وفاقی سیکرٹری اطلاعات عنبرین جان سمیت 10افسروں کی گریڈ 22 میں ترقی
اشاعت کی تاریخ: 11th, March 2025 GMT
اسلام آباد (اپنے سٹاف رپورٹر سے) نائب وزیراعظم محمد اسحاق ڈار کی زیر صدارت اعلی اختیاراتی سلیکشن بورڈ کے 29 ویں اجلاس میں انفارمیشن گروپ میں گریڈ 21 کی سینئر آفیسر،وفاقی سیکرٹری اطلاعات و نشریات محترمہ عنبرین جان کو گریڈ 22 میں ترقی دینے کی منظوری دے دی گئی پیر کے روز منعقدہ ہائی پاورڈ سلیکشن بورڈ (HPSB) کے اجلاس میں گریڈ 21 سے گریڈ 22 میں ترقی دینے کیلئے دیگر دس سینئر افسران کی منظوری بھی دی گئی جن میں سیکرٹریٹ گروپ کے محترمہ عائشہ حمیرہ چوہدری، ظہور احمد، ڈاکٹر نواز احمد، حماد شمیمی، محمد اسلم غوری، پاکستان آڈٹ اینڈ اکائونٹس سروس کے شہزاد حسن، سید محمد عمار نقوی، پوسٹل گروپ کے سمیع اللہ خان، ریلوے (C&T) گروپ کے سید مظہر علی شاہ شامل ہیں اس سلسلے میں نوٹیفیکیشن جاری کردیا گیا۔
.ذریعہ: Nawaiwaqt
پڑھیں:
نو مئی سمیت4مقدمات کی سماعت، سینئر پی ٹی آئی رہنماوں پر ترمیمی فرد جرم عائد
انسداد دہشت گردی عدالت نے سانحہ نومئی، عسکری ٹاور حملہ اور تھانہ شادمان نذر آتش سمیت چار مقدمات کے جیل ٹرائل بارے سماعت کی۔
عدالت نے تین مقدمات میں پی ٹی آئی رہنماوں پر ترمیمی فرد جرم عائد کر دی، ملزمان پر عسکری ٹاور حملہ،زمان پارک اور جناح ہاوس کے قریب پولیس کی گاڑیاں جلانے کے مقدمات میں فرد جرم عائد کی گئی۔ڈاکٹر یاسمین راشد سمیت دیگر ملزمان نے صحت جرم سے انکار کیا، عدالت نے 13 مارچ کو ملزمان کے خلاف گواہان کو طلب کر لیا، آئندہ سماعت پر تھانہ شادمان نذر آتش کیس میں ترمیمی فرد جرم عائد ہو گی۔
انسداد دہشتگردی عدالت کے ایڈمن جج منظر علی گل نے کوٹ لکھپت جیل میں سماعت کی، عدالت نے پراسیکیوشن کی مقدمات میں فرد جرم میں ترمیم کی درخواست منظور کر رکھی ہے ،پراسیکیوشن نے تمام الزامات اور دفعات کے لحاظ سے دوبارہ فرد جرم عائد کرنے کی استدعا کی ہے۔
عدالت نے پراسیکیوشن کو فرد جرم میں ترمیم کی اجازت دے دی، خدیجہ شاہ اور صنم جاوید سمیت دیگر برضمانت ملزمان پیش ہوئے، شاہ محمود قریشی اور ڈاکٹر یاسمین راشد سمیت دیگر زیر حراست ملزمان کی حاضری مکمل کی گئی۔ملزمان کی جانب سے رانا مدثر عمر ایڈووکیٹ اور برہان معظم ملک ایڈووکیٹ پیش ہوئے، مقدمہ کے برضمانت ملزمان میں صنم جاوید، عالیہ حمزہ ، طیبہ راجہ، خدیجہ شاہ اور روبینہ جمیل سمیت دیگر شامل ہیں۔واضح رہے پی ٹی آئی رہنماوں پر کارکنان کو نو مئی بغاوت اور فسادات پر اکسانے کا الزام ہے۔
آسٹریلیاکو 4 وکٹوں سے شکست، بھارت کی پانچویں بار چیمپئنز ٹرافی کے فائنل تک رسائی