آصف زرداری نے اپنی تقریر میں مسائل کے حل کی واضح سمت دی، سرفراز بگٹی
اشاعت کی تاریخ: 10th, March 2025 GMT
اپنے بیان میں وزیراعلیٰ بلوچستان سرفراز بگٹی نے کہا کہ صدر مملکت نے اپنے خطاب میں قومی مسائل کا بخوبی احاطہ کیا اور ملک کی سیاسی، اقتصادی اور سماجی صورتحال پر جامع انداز میں اظہار خیال کیا۔ اسلام ٹائمز۔ وزیراعلیٰ بلوچستان سرفراز احمد بگٹی نے صدر مملکت آصف علی زرداری کے پارلیمنٹ کے مشترکہ اجلاس سے خطاب کو قوم کی امنگوں کا آئینہ دار قرار دیا ہے۔ اپنے ایک بیان میں وزیراعلیٰ بلوچستان نے کہا کہ صدر مملکت نے اپنے خطاب میں قومی مسائل کا بخوبی احاطہ کیا اور ملک کی سیاسی، اقتصادی اور سماجی صورتحال پر جامع انداز میں اظہار خیال کیا۔ سرفراز بگٹی نے کہا کہ صدر مملکت آصف علی زرداری نے گورننس، تعلیم، صحت اور دیگر عوامی مسائل پر بات کرتے ہوئے ان کے حل کے لئے قومی قیادت کو ایک واضح سمت دی۔ صدر مملکت کا خطاب اور ان کا عزم پاکستان کے روشن مستقبل کی نوید ہے اور یہ خطاب تمام سیاسی قوتوں کے لئے ایک رہنماء اصول فراہم کرتا ہے۔ وزیراعلیٰ سرفراز بگٹی نے پارلیمنٹ کے اس اجلاس کے دوران پاکستان تحریک انصاف کے اراکین کے رویے کو غیر سنجیدہ قرار دیتے ہوئے کہا کہ پی ٹی آئی نے ایک بار پھر غیر جمہوری اور غیر پارلیمانی طرز عمل کا مظاہرہ کیا۔
ان کا کہنا تھا کہ قومی امور پر مشتمل ایک اہم خطاب پر غور کرنے کے بجائے پی ٹی آئی اراکین شخصیت پرستی اور غیر ضروری تنازعات میں الجھے رہے۔ جس سے ان کی غیر سنجیدگی اور غیر جمہوری رویہ ایک بار پھر عیاں ہو گیا۔ وزیراعلیٰ بلوچستان نے کہا کہ ملک کے اعلیٰ ترین آئینی منصب پر فائز صدر مملکت آصف علی زرداری کی سیاسی فہم و فراست کسی تعارف کی محتاج نہیں اور ان کی قیادت میں پاکستان ایک مستحکم، معاشی اور فلاحی ریاست کے طور پر ابھر رہا ہے۔ وزیراعلیٰ بلوچستان نے اس عزم کا اظہار کیا کہ غیر جمہوری رویوں کے باوجود ترقی کا سفر جاری رہے گا۔ انہوں نے کہا کہ ملک کو درپیش چیلنجز سے نمٹنے کے لئے تمام جمہوری قوتوں کو مل کر کام کرنا ہوگا۔
ذریعہ: Islam Times
کلیدی لفظ: سرفراز بگٹی صدر مملکت نے کہا کہ بگٹی نے
پڑھیں:
نئے پارلیمانی سال کے آغاز پر پارلیمنٹ کا مشترکہ اجلاس: صدر مملکت آصف علی زرداری کا خطاب جاری
نئے پارلیمانی سال کے آغاز پر پارلیمنٹ کے مشترکہ اجلاس کا آغاز ہوگیا، صدر مملکت آصف علی زرداری مشترکہ اجلاس سے خطاب کررہے ہیں۔
نجی ٹی وی کے مطابق صدر زرداری اپنے خطاب میں حکومت کی ایک سالہ کارکردگی پراظہارخیال کریں گے۔
اجلاس میں وزیراعظم شہباز شریف کے علاوہ ترکی، متحدہ عرب امارات، آذربائیجان۔فلسطین۔جرمن ۔فرانسیسی اور عراقی سفیر بھی اجلاس میں شریک ہیں۔
وزیراعلی سندھ مراد علی شاہ اور وزیراعلی بلوچسستان سرفراز بگٹی بھی پارلیمنٹ میں موجود ہیں۔اسپیکر پنجاب اسمبلی ملک احمد خان بھی اجلاس میں شرکت کرنے کے لیے پہنچ چکےہیں۔
Post Views: 1
بلدیاتی مسائل کو حل کرنا ہم اپنی ذمہ داری سمجھتے ہیں،، بیرسٹر مرتضیٰ وہاب