میئر ویسٹ مڈلینڈز کا ہڑتالوں کے حل کا حکم
اشاعت کی تاریخ: 11th, March 2025 GMT
ویسٹ مڈلینڈز کے میئر نے برمنگھم سٹی اور اس کے گردونواح کے علاقوں میں کنٹینر کے کارکنوں کی جاری ہڑتالوں کے حل کا حکم دے دیا ہے۔
انہوں نے ہڑتال پر جانے سے قبل ہی مطالبات حل کرنے کے منصفانہ طریقے تلاش کرنے کا حکم دیا، کچرا اٹھانے والے کارکنوں نے جنوری سے شہر بھر میں اجرتوں اور کام کی زیادتی پر احتجاج کرتے ہوئے ایک روزہ ہڑتالوں کا سلسلہ شروع کیا تھا جبکہ اب دوبارہ ہڑتال کی کال دے دی۔
تجارتی یونین یونائیٹ نے کہا کہ عملے نے منگل سے مکمل ہڑتال کرنے کے لیے ووٹ دیا ہے۔
ایک بیان میں برمنگھم سٹی کونسل نے کہا کہ اس ہڑتال کی شدت سے رہائشیوں کو مزید مشکلات کا سامنا ہوگا، حالانکہ کونسل نے یونین کو ہڑتال کے آغاز سے پہلے منصفانہ اور معقول پیشکش کی تھی۔
ویسٹ مڈلینڈز کے مئیر رچرڈ پارکر نے کہا کہ یونین اور کونسل کو ’’فوری طور پر‘‘ حل تلاش کرنے کے لیے بیٹھنا چاہیے یہ کچرا ہڑتال برمنگھم کے لوگوں کو نقصان پہنچا رہی ہے غلاظت اور بدبو سے صحت کی خرابی جیسے امراض جنم لیں گے۔
انہوں نے کہا کہ کچرا نہیں اٹھایا جارہا اور سڑکیں مزید گندی ہوتی جا رہی ہیں، دونوں طرف کو سنجیدگی سے اور حقیقت میں اس مسئلے کو حل کرنے کے لیے بیٹھنا چاہیے۔
یونین کے رہنماؤں نے کہا کہ ہڑتالیں اجرتوں اور حالات پر اختلاف کی وجہ سے شروع ہوئیں، خاص طور پر ایک مخصوص ملازمت کے عہدے کے خاتمے کی وجہ سے رہائشی بھی اس صورتحال پر اپنی بے چینی کا اظہار کر رہے ہیں۔
رہائشیوں کی طرف سے ایک درخواست بھی دی گئی جس میں لیبر کے زیر انتظام کونسل سے ’’جاری ناکامیوں کے حل کے لیے فوری کارروائی کرنے‘‘ کی اپیل کی گئی ہے، جس میں 4,000 سے زائد دستخط کروائے جا چکے ہیں۔
درخواست کی منتظم نیکولا واکر نے لکھا کہ سڑکوں گلیوں سے بھرا ہوا کچرا ’’کیڑے مکوڑے کو متوجہ کرتا ہے اور بدبو پیدا کرتا ہے‘‘ انہوں نے فوری حل کا مطالبہ کیا اور مزید کہا کہ کونسل سڑکوں کو کچرے سے بھر رہی ہے جس سے شہر میں چوہوں کا مسئلہ مزید بڑھ جائے گا، لہٰذا ہڑتال کو ختم کیا جاۓ۔
Post Views: 4.ذریعہ: Daily Mumtaz
کلیدی لفظ: نے کہا کہ کرنے کے کے لیے
پڑھیں:
مرتضیٰ وہاب کا کراچی میں 12 ہزار سے زائد اسٹریٹ لائٹس لگانے کا اعلان
میئر کراچی مرتضیٰ وہاب نے رمضان المبارک میں شہر کی 246 یوسیز میں 12 ہزار سے زائد اسٹریٹ لائٹس لگانے کا اعلان کردیا۔
کے ایم سی ہیڈ آفس میں اسٹریٹ لائٹس تقسیم کرنے کی تقریب سے خطاب میں مرتضی وہاب نے کہا کہ کراچی کی روشنیاں واپس لارہے ہیں۔
انہوں نے کہا کہ رمضان المبارک میں کراچی کی 246 یوسیز میں 12 ہزار سے زیادہ اسٹریٹ لائٹس لگائی جائیں گی، تمام چیئرمینوں کو 50، 50 اسٹریٹ لائٹس دی جارہی ہیں۔
میئر کراچی نے مزید کہا کہ یہ اسٹریٹ لائٹس تمام چیئرمین کو بلاامتیاز و تفریق دی گئی ہیں، کراچی کی رنگ و رعنایاں بھی واپس آرہی ہیں۔
اُن کا کہنا تھا کہ پورا شہر امن و سکون کے ساتھ رمضان المبارک گزار رہا ہے، روشن کراچی کی تفصیلات کراچی والوں کے ساتھ شیئر کرنی ہے۔
مرتضیٰ وہاب نے یہ بھی کہا کہ ہر ٹاؤن میں بڑے بڑے پراجیکٹ پر کام کا آغاز کر دیا ہے، ہر ٹاؤن میں بلدیہ عظمیٰ کام کرے گی۔
انہوں نے کہا کہ بلدیہ عظمیٰ کراچی کی آمدنی کراچی کی عوام کی امانت ہے، ہم نے پچھلے ڈیڑھ سال میں سخت فیصلے کیے، پریشانیاں جو کاٹیں آپ نے اس کے ثمرات آنا شروع ہوگئے ہیں۔
میئر کراچی نے کہا کہ خدمت مزید مؤثر انداز میں کرنے کی ضرورت ہے، بلدیہ عظمیٰ کراچی کی آمدنی اب بہتر ہوئی ہے۔
مشال یوسفزئی نے عہدے سے ہٹائے جانے کی تصدیق کردی