ملتان پولیس ڈاکے اور چوریاں روکنے کی بجائے بے جا خود نمائی میں مصروف ہے، ملی یکجہتی کونسل
اشاعت کی تاریخ: 10th, March 2025 GMT
ملتان سے جاری بیان میں ملی یکجہتی کونسل کے صوبائی صدر کا کہنا تھا کہ جب سے موجودہ سی پی او اور ایس پیز نے چارج سنبھالا ہے ملتان کی عوام خود کو غیرمحفوظ پاتے ہیں، تھانے جرائم روکنے کی بجائے جرائم پیشہ عناصر سے منتھلیاں لینے میں مصروف ہیں، جرائم پیشہ افراد کو جرائم کرنے کی کھلی چھٹی دے رکھی ہے۔ اسلام ٹائمز۔ رمضان المبارک کے مقدس مہینے میں ڈاکو اور چور ملتان کے لوگوں کو لوٹنے لگے اور تھانے افسران کے لئے عیدی جمع کرنے میں مصروف ہیں، یہ بات ملی یکجہتی کونسل جنوبی پنجاب کے صدر حافظ محمد اسلم اور سیکرٹری جنرل محمد ایوب مغل نے پریس ریلیز میں کہی۔ انہوں نے مزید کہا کہ ڈاکے اور چوریاں روکنے کی بجائے ضلع ملتان کی پولیس بے جا خود نمائی میں مصروف ہے، جب سے موجودہ سی پی او اور ایس پیز نے چارج سنبھالا ہے ملتان کی عوام خود کو غیرمحفوظ پاتے ہیں، تھانے جرائم روکنے کی بجائے جرائم پیشہ عناصر سے منتھلیاں لینے میں مصروف ہیں اور جرائم پیشہ افراد کو جرائم کرنے کی کھلی چھٹی دے رکھی ہے، ملتان پولیس ڈاکے اور چوریاں روکنے کی بجائے امن پسند شرفا کو پریشرائز کرنے کے لئے گھروں پر بے جا پولیس بھیجی جا رہی ہے تاکہ ان کی آواز حق کو دبایا جاسکے، ڈاکے اور چوری کی وارداتوں اور منتھلیاں لینے پر اور ضلع ملتان کی دیگر بے قائدگیوں پر ملی یکجہتی کونسل جنوبی پنجاب وائٹ پیپر جلد شائع کرے گی اور ملی یکجہتی کا وفد ملتان اور لاہور میں اعلی افسران سے ملاقات کرکے ملتان کے حالات سے آگاہ کرے گا، ملی یکجہتی کونسل پاکستان کے مرکزی ناظم اعلی لیاقت بلوچ اور دیگر قائدین رمضان المبارک میں جلد ملتان تشریف لا رہے ہیں، ان سے تفصیلی مشاورت ہوگی، قائدین کی آمد پر ان کے اور ملتان کے صحافی حضرات اور معززین کے اعزاز میں افطار ڈنر بھی دیا جائے گا۔
.ذریعہ: Islam Times
کلیدی لفظ: ملی یکجہتی کونسل روکنے کی بجائے جرائم پیشہ میں مصروف ملتان کی کے اور
پڑھیں:
مشترکہ اجلاس: حکومت نے اپوزیشن کا احتجاج روکنے کی حکمت عملی بنالی
اسلام آباد(ڈیلی پاکستان آن لائن )پارلیمنٹ کے آج ہونے والے مشترکہ اجلاس کا ایجنڈا بھی جاری کر دیا گیا۔
نجی ٹی وی جیو نیوز کے مطابق پارلیمنٹ کا مشترکہ اجلاس آج سہ پہر 3 بجے ہو گا جس سے صدر آصف علی زرداری خطاب کریں گے۔ سپیکر قومی اسمبلی ایاز صادق پارلیمنٹ کے مشترکہ اجلاس کی صدارت کریں گے۔پارلیمنٹ کے مشترکہ اجلاس کا دو نکاتی ایجنڈا بھی جاری کر دیا گیا ہے، صدر آصف علی زرداری اتحادی حکومت کی ایک سالہ کارکردگی کا احاطہ کریں گے، صدر کے خطاب کے علاوہ ایوان میں کوئی اور کارروائی نہیں ہو گی۔ صدر کا خطاب مکمل ہوتے ہی اجلاس غیر معینہ مدت کے لئے ملتوی کردیا جائے گا۔
صدر کے خطاب کے دوران اپوزیشن ارکان کی جانب سے احتجاج کئے جانے کا بھی امکان ہے جبکہ حکومت نے بھی اپوزیشن کے ممکنہ احتجاج کو ناکام بنانے کی حکمت عملی تیار کرلی ہے۔
وزیراعظم شہباز شریف ایوان آمد پر صدر مملکت آصف علی زرداری کا استقبال کریں گے۔ صدر مملکت اپنے خطاب سے قبل سپیکر چیمبر میں وزیراعظم سے ملاقات کریں گے۔
حکومتی معاشی ٹیم اورآئی ایم ایف کے درمیان ایگری کلچر انکم ٹیکس پر مذاکرات
مزید :
پاکستان کی برآمدات میں 17 فیصد کمی، تجارتی خسارہ بڑھ گیا