چیمپیئنز ٹرافی کی فائنل تقریب میں پاکستان کو کیوں نظرانداز کیا گیا، آئی سی سی نے وضاحت کردی
اشاعت کی تاریخ: 10th, March 2025 GMT
آئی سی سی چیمپیئنز ٹرافی 2025 کے فائنل کی انعامی تقریب کے موقع پر پی سی بی کے حکام کی اسٹیج پر عدم موجودگی پر آئی سی سی کا مؤقف سامنے آگیا۔
پاکستان چونکہ آئی سی سی چیمپیئنز ٹرافی 2025 کا میزبان تھا، تاہم اختتامی تقریب میں پاکستان کرکٹ بورڈ کا کوئی عہدیدار موجود نہیں تھا، پاکستان کرکٹ بورڈ نے اس معاملے پر آئی سی سی سے وضاحت بھی طلب کی تھی۔
یہ بھی پڑھیں چیمپئنز ٹرافی کی فائنل تقریب، پی سی بی کو نمائندگی کیوں نہ دی گئی، معاملہ آئی سی سی میں اٹھانے کا فیصلہ
آئی سی سی چیمپیئنز کا فائنل ختم ہونے کے بعد جب فاتح ٹیم کو ٹرافی اور دیگر ایوارڈز دینے کی تقریب کا انعقاد کیا گیا تو اس موقع پر چیئرمین آئی سی سی جے شاہ، صدر بھارتی کرکٹ بورڈ راجربینی، سیکریٹری بی سی بی آئی اور نیوزی لیند کرکٹ بورڈ کے راجر ٹوز موجود تھے، اس موقع پر پاکستان کرکٹ بورڈ کے کسی نمائندے کو اسٹیج پر آنے کی دعوت نہیں دی گئی۔
پاکستان کرکٹ بورڈ کے چیف آپریٹنگ آفیسر اور ٹورنامنٹ ڈائریکٹر سمیر احمد سید کی وہاں موجودگی کے باوجود انہیں اسٹیج پر نہیں بلایا گیا۔
اس معاملے پر پاکستان کرکٹ بورڈ کے حکام سخت برہم ہیں اور آئی سی سی کو خط لکھ کر وضاحت طلب کرنے کے بارے میں سوچ جارہا ہے کہ میزبان پاکستان کو کیوں نظرانداز کیا گیا۔
پاکستان کرکٹ بورڈ نے آئی سی سی کو آگاہ کردیا تھا کہ چیئرمین پاکستان کرکٹ بورڈ محسن نقوی فائنل کے موقع پر دستیاب نہیں ہوں گے، اس لیے سمیر احمد سید پاکستان کی نمائندگی کریں گے۔
یہاں یہ واضح رہے کہ آئی سی سی کے حکام ہی اس بات کا فیصلہ کرتے ہیں کہ اختتامی تقریب میں کس کو اسٹیج پر دعوت دی جائےگی۔
پی سی بی کے کسی عہدیدار کو اختتامی تقریب میں شامل نہ کرنے کے بعد ہونے والی قیاس آرائیوں پر اب آئی سی سی کا مؤقف سامنے آیا ہے جس میں کہا گیا ہے کہ انٹرنیشنل کرکٹ کونسل نے چیئرمین پی سی بی محسن نقوی کو فائنل کی تقریب میں شرکت کی دعوت دی تھی تاہم انہوں نے شرکت نہیں کی۔
آئی سی سی نے کہا ہے کہ فائنل تقریب میں قوانین کے مطابق میزبان بورڈ کے سربراہ، نائب صدر یا سی ای او کو مدعو کرتا ہے۔
یہ بھی پڑھیں آئی سی سی کا چیمپیئنز ٹرافی ٹیم آف دی ٹورنامنٹ کا اعلان، کس ٹیم کے کتنے کھلاڑی شامل ہیں؟
آئی سی سی کے بیان کے مطابق بورڈ کے دیگر عہدیدار اگر موقع پر موجود بھی ہوں تو انہیں اسٹیج پر نہیں بلایا جاتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی سی سی وضاحت آئی سی سی پی سی بی چیئرمین پی سی بی چیمپیئنز ٹرافی فائنل تقریب محسن نقوی وی نیوز.ذریعہ: WE News
کلیدی لفظ: پی سی بی چیئرمین پی سی بی چیمپیئنز ٹرافی فائنل تقریب محسن نقوی وی نیوز پاکستان کرکٹ بورڈ چیمپیئنز ٹرافی کرکٹ بورڈ کے فائنل تقریب اسٹیج پر پی سی بی
پڑھیں:
چیمپئنز ٹرافی کی اختتامی تقریب میں پی سی بی حکام کو نہ بلانے پر بورڈ ناخوش، آئی سی سی کے سامنے معاملہ اٹھایا جائے گا
چیمپئنز ٹرافی کی اختتامی تقریب میں پی سی بی حکام کو نہ بلانے پر بورڈ ناخوش، آئی سی سی کے سامنے معاملہ اٹھایا جائے گا WhatsAppFacebookTwitter 0 10 March, 2025 سب نیوز
دبئی (سب نیوز )آئی سی سی چیمپئنز ٹرافی 2025 کی اختتامی تقریب میں پاکستان کرکٹ بورڈ (پی سی بی) حکام کو نہ بلانے پر بورڈ ناخوش ہے جس پر آئی سی سی سے احتجاج کا فیصلہ کرلیا اور معاملے پر آئی سی سی سے وضاحت مانگی جائے گی۔دبئی میں کھیلے گئے آئی سی سی چیمپیئنز ٹرافی کا فائنل ختم ہونے پر ٹرافی اور دوسرے ایوارڈز دینے کی تقریب ہوئی جس میں آئی سی سی کے چیئرمین جے شاہ، بھارتی کرکٹ بورڈ کے صدر راجربینی، سیکرٹری بی سی بی آئی اور نیوزی لیند کرکٹ بورڈ کے راجر ٹوز موجود تھے۔
حیران کن طور پر میزبان پی سی بی کے نمائندے کو آئی سی سی نے مدعو نہیں کیا تھا۔ذرائع کے مطابق پی سی بی کے چیف آپریٹنگ آفیسر اور ٹورنامنٹ ڈائریکٹر سمیر احمد سید وہاں موجود تھے لیکن آئی سی سی نے ان کو اس تقریب میں مدعو نہیں کیا۔ایونٹ کی اختتامی تقریب میں پی سی بی حکام کو نہ بلانے پر بورڈ نے اظہار ناراضی کا اظہار کرتے ہوئے آئی سی سی سے احتجاج کا فیصلہ کیا ہے۔
پی سی بی کا کہنا ہے کہ سمیر احمد سید کو اسٹیج پر نہ بلانا سمجھ سے بالاتر ہے، چیئرمین پی سی بی کی مصروفیت کی باعث سمیرسید نے نمائندگی کی۔پی سی بی حکام اس حوالے سے باقاعدہ طور پر آئی سی سی کو خط لکھنے کا ارادہ رکھتے ہیں تاکہ ان سے وضاحت مانگی جائے کہ میزبان بورڈ کو نظر انداز کیوں کیا گیا۔پی سی بی سربراہ محسن نقوی کی فائنل پر عدم دستیابی کے بارے میں آئی سی سی کو آگاہ کر دیا گیا تھا کہ سمیر احمد سید فائنل پر پاکستان کی نمائندگی کریں گے۔
اختتامی تقریب میں اسٹیج پر کس کو مدعو کرنا ہے، اس کا فیصلہ آئی سی سی حکام نے ہی کرنا ہوتا ہے۔ماضی میں آئی سی سی ایونٹس پر میزبان ملک کی اسٹیج پر نمائندگی ہمیشہ ہوتی رہی ہے مگر حیران کن طور پر دبئی میں اس روایت کی پاسداری نہیں کی گئی جس پر پی سی بی حکام کے ساتھ کرکٹ فینز بھی آئی سی سی کے اس رویے پر سخت ناراض ہیں۔
’عمران خان بار بار گمراہ ہوجاتے ہیں، ہر چیز کی حد ہوتی ہے‘، شیر افضل مروت کی بانی پی ٹی آئی پر تنقید