ہے اور میں بھی بہت گھبرا جاتی ہوں، ہماری قومی اور مادری زبان اردو ہے اس لیے انگریزی سے پہلے ہمیں اردو ٹھیک طریقے سے بولنا سیکھنا چاہیے جبکہ ہم تو اردو بھی غلط بولتے ہیں۔
جویریہ سعود نے کہا کہ ’انگریزی بولنا کوئی فخر کی بات نہیں ہے، آپ اسپین، پیرس، اٹلی، چین، جاپان، ترکیہ سمیت کہیں بھی جائیں تو وہاں کے لوگوں کو انگریزی بولنے والے پر غصہ آتا ہے اور وہ اصرار کرتے ہیں کہ ہماری زبان میں بات کرو‘۔
میزبان نے کہا کہ ’ہمیں اپنی چیزوں اور اپنی زبان پر فخر کرنا چاہیے، ہمارا مسئلہ یہی ہے کہ ہم دوسروں کی چال چلتے ہوئے اپنی چال بھی بھول جاتے ہیں‘۔
جویریہ سعود نے سوال کو فضول قرار دیتے ہوئے کہا کہ ’ان فضولیات میں پڑھنے سے بہتر ہے کہ اپنے ہیروز کو آگے بڑھانے کیلیے اور زیادہ حوصلہ دیں‘۔
TagsShowbiz News Urdu.
ذریعہ: Al Qamar Online
کلیدی لفظ: جویریہ سعود
پڑھیں:
جسٹن ٹروڈو کی کینیڈین پارلیمنٹ سے ’چنچل‘ اخراج کی تصویر وائرل
کینیڈا کے وزیر اعظم جسٹن ٹروڈو نے پیر کو نئے لبرل رہنما اور نامزد وزیر اعظم مارک کارنی سے ملاقات کی تاکہ کینیڈا کے انتخابات میں کارنی کی بھاری اکثریت سے جیت کے بعد اقتدار کی منتقلی کا آغاز کیا جا سکے۔
اسی دوران جسٹن ٹروڈو نے حکومت میں اپنا رہا سہا وقت دلچسپ انداز میں استعمال کرنا شروع کردیا ہے، برطانوی خبررساں ادارے رائٹرز کے ایک فوٹوگرافر نے اسی ایک لمحے کی تصویر کشی کی جب جسٹن ٹروڈو اپنی ہاؤس آف کامنز کی کرسی کو پارلیمنٹ ہل سے باہر لے جارہے تھے، جو ان کے دور اقتدار کے اختتام کا علامتی اشارہ تھا۔
یہ بھی پڑھیں: مارک کارنی کینیڈا کی حکمران پارٹی کے سربراہ منتخب، اگلے وزیراعظم ہونگے
مذکورہ تصویر، جس میں جسٹن ٹروڈو کو دونوں ہاتھوں سے اپنی کرسی اٹھائے اور اپنی زبان باہر نکالتے ہوئے دکھایا گیا ہے، سوشل میڈیا پر تیزی سے وائرل ہوچکی ہے، جہاں اسے حامیوں اور ناقدین دونوں نے یکساں طور پر مختلف زاویہ فکر کے ساتھ شیئر کیا۔
سوشل میڈیا پر ردعملاس تصویر نے فوری طور پر سوشل میڈیا صارفین کی توجہ اپنی جانب مبذول کرلی، جنہوں نے اقتدار کی سنگین منتقلی کے دوران جسٹن ٹروڈو کے حس مزاح کی تعریف کی، بہت سے صارفین نے اس لمحے کو ایک ’عمدہ تصویر‘ جیسے تبصروں کے ساتھ شیئر کیا، جو اپنے چنچل اشارے کے لیے عوام کی تعریف کی عکاسی کرتا ہے۔
دوسری جانب جسٹن ٹروڈو کی یہی تصویر ان کی اقتدار کے ایوان سے نرالے الوداع کی علامت بن گئی، جب وہ اپنے قائدانہ کردار سے دستبردار ہو رہے ہیں۔
ایک صارف نے لکھا کہ ٹروڈو کا ردعمل یہ سب کہتا ہے کہ ‘آخر میری ایک عام زندگی ہے اور فطرت سے لطف اندوز ہورہا ہوں۔‘ ایک اور صارف نے تصویر کی تعریف کرتے ہوئے لکھا کہ ’کیا شاٹ ہے! زبردست تصویر۔‘
ایک تبصرہ نگار نے اس تصویر کو لاجواب تصویر قرار دیتے ہوئے اسے آرکائیوز میں شامل کرنےکا مشورہ دیا تو وہیں ایک صارف نے پوسٹ کیا کہ ’جسٹن ٹروڈو واقعی خوش نظر آرہے ہیں، میں ان کی کمی محسوس کروں گا لیکن وہ اب اپنے اہل خانہ کے ساتھ وقت کے مستحق ہیں۔‘
تصویر کے ظاہری پہلو پر بے اختیار تبصرے سے پرے بعض سوشل میڈیا صارفین جملہ کسنا نہیں بھولے، ایک صارف تو کچھ زیادہ ہی آگے چلے گئے۔ ’ٹروڈو نے 10 سال تک کینیڈا کو لوٹا… تو وہ باہر جاتے ہوئے کرسی کیوں نہیں چراتا؟‘
جسٹن ٹروڈو اپنی الوداعی تقریر میں روپڑےاپنی جذباتی الوداعی تقریر میں جسٹن ٹروڈو نے امریکی صدر ڈونلڈ ٹرمپ پر آخری تنقید کی، اوٹاوا میں اتوار کے روز لبرل لیڈر شپ کے پروگرام کے دوران اسٹیج پر، جب ان کی بیٹی ایلا گریس نے انہیں خطاب کی دعوت دی تو جسٹن ٹروڈو اپنی آنکھیں ٹشو پیپر سے پونچھتے ہوئے نظر آئے۔
مزید پڑھیں: کینیڈا کے آئندہ وزیر اعظم مارک کارنی کون ہیں؟
جسٹن ٹروڈو نے کہا کہ ان گزرے برسوں… گزشتہ 10 برسوں سے، کینیڈینز پر ایک کے بعد ایک چیلنج آئے، ایک کے بعد ایک بحران آیا، لیکن انہوں نے ہر بحران میں ثابت کیا ہے کہ وہ کون ہیں۔
’ہر امتحان میں ہم نے مشترکہ تعاون کیا اور ایک دوسرے کے ساتھ کھڑے ہوئے ہیں، ہم ایک دوسرے کے لیے کھڑے ہوئے ہیں اور ہر بار، ہم اور بھی مضبوط ہوکر ابھرے ہیں۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی صدر اوٹاوا تصویر جسٹن ٹروڈو ڈونلڈ ٹرمپ سوشل میڈیا صارفین کرسی کینیڈا لبرل لیڈر شپ ہاؤس آف کامن ہاؤس آف کامنز وائرل وزیر اعظم
کراچی: منافع خوری اور ذخیرہ اندوزی میں ملوث 5 افراد گرفتار، جرمانہ عائد